今天,四月三十日星期五,是我和大王補影法國婚紗PREWEDDING的外景日子。
自上次三月十二日影了九龍塘內外景之後,因為天雨關係而將外景部份的拍照改了去四月三十日。當時,已經覺得晴天霹靂,要等多個半月要有得影相和睇相。但,無可奈可都要接受。
今次,拍照前的一天,整天都是狂風雷暴。我們致電去FB問若果天氣差,又要改期到那個時候?平日最快要去到五月三十一日,假日就要去到七月三日。我的反應極大,又要等這麼久?
最後,我沒有改期,還是看一看明天的情況如何吧!
再一次引證,信天文台一成都死。其實一個星期前,我已經開始看七天天氣預報,初時只看到「多雲,有幾陣驟雨」。之後兩日就見到改了「日間部份時間有陽光」。前兩日又變回整個星期都要多雲。昨天就看到「初間有狂風雷暴」,之後幾日就晴天。點解日日都唔同?
昨天下午,心情都頗低落。心想,又要等成個月先有得影,影完先有得睇?!本身唔心急都突然心急起來啦!昨天晚上,心情才平伏少少,叫自己要保持開朗的心境,面對我們控制不了天氣的事實,所以都叫自己早少少訓。
今早起來,被陽光曬醒,整個人勁雀躍,覺得沒有可能發生在我身上的事竟然發生了!真的沒有想過昨晚還落著密雨,今天竟是陽光普照。YEAH!一切照原定計劃進行喇!
約了十點鐘去到九龍塘法國婚紗。之前先去了鑽石山荷里活廣場的百佳超級廣場買兩束花做頭花。我都知時間緊迫,但覺得影外景無頭花又可能會後悔,所以就順道去了鑽石山買花。但.......真的揀唔落手,沒有太多適合做頭花的選擇。
最後還是揀了不太好意頭的小菊花,因為開得靚和顏色鮮艷一點。
我九點五十分已經到達FRANCE BRIDAL,今次是自己一個人先去,因為大王要遲少少先到。
今次化妝師同樣是琳琳,我對她的手勢是充滿信心的。我又有給她看一些我想要的髮型SAMPLE,主要是前面兩邊的曲髮長一些顯得長一點(無咁肥...),而且影後面和側面都D野睇下的髮型。
又係洗手間影了張造型相。哈哈....
十二點半左右就出發到馬灣。一落車.....好曬呀!真係無諗過今日係咁O既天.....
可以好清楚睇到青馬大橋和汲水門大橋,心情真的突然間好愉快呀!
我們先去了漁村那邊影,影第一二張相,大王已經被蚊子咬了三口。我叫自己不要望不要理,因為愈理就有一撻撻紅。
之後即刻搽蚊拍水,整個過程我只被蚊子咬了兩口。
漁村那條橋都影了好多張相,希望影出黎OK啦!
漁村之後去了馬灣公園和沙灘。GOOD!都是我喜愛的園景和沙灘。
我成日好想同大王去馬灣,在青馬大橋下拍照,今日終於心願達成喇!HAHA
係沙灘影相真的是列日當空的時候,做好多不同POSE,我FEEL到大王的汗在恤衫底下湧出來。辛苦了!平時大王最怕就是熱。
MONA LISA的根據地就在馬灣,我都見到兩PAIR MONA LISA的人影相。她們的衫同FRIANCE BRIDAL又真的是走不同路線。
大王用手機影的合照~~~都唔錯呀!GOOD!
影完沙灘相就完結外景這PART喇!返上去MONA LISA度洗腳著鞋....
見有空檔時間叫大王幫我影幾張相留念。
其實件外景婚紗都唔錯!上身這個設計,可以遮一遮上身的肥。
大王同助手RAY(我地叫佢AARON、雅朗、殺人犯郭富城和著褲城)合照。
戴了RAY BAN太陽眼鏡真係勁似著褲城呀!哈哈...
哈..同青馬大橋影返張先。YEAH!
後面都好長O家!還有些頭花.....幾滿意呀!
今日可以咁好天,真係諗都無諗過。再一次引證,好多野,「上帝早已預備」。
現在,期待後日(星期日)的睇相日......
到時再分享!