大王SOLO「I HAVE NEVER BEEN TO ME」

又係大王SOLO的時候。今次係I HAVE NEVER BEEN TO ME，中文版係周慧敏的「孤單的心痛」。我相信，呢首歌係陪住我地長大，當中都好有感觸。

上年同大王去東京旅行時去YAMAHA店買左呢本電子琴歌書返黎，入面仲有PROGRAM碟，所以你會聽到入面有好多種唔同O既樂器。

大家細心欣賞啦~~~

成個人咁大隻的大尾魷@第二次煲薑(二)

好....等我繼續講返第二次煲薑fit魷記先。

由於之前睇左天文台網頁話今日可能下午一點轉流，所以我地釣到兩點幾先去塔門食飯。

到逹塔門喇!好悠閒假日feel，沒有太多人....good~~~起碼食飯唔駛等成個幾鐘先有得食。

水好清~~~見到有海膽和小尾魷仔。

照舊去返個度食飯。有位靚仔o既侍應哥哥走埋黎問我地食乜....我估呢間鋪有左呢位靚仔侍應生意會大增，不少少女會慕名而來。

不過佢唔好插枝筆係耳仔度可能會冇咁土氣。

蝦醬鮮魷炒飯，唔錯唔錯....

义燒炒一丁，都好好味~~~

靚仔侍應哥哥坐埋黎同我地食飯...哈哈

仲好cute

食完飯去到上次第一個去o既位釣。由於太大暗湧，我驚跌左海，所以坐定定，等佢地有人fit到魷先釣。

四位男士好比心機....

後來轉去一個冇咁湧o既位，麥老闆成功釣到一隻ok size的魷上黎振奮下士氣。

唔該哂老闆幫我地放魷落沙倉。

後來又轉左位，不過都唔係好企得穩。無意中，誤中左一隻魷，我feel到佢有d份量。不過收返黎個時甩左，師兄們叫我再放返去原先個位，大尾魷先生可能會再攬隻蝦。果然，一下就釣得返佢上黎。原來係...咁大隻o家~~~

我收上黎果時都覺得有d重，這是小女子釣得有史以來最大隻的魷。

thank my god....又是紅藍精神帶給我的好運。

這是一隻大尾魷先生。顏色好靚~~~

用師傅的daiwa尺度之下原來個筒有27cm長。

最後去到一個靜水位。fit左一陣，大家都無料到。

後來，我終於係呢度開齋，大家先冇放棄。

我的大王都有係度上到魷，仲影左張扮o架仔相...哈哈....同件衫絕好釣好同出一徹，真係賣哂廣告。raycal and sephia bb攪上~~

老闆都唔執輸

大王又中喇~~~冷靜d~~~

哈哈....呢張反而有o架仔feel喎..

回程時見到沙倉的一隻大尾魷好似豬豬俠咁想偷走，場面攪笑....

後記: 本身諗住今日係紅藍精神最後出賽日，從此以後就退役。今日反而我釣到的所有魷都係佢幫我上。佢好似一隻馬，諗住要佢退役，佢反而老馬有點火氣。紅藍精神好有靈性。

在我今日釣魷的過程中，我冷靜地反思。

我覺得...

它彷彿悄悄地告訴我它不捨得我，不捨得離我而去。

要永遠在我身邊侍奉我。

成個人咁大隻的大尾魷@第二次煲薑

yeah~~~~可以又出發煲薑喇~~~今次又係同小銘、林小信、麥老闆和大王出發。

上次出發前席因為發惡夢訓得唔好，所以玩個時都冇乜精神~~~

今次唔好喇!出發前一早已經訓覺，所以抖足精神去玩，人都精靈d~~

大王七點多來到我屋企樓下的停車場攞車，幫佢影左個靚相~~~

在三門仔的士多吃過早餐後，大家就去到碼頭旁set竿。你睇隻姣蝦幾靚?

shimano sephia bb攪...大王打埋sephia o既布繩比我用....多謝大王

大家懷住興奮的心情上船去~~~

yeah~~~終於開到齋....釣到隻小魷....當然要catch and release啦!唔係第日邊有大隻釣呢?!

呢兩位小朋友係度做乜呢?!好似好cute咁~~~

又中喎....等我影張攬住隻蝦o既相先....因為見到呢d鏡頭又係好興奮....同埋可以知道大尾魷係點食隻蝦~~~

後來去到呢個位....好大風浪....企都唔係好企得穩...中左一隻有d size的魷。不過冇影相...唔緊要...一陣都會繼續釣到。

樹生叔叔用黎釣魚的蟹仔。蟹仔嘔白泡的一刻，好似小朋友玩口水。

又有大少少size的魷魚上釣。yeah~~~~

和好nice的樹生叔叔合照....後面有位小朋友玩得好開心喎!!

若果師傅你企唔穩跌左落海就好笑喇!

哈哈....小尾魷都影相...唔知一陣釣唔釣到....所有魷都係用紅色的竿和藍色的攪中魷，呢個組合叫「紅藍精神」(其實係一隻馬名)。我地不斷話釣埋今次枝竿就要退役，佢就不斷令我地中魷....

 

小魷影完相就放生~~~

好易中好易中..好易買餐「食送」...哈哈

林小信師兄因為幫大王上呢隻魷而被噴。好在佢用佢左邊的「canada」擋哂，若果唔係大王都會糟央。辛苦了師兄~~

師傅好似好滄桑咁....做乜唔開心呀?!

大家到塔門吃個午飯休息一下先再戰....

(待續)

JW MARRIOTT萬豪酒店 THE LOUNGE TEA BUFFET

昨天朋友生日，幾個女孩子最好就悠閒一下...所以就提議去萬豪JW MARRIOTT THE LOUNGE食TEA BUFFET。

這裡的BUFFET與樓上萬豪咖啡室不同之處是THE LOUNGE無論環境和食物質素都高一級。我覺得最主要的分別是這裡會讓你有種RELAX的感覺。

THE LOUNGE正門

我們坐的是大梳化，位置寬敞舒適，背後是落地大玻璃，可以感受到金鐘的高尚氣息。

你睇這位朋友多悠閒的看雜誌...

哈..我們兩個又來扮悠閒...似嗎?!

開餐喇!我首先食有機蔬菜的沙律。味道調得好好....味道回味中...

熟食區有以下食物

熟食區AGAIN....不過我好似一樣都冇食過...

刺身方面有三文魚和蚌。朋友拿回來一大堆三文魚生...蚌好爽..所以好快比人食哂..

甜品時間開始喇!件PANCAKE好足料...入面係一大塊鮮芒果，自己選醬料。

藍苺TART好正...藍苺好新鮮，唔係罐頭藍苺，食多D眼晴好D...

美國芝士蛋糕，好滑好CREAMY呀!又不溜....將一口放在舌尖，慢慢在口中融化，突然間覺得好幸福。

右邊是不同三文魚味道。有綠茶、LEMON和煙三文魚。左邊有鰻魚、鯖魚和北寄貝壽司。看到後面還有HAAGEN DAZ雪糕嗎?!

鰻魚壽司

HAAGEN DAZ有STRAWBERRY, VANILLA和石板街等味道。沒有我的至愛冧酒提子...所以選擇了士多啤莉...GOOD

好想再食下面D甜品...中間的是焗玉桂蘋果TART。旁邊有綠茶紅豆CAKE，由於我喜歡吃綠茶食物，所以覺得這款CAKE也不錯。

但簡單來說，全部都好好食~~~

見到五顏六色已經開心...何況可以將佢地放入口?!

朋友不停食三文魚生...還有日式冷麵

飲品方面可以選擇中國茶、西式茶或花茶。這個LOUNGE有TEA COMPANY，當然

要試下嘆下茶啦!

另一些款式的甜品。朱古力CAKE不太甜，有可可味，香濃且滑...試下就知!

六點多。我們要離開了~~~依依不捨這個美景...

今次BUFFET價錢為$248加一，三點半至六點。聽聞逢星期六可以由一點到六點。

HSBC白金咭有8折~~~有機會再來~~~