我要同陽光玩遊戲之BBQ

今早起來見有些秋風起就提議去BBQ。

一如以往去大尾篤再入少少的地方BBQ，因為這裡有個優點就是比較少人，附近有洗手間和有得釣淡水魚。

吞拿大王聲稱以前是小童軍隊長，所以請纓負責透爐工作。果然，不用十分鐘已經成功令個爐火熊熊。叻...其實每一次BBQ也是大王透爐的。

他透爐時樣子認真...

個爐不是亂透的，是有陣勢的...

今天特色食品....鹽燒海蝦、秋刀魚和鯖魚...

粗鹽醃蝦

製作進行中....

鹽燒海蝦製成品....好似去左新宿歌舞伎町食的燒物....正....好有蝦味和彈牙...

小紅腸和菠菜卷

鹽燒鯖魚製作中....

製成品...要大力推薦這個燒烤必吃的食物....外皮金黃薄脆，內裡...

魚肉鮮甜惹味...不得不試....好好味....MUST EAT ITEM...

大王話咁樣會瘦D...你唔好自己呃自己啦!

鹽燒秋刀魚加檸檬汁....以前都覺得BBQ的鹽燒秋刀魚好好味，今次卻發覺原來鯖魚更好味....

但大王都好比心機的燒....

其實今日去我地到陰涼的地方BBQ，一D都唔熱....仲好涼....

阿爸阿媽食左少少就去左釣水塘魚，釣到幾條....佢地好似想釣魚多過BBQ，所以最後淨下好多食物....

下次去BBQ再食D特別的野....

一隻大尾魷@高流灣

繼上星期艇釣釣得幾隻大尾魷後，突然間好似釣上癮，所以今日我和吞拿大王去高流灣玩下。

我們駕車入北潭涌，再乘94巴士入黃石碼頭。

等十二點半翠華船，$12入高流灣。大家記住不要搭碼頭的艇仔，那些大叔食水好深，開價貴到不合理。若果等得就不要搭喇!

我們等十二點半船時拍下照消磨時間~~~

吞拿大王把弄一下新買的MAJOR CRAFT FIT 魷竿。好輕身...現在才知甚麼叫FIT魷竿...

吞拿大王叫我著的魷魚衫。ROCK ON...WE FIND AN ENEMY APPROACH IT FROM THE BACK QUIETLY AND CAPTURE IT ABSOLUTELY!

每次著這件衫都會釣到魷魚...

上船喇~~~

姣蝦列陣

黃石至塔門票價星期六及日是$12。

吹吹海風

船長叔叔都要影...

就快到高流灣~~~

到喇~~~

開始FIT喇~~~新竿、ＢＢ攪和西瓜皮姣蝦。

中午時份不時落雨和出陽光。落了一雨後，第一下就ＦＩＴ到隻大尾魷小姐。。。

好晶塋剔透～～和邪惡的眼神。。。

牠還未噴墨，所以我們要用毛巾包著。。。

 

吞拿大王～～繼續努力呀！唔好放棄呀！

之後有幾下都臨上水甩左...悶悶地就影下日落...好有feel

五點幾，有次收絲返黎的時候，發覺有隻勁大隻的大尾魷，應該差不多30CM長的魷追上水面。我放返枝竿落去釣，佢果然攬返我地蝦。但我當時太不冷靜，佢未攬實我就抽起，所以走甩左....

我地最後釣到六點零五分尾班船都釣唔返佢上黎...

唯有去到黃石碼頭釣多一陣...

唔見尾魷影，卻奇奇怪怪釣到下面呢隻野....好核突....

好想去艇釣大尾魷...

今日曬到好黑，要做返美白先~~~

成日都係曬黑完又去整返白...做人真係矛盾~~~

恭和堂龜苓糕

食龜苓糕首選「恭和堂」。

堂食$42，外賣$43。

好熱氣和皮膚不太好，食一次已經明顯解了點濕熱。

食後，嘴裡不是苦味，而是既甘且涼。平日過度熱氣的我，吃後即感不同。

中藥苦茶我也可以忍受到。這龜苓糕真的苦到我有點想嘔的感覺...

真材實料...比起其他店，這家的龜苓糕好明顯是與眾不同。

每次到旺角也要食一次.....聽聞紅磡、深水埗和油麻地也有分店。

四眼仔腸粉@粉嶺聯和墟

喜歡吃腸粉的朋友一定要試下粉嶺聯和墟的「四眼仔腸粉」。

我常常經過這裡很是關門。今天，很幸運地終於可以一試。

腸粉很滑且卷很比其他地方的厚。我比較愛吃麻醬，所以下次要多麻醬才可。

好滑...滑很在嘴裡很快滑到胃中...哈哈....

大盛日本料理@觀塘觀塘道

午餐於觀塘道的「大盛」日本料理。

同事叫了下面這個蔥三文魚碎飯餐，價錢也是$43包前菜和飲品，不需加一。

賣相不錯。我們一行七人還給我們坐榻榻米房。

午市套餐還有不同款式的拉麵、浦燒鰻魚、泡菜鍋和石頭鍋定食也是$40多元起...算叫幾抵食~~~

大家經過觀塘可以去試下~~~

金沙日本料理@沙田中心

今天有同事約出沙田食飯。起初想去和民，但若果在晚上七時才沙田新城市廣場的和民，最少要有心理準備等一小時左右。

朋友又想食日本菜，最後選擇了沙田中心的「金沙日式料理」。

說真的，我和男友每次經過這店也不會光顧，因為價錢頗貴，再加上之前有新聞報導過曾經有食客在這裡進餐後不適。

進去了覺得這裡的環境原來也不錯，坐得舒服。這裡有很多卡位，四個人一張卡位就最好不過。

一揭開餐牌，的而且確一點也不便宜。後來發現原來有個(特價)黃昏套餐牌，價錢便宜很多。有下面這幾款不同價錢的餐牌: $58、$68、$78和$88，供應時間由5:30-7:30p.m.

不同價錢的餐包不同類型的食物，可供選擇頗多，抵讚!

我們叫了四個$58餐已經好飽...

我們$58餐包的什菜沙律...不錯...這沙律類似「和民」午餐沙律，但用料比較多和新鮮。

餐包的三文魚刺身，出乎意料的入口即融感覺。GOOD

同事的吉列豬扒拉麵豬骨湯底...拉麵看來應該幾彈牙。

拉麵看來應該幾彈牙。

我的滑蛋豬扒飯。若果有更加多的蛋就更加好，這個飯可以令你捧著肚走。

另外叫的梅香冷麵。由於我們不太喜歡梅味，所以這冷麵不太合我們口味。

好像叫炸蝦卷...

每人消費約$100。若果只叫$58餐，加一也只需$60多元，都算幾抵食....

下次會再光臨。

西貢大頭艇釣魚家庭樂+爆釣大尾魷 PART 2

下面係吞拿大王釣的油鎚，好得人驚。係無水的碟都可以跳紮紮，D牙又利。最後放回海中。

你睇大家幾開心?!

我要證明吞拿大王好辛苦咁負責拋錨工作。我驚扭親，所以唔敢幫佢。結果佢就要係炎夏做這極辛苦的工作，值得讚賞。

我和吞拿大王的午餐---日清麵豉湯拉麵。

好好味...要推介下大家試下。拉麵好彈牙，麵豉湯都好夠味，下次要再食...正...

後來去左橋咀島，只係釣得幾條魚毛。附近有好多掛左藍白旗的潛水船，怪不得無魚啦!食完午餐就走為上著。

又係食的時間...我的釣魚摯愛....JELLY~~真係大滿足....好多生果係入面....涼透心...

後來去到一個島仔。我見冇乜魚釣，又覺得呢度有大尾魷就FIT下喇!

左邊又FIT下，右邊又FIT下，本身都諗住應該冇魷喇!

突然間我拉返隻姣蝦上水，見到水面有隻好大隻的大尾魷追上水面，即刻叫吞拿大王黎睇。佢都話見到，於是佢即刻加入黎fit。fit左幾下就幫我釣返頭先走甩左個隻...

你睇?!上緊水...大家都好緊張....但又好興奮，掀起今日的高潮。

幫我釣返上黎個隻....都幾大隻同厚肉o家...好新鮮呀...想即刻做刺身。

我係幾分鐘之後都唔執輸釣到一隻....都唔比剛才個隻細o家....

之後大家keep住中....

我total中左兩隻，吞拿大王中左四隻。yeah~~~好興奮。

我終於可以證明比爸爸睇我係識少少點fit o家...佢成日話我買d大尾魷返黎...

我同吞拿大王都證明左比我地屋企人睇平時拎返黎o既魷魚係咁釣....

下面係其中幾隻魷魚....食用裝size~~~

有的放生...有的送了給朋友...餘下來就是今晚晚餐食落肚...

吞拿大王親自炮製大尾魷兩味.....第一道就是蒜茸蒸鮮魷

蒸五分鐘便完成。好香，大尾魷好脆口...新鮮果然不同。

還有功夫比較多的椒鹽大尾魷....好惹味...表面有少少脆，內裡的魷魚好有口感...出面食的通常好厚粉，但宜家表面有層薄脆，不會蓋過主角的味道。正....

我真有口福。我對自己說，要繼續釣多幾條大尾魷才有口福再食過....