2009年尾的10月尾的一個星期六,我和大王去了九龍灣德福平台的德藝會睇場之後,就乘往九展的SHUTTLE BUS繼續去睇場地。
(2) 九龍灣國際展貿的煌府
眼見到新婚生活易討論區入面,有好多人都在談論九展煌府旗艦店,所以不彷去睇睇。
乘SHUTTLE去到九展,不知在那裡搭LIFT上十幾樓。後來到CS COUNTER問姐姐先知有專用的LIFT上去高層。
一出LIFT,好黑。同層好似有些公司OFFICE,但可能使用率不太高,所以燈光較暗。自己一個人等LIFT都咪話唔驚。
指示牌清晰,指示我們到旗艦店門口。
門口真係好GRAND好靚。我部普通DC都影到好效果。上到去,見到有兩個大廳。
兩個廳都好大好靚,有一個還見到海景。每個廳都有一個類似休息室和RECEPTION的地方。
可能因為新的關係,兩個場都好合心水,一望已經有「嘩」的感覺。但我們行個圈望一望就走了!
因為大王和我不約而同都覺得這裡交通不太方便,所以好快可以放棄這個選擇。
下一站,我們行路去MEGA BOX。我們之前經過MEGA BOX的酒樓,感覺上覺得裝潢都好有氣派,所以今次藉睇場的名義深入去研究下。
(3) 喜百合
這聽說是美心集團的高級酒樓,之前去過那裡食晚飯,味道一般。
今次經過門口RECEPTION,見到已經覺得好頹。哈哈....雖然一對新人沒有放錢在佈置上,但這即意味著若果我們BOOK這個場就一定要放好多錢去佈置。否則會比人有好頹的感覺。
再加上,我覺得這不是一個較出名的飲宴地方,所以又好快已經BAN了!
說真的,我對這家酒樓都幾有好感。今次去睇場,兩個場都有人在擺酒。
我們邀請了公關和我們介紹下場地。對兩個宴會廳都有好詳細的了解。基本上,她對我們的所有提問都解釋得好清楚。果然是一專業的婚宴專門店,對新人的需要都好了解,而且在各方面都體貼得到。
這裡有九龍灣宴會一廳和二廳。二廳樓底矮一些,所以我對一廳興趣較大,而且一廳有落地玻璃望出去,景觀開揚。
門口的RECEPTION原來已經是酒樓的佈置。好靚好GRAND,已經不需要再加錢佈置。因為睇場那天兩個廳都有人擺酒,所以我沒有拍照。
這張相是宴會一廳門外,當日新人的佈置。我覺得對Q版紙板公仔好得意。
宴會一廳,全場可以擺35席。到達某個MIN PAY就可包場。樓底16尺,無柱遮擋。
舞台佈置都好靚,又有鋼琴。我基本上對這酒樓的食物素質好有信心,再加上場地真的好合心水。
公關姐姐好耐心解釋場地和費用,初步問過幾個好日都未有人BOOK,所以我們初步HOLD了兩個日子。
(5) MEGA BOX百樂門
在門外偷望了兩望已經BAN左這個場,因為個場是打橫長方形,而舞台就在中間,兩旁的賓客看不到個台。
而且酒樓用板間開擺酒和食小菜地方,這麼高級的地方用板間,好老土呀!
所以好快又BAN了!
睇場真係要好有耐性,因為每對新人也有不同的要求。看看實景,了解多了就可以「逐一擊破」。將本身SET出來的酒樓LIST,一個個的減少。
第一日的睇場日,暫時可以考慮平日的德藝會和假日的九龍灣御苑皇宴。
但這兩個場也不是我們的PERFECT MATCH。第一,我鍾意德藝會,但不想平日擺酒。另一邊,我都鍾意九龍灣御苑皇宴,又可以在假日擺酒,但交通不方面真的是一個好大的問題。
我在MSN問兩位好朋友,問她們有否去過MEGA BOX飲,她倆不約而同說那裡好遠,交通不方面,叫我要考慮賓客的顧慮。
無錯,我自己都覺得不方面。雖然可以安排旅遊巴送賓客出地鐵站,但要人來都要來得方便才可以。
所以,我左思右想都唔知點好....
如果賓客有心黎, 你擺幾遠既地點都一定會到!
回覆刪除但因為我親戚好多老人家, 對佢地黎講去megabox既話有一定困難, 而且我有同事家住九龍灣 過去九展飲, 連佢都覺得遠!
但如果個場真係自己好鍾意既, 咁遠都冇所謂。
[版主回覆01/20/2010 21:45:00]你講得無錯,至緊要自己鍾意個場。對個場冇信心都唔會JOIN...
我平時去MEGA BOX都係駕車去,試過自己搭車去...真係....覺得幾轉接下...不過MEGA BOX入面D酒樓其實都唔錯O家!
九展個煌府條樓梯好靚喎.....睇相都嘩一聲tim呀我~
回覆刪除[版主回覆01/20/2010 21:46:00]係呀!其實你上到去睇到佢地個廳都會嘩一聲O家!
因為真係好大好新~~
我地揀場時都有諗過九展個煌府,因為睇相已經覺得好靚,不過真係交通問題令人好卻步,所以最終我地揀返尖沙咀唔諗九龍灣
回覆刪除[版主回覆01/20/2010 21:57:00]係呀...要咁多賓客轉車去九展真係唔係咁方便.....
我最後揀左紅磡
御苑皇宴一廳真係好吸引, 我初時睇二廳係無心去問價, 但睇到一廳後即係好想book, 但只可惜我既圍數唔夠多, 只可book二廳
回覆刪除[版主回覆01/25/2010 11:37:00]係呀...一廳的MIN PAY要高少少先包到場...
二廳都靚,不過樓底矮少少O即..
CONGRATULATIONS呀!
煌府真係好grand喎!不過為咗親朋好友著想,都係德藝會啦!
回覆刪除[版主回覆01/27/2010 12:24:00]係呀..所以最後都無揀九展煌府
我上年十月九龍灣mega box 御苑皇宴擺酒架!!!
回覆刪除個場同氣氛都好好!!
[版主回覆03/04/2010 11:55:00]無錯~~我睇過個場都覺得好鍾意。
唯一唔好就係MEGA BOX唔係太就腳O即!若果唔介紹呢樣野,我都好誠意推介人BOOK~~