食過返尋味@蓮香樓

上星期平日的一個晚上，放工去到上環信德廣場等待正從澳門工作回來的大王。

大家想一想去那裡食晚飯，我從OPEN RICE網頁一SEARCH上環就見到「蓮香樓」。

於是就充滿期待的心情去試。

蓮香樓為於中環蘭桂坊威靈頓街160-164號。我們由於是晚上去用饍，所以都沒有試到這裡聞名的點心，所以今晚主要是食小菜。

門外展示了招牌菜家鄉釀鯪魚和古法雞蛋焗魚腸。

平日的晚上，好容易就搵到位。一坐下來就有「阿叔」侍應問我們飲怎麼茶。

看一看MENU，懷舊八大名菜:大花蝦、西檸雞、酥炸軟殼蟹、梅菜蒸腩片

還有生根蜆介鯪魚球、紫蘿牛肉、雲翠炒馬蹄和紅燒鮑翅。真係...樣樣都想試!可惜得我們兩個就不能叫太多菜。

再問下阿叔侍應有甚麼招牌菜，最後叫了以下這個「醬燒骨」。

一上台，阿叔就即刻幫我們切開。

嘩!肉稔而且鬆化，好好味呀!好惹味!

大王點名要食的古法雞蛋焗魚腸。本身我都唔鍾意食魚內臟，但最後都食左好多。

因為食落去無腥味之餘，再配上香噴噴熱騰騰的焗蛋.....好正呀!

哈哈..令我諗起之前去韓國食的蒸蛋。大王落了一些胡椒粉。

另外還有一個腐乳炒什菜。大王~~~開餐喇!雖然兩個人食唔得多，但已經好豐富喇!

食完枱上面的食物已經捧住個肚腩仔。侍應叔叔仲話有糖水送。

但......大王督促我要減肥，所以有得睇，無得食!

這裡仍然保持住懷舊味道，好似回到五六十年代的香港。

這裡還有糕餅外賣~~

我地問侍應叔叔夜晚有冇得食出名的馬拉糕，原來要一早打定電話來預訂先有。

這裡著名的還有八寶鴨 ，聽聞做法是把蓮子、栗子、咸蛋黃等餡料放入鴨內再以上湯炆至糜爛。只要用匙羹便可輕易劏開。鴨肉一點都不硬但吃落就有一點干。餡料還十分入味。大家記得下次若果想去和食八寶鴨就是打電話去預訂喇!

 

預訂電話: 2544 4556