2010年雖然只是過了幾日，但原來我在這幾日之內拍了一些題目為「老友狗狗」的相片，所以與大家分享一下。
下面是爸爸與彩龍酒樓門外的狗狗。雖然隻狗都唔細隻，但都幾呆呆下。
爸爸一摸牠，牠就去嗅一下有甚麼吃。狗狗好似好肚餓咁...
我覺得爸爸好鍾意狗狗，所以打算爸爸日後退休時會叫爸爸養哥基CORGI。
這張就是前兩天幫大王拍的。這兩隻狗狗，左邊的叫阿Q，右邊的阿MILK。我同大王都由細睇到佢地大。每次見佢地一次都明顯發福左。
佢地今次一見到大王，好似癲左咁抓大王件衫。呢個時候，我當然隔住玻璃睇啦!HAHA....
大王大派食物，肯SIT先有野食。你睇佢兩隻野幾乖呢!
阿Q唔SIT，阿MILK好醒目咁輕拍阿Q叫佢SIT，好攪笑....
成日諗第日有機會時會養乜野狗~~我諗住會養哥基呀!
因為金毛尋回犬太大隻喇!貴婦狗又太活躍。哥基細隻D~~~
不過應該都冇咁快有呢一日喇!
Good Morning! 養狗要有間大D架屋,最好是村屋,空氣流通D,人同狗都舒適D.
回覆刪除[版主回覆01/06/2010 22:33:00]係呀..所以住村屋養狗就最好不過
你是不是到川龍飲茶呢,那處我都好耐無去了,你是坐車上還是行路上呢?
回覆刪除[版主回覆01/06/2010 22:34:00]我地搭車AND駕車上去O家....
川龍茶樓D野都幾好食
記住呀, 若養寵物, 要一生一世愛護佢呀
回覆刪除[版主回覆01/06/2010 22:34:00]甘太我知道呀!
所以日後若果有呢個心先會養...
狗仔是我們最好朋友, 我都有養隻松鼠狗仔.
回覆刪除你講得無錯, 如果住大廈只可養細狗, 如住村屋就可考慮大種狗.
[版主回覆01/06/2010 22:36:00]我成日覺得松鼠狗仔好乖，你個隻聽唔聽話呢?!
住大廈已經夠迫，仲養大狗一定迫死!
我轉咗張相是我家松鼠狗的相, 佢好聽話,
回覆刪除不過好喜歡食嘢, 現在好似隻白色豬仔,
所以醫生要佢多做運動減肥,
還有佢一定要同我睡的, 好保護我, 真係好忠心!
[版主回覆01/10/2010 15:04:00]我見好多養貓狗的人都視貓狗為家庭成員的一份子..同埋我覺得貓狗狗真係好識性~~
你隻松鼠狗好乖...識保護你...作為主人真係好LUM O家!
養日本柴犬吖! 好正架!
回覆刪除[版主回覆01/27/2010 12:16:00]哈...大王話日本柴犬好貴O家