日期: 2009年11月1日
哈哈..這個BLOG是紀錄籌備結婚的一點一滴,但由於時間關係,現在要補記返之前的事。
其實舊年的11月1日,大王爸爸媽媽就一日約定了我的爸爸媽媽飲早茶。
名義上叫做飲茶,其實是四大長老來個正式「提親」儀式。四大長老其實一早已經見面,因為我和大王不時都籌備好多活動讓大家一齊玩。可能大家都好NICE,所以氣氛都好和睦。
今次飲茶聚會是由大王爸媽提出。大王爸媽一早去到明星海鮮舫找了一個角落位,因為比較靜一點。
哈哈,六個人圍著枱坐下來。突然間,我也緊張起來。
大王媽媽先開頭,閒談間我也沒那麼緊張喇!
談話內容都是說我們決定了結婚,日子是下年幾月幾號。(這些事當然一早預先告知我爸媽啦!不要令他們認為自己是最遲知的一個)
我爸爸說:「至緊要大家結左婚之後相處和睦~~」
我媽媽又話:「佢唔識做家務...」(我媽媽成日都驚人地會退貨...)
大王就話:「我都冇諗過佢會做家務,佢唔係SELL自己識做家務識煮飯。 識佢個日都知佢唔識O家啦!」
哈...其實我都不介意他們這麼說,因為我覺得我冇乜點煮過飯,但唔代表我冇POTENTIAL~~
之後大王媽媽又問我們有沒有甚麼傳統習俗要跟?!始終她怕SKIP了家庭本身有的習俗。我媽媽說沒有特別習俗。
其實這次飲茶表面上是提親,但其實是男家在決定結婚、結婚地點和日期之前有個正式通知女家的尊重和禮貌。
雖然大家聽落可能覺得老土,但四大長老和我們兩個都覺得有尊重和被受尊重的感覺。
所以飲茶之後就駕車到紅磡煌府,我們兩個親自帶四大長老去睇多一次場。始終酒樓是日後比四大長老大宴親朋的地方,所以他們也應該先看一看。
我們去到煌府,主要是帶我爸媽去睇下真實場地。因為之前給他們睇過相片,所以大概都知他們會喜歡。
正式睇到場地,再加上大王有口才的簡介,他們當然也喜歡這個場地啦!
這個時候,我就叫爸媽去玩,留待我、大王和大王爸媽和經理傾談落訂事宜。
最後,當然順利落訂啦!
為結婚的一天,又邁進了一大步喇!
wow...原來最終場地係紅磡煌府呀!! 我都覺得個場好grand...
回覆刪除大王爸媽真係識做,主動約你爸媽去傾有關婚事o既野....好有心,亦都好得體呀!!
[版主回覆01/31/2010 22:14:00]講真..我都唔識呢D禮貌呀!
不過真係要做O家!人與人之間真係要互相尊重~~
我地係同一個場地舉行婚宴呀^.^
回覆刪除[版主回覆01/31/2010 23:48:00]yeah!太好喇!大家分享一下啦!
原來你仲係早我兩日去fb影相~~好緊張呀!
你準備好未呀
GOOD~~另個項目都好緊要O架,有啲人真係會傾唔O岩一言不合O架~~恭喜晒~~
回覆刪除[版主回覆02/02/2010 23:41:00]係呀!做左呢D野,大家開左個好頭...大家都被受尊重...
原來都幾緊要O家
見到大王爸媽同你爸媽相處咁和睦都登你開心, 我好怕呢d情況大家會無咩野講, 感覺好尷尬
回覆刪除[版主回覆02/02/2010 23:41:00]哈...唔駛怕....總之大家都笑下講下就得喇!
我冇諗住做 提親 呢個步驟wor @.@ 係米一定要架?
回覆刪除[版主回覆02/02/2010 23:44:00]唔係一定要...都要睇下你屋企人肯唔肯出黎...有D人唔會覺得有必要O家!
所以你睇下有冇呢個需要先啦!HAHA
可租用PHOTO TREE作DECORATION哦!
回覆刪除[版主回覆12/02/2010 16:22:00]租用要幾錢呢?!
只需$100,可租用一個星期!謝謝!可入的的BLOG內看看先丫!
回覆刪除