2009年10月尾,自從決定同大王結婚之後,我就嘗試自己初步訂一個日子。
雖然日子係男家定,但好多時要男仔開始去START呢一個大PROJECT真係有D難度,所以我自己就初步學下擇日。
首先就要縮減範圍。最快都要2010年年尾結婚,但好像一切都太急,好多要BOOK的東西都未必BOOK到。再加上2010年好似係盲年,所以不如就選2011年啦!
定了2011年就開始定月份。這個工作不是太艱巨,因為要集合四大長老、大王和我的生肖和農曆生日月份,再去以下一些網址參巧一下。
電子通勝 |
http://mindcity.sina.com.hk/MC-lunar/index.cgi |
黃道吉日 |
一般人在擇日時都不喜歡單月,例子三、五、七、九、十一月。 三、七、九月不用,是由於三月忌清明,七月忌盂蘭節,九月忌重陽。 另外又有六月不用之說,理由是恐半世夫妻。 《通勝》上有很多日子均註明不適宜婚嫁,根據傳統習俗來說, 「三娘殺」絕對不適合嫁娶,即每月之初三、初七、十三、十八、廿二、廿七。 其實「三娘殺」並不足以構成不宜婚嫁的條件,而合婚的條件有很多, 當中有說是「六合」、「三合」、「貴人」等, 前者是指(1)寅與亥相合;(2)卯與戊相合;(3) 辰與酉相合;(4) 戍與未相合;(5) 巳與申相合等。 |
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
最後其實只剩下幾個月份。我大致上比較喜歡2011年3月,即農曆二月。
其實說真的,我們也沒有打算要出去搵人擇日。我覺得擇日都係求心安,日後兩夫妻有相處問題時就不會有藉口話結婚個日唔係好日。
再加上男家方面覺得若果深入去了擇日這個TOPIC入面就乜野傳統都要跟到足。
我又想要3月的星期六日,所以選了幾個日子,例如3月5日和3月20日。
但聽聞若果出去搵師傅擇日是要再睇大家的時辰八字和夫妻宮等高層次的東西,真係愈來愈複雜。
大王媽媽講過話佢結婚個時出左去擇日,但後來卻有人話大王媽媽結婚個日唔係好日,所以...好唔好日,呢個師傅可能話好日,第二個師傅就話唔好日。
我愈來愈覺得出去搵人擇日好似用錢買心安,所以最後唯有自己定幾個日子出去搵場先再作決定啦!
我地冇睇咁多野架...主要係我鍾意個日子......揀左個日子之後先問相方父母! XDDDD
回覆刪除[版主回覆01/12/2010 23:25:00]哈..你地咁就減少好多麻煩~~~
其實我都係初頭睇咁多野...最後都係用個場黎就日子~~~~
係你lee篇blog到,終於知道點解我媽咪話唔好初三,七,十三......結婚喇,原來係咁解的....
回覆刪除好認同你的講法,其實自己唔太介紹好唔好日,不過為左屋企人安心,都係盡量搵個"吉日"結婚,免得日後有排煩!!
由於阿媽話通勝未出到11年的,所以尋晚就同佢係sina網,逐日逐日咁睇,邊日宜嫁娶就mark低,再問下人會唔會相沖.......原本真係超多野煩架
[版主回覆01/16/2010 22:23:00]係呀!要攪結婚真係要過好多關。第一關就係擇日子。
好在擇日係男家定日子,而咁O岩我男朋友屋企反而叫我唔好STEP IN擇日呢樣野,佢地話一STEP IN要就呢樣就個樣...
我都係SINA睇下年3月的日子邊日唔同我地生肖和生日月份相沖咋!其他都已經唔CARE去睇!
你要搵定幾個日子先,因為搵啱場地都要睇下佢地有冇期先BOOK到。我最後尾都係用個場呢就日子~~
加油呀!
你就好啦....其實我男友屋企人都唔CARE擇日問題,不過我媽咪就一定要,所以先煩~
回覆刪除不過幸好,大致上場地方面都有心水,再問下D日子OK就可以落實了,希望可以早D完成lee件大項目
你都加油!!
[版主回覆01/17/2010 22:24:00]係呀..擇日和酒席場地都要家中四大長老SAY YES先成事~~
大家一齊努力~~
哈哈!你很厲害呢! 自學擇日
回覆刪除