前幾天,大王再次下廚,好似好耐無食過大王煮的東西喇!
第一味就係蒜茸菜心炒海狼球。海狼稱不上是美味的魚,但我覺得在香港水域釣得的海狼總比南油釣回來的好食。
勁辣的豉椒炒花甲。雖然辣左少少,(因為我去街市買一蚊紫天椒,個哥哥可能見我nice,所以比左勁多我。haha....)但就好惹味呀!好似去大排檔食一樣!good!
不過我只可以食兩隻咋!
呢個係我媽媽整的釀青椒,好好味呀!
另外,我們在荃灣買菜期間,見到一間手打丸丸的鋪,對以下的手打墨魚卷好有興趣,所以就買左黎炒蕃薯苗。哈哈....
最後就係重頭戲.....蒜茸粉絲蒸海蝦。可能呢d蝦好新鮮,所以非常彈牙!可惜我皮膚敏感,只係偷偷食左兩隻咋!
若果要我比分,我會比85分呀!
辛苦了大王再一次係高過28度入廚房