搵酒席篇@逸東酒店EATON HOTEL

2009年的重陽節，今次我、大王、大王媽媽和爸爸一起去睇場。

邊有人會係重陽擺酒呢?!咁O岩大家都有時間就一齊繼續去睇場喇!

今日第一個目標地方係逸東酒店，是大王爸媽主動提議的一個地方。剛巧是酒店的婚宴部開放日，所以就去八卦一下。

這裡出名的金鑽廳樓底高，係長樓梯行落黎真係幾GRAND。不過呢個廳的MIN PAY都幾高，而且個場有好多柱位，所以我地好快已經冇興趣。

NEXT，翡翠廳，樓高3.7米，約18圍。逸東的LEAFLET講O既圍數真係多好多。

若果要擺18圍真係好迫，宜家睇相都係10幾圍咋!

主家席是紅色，賓客的就是這種顏色。

因為是OPEN DAY關係，所以另外特別做了場地佈置。本身，只係得個台仔咋!

所以若果係度擺，場地佈置的錢應該幾貴下!

這裡是明珠廳，同樣是樓高3.7米，在翡翠廳的隔離，預計最多可擺16圍。

這裡擺16圍都真係幾迫下~~

新娘房好細，轉身都轉唔到。我諗只可容納MUA和新娘。

廳外面的RECEPTION台。這是經過場地佈置後的樣子，本身是沒有任何佈置的。

隔離就是另一個廳的RECEPTION。

這是彌敦廳，窗外就是彌敦道。這個BACKDROP好靚，但原來又是場地佈置後的結果。

這個廳其實幾有氣派，但原來是T字型之外，還包埋門外面的一些位置，才叫做擺到23圍。

門外面仲話放多幾張枱先叫做擺到23圍。佢話D人通常比D兄弟姐妹坐出邊。我地話:「唔係MA...坐出去?!又睇唔到電視，點知入面做緊乜野呀?」好奇怪的佈局~~~

還有，廁所要上樓梯唔知行去邊，真係唔知點教D賓客去洗手間喇!

 

後來坐下來傾下有甚麼優惠，原來....有優惠=無優惠。

本身對這個場都有期望，但參觀過後，原來先知一D都唔適合我地~~~

哈哈!又KO一個場喇!