搵酒席篇@NOVOTEL彩福欣宴

續上..

上回講到去逸東酒店OPEN DAY順道睇場，誰不知原來個場都幾細，而且甚麼佈置都唔包，價錢都唔係平，所以即刻放棄了這個選擇。

見這間酒樓離逸東酒店不遠，而且之前未黎過，又聽過有人講話幾好，所以就行過去望望。

搭LIFT上去，架LIFT都幾細又舊，心裡已經減了點分。

上到去，有個語帶鄉音的經理簡單介紹一下兩個場。以下這個是西式的場。

樓底都幾高，佈置都幾靚。基本上都唔駛再加DECORATION。

由台上望出去，都幾開揚，感覺都OK。

另一個是中式禮堂，長方形的場，可能唔夠闊，感覺好局促，所以諗都唔駛諗。

可能SERVE我們的經理不是講得太詳細，好多時都係我地問乜佢就答乜，所以感覺不太好。

雖然我覺得西式禮堂都OK，但MIN PAY都唔係特別平，2011年MENU又話會加價，酒水方面又要加，所以都不會過份考慮這個場。

再加上大王爸媽、大王和我都覺得這裡的員工態度表面上都沒有誠意，所以大家都覺得有點沮喪，因為我們還未找到心水場地。