大王與女王的照相記事: 3月 2010

2010年3月26日星期五

籌備五月的台灣PREWEDDING之旅

最近都好少UPDATE BLOG，其實真係有好多野想SHARE~~~但真係返工又忙，放工又忙。

放工忙乜野?就係不斷上網睇資料籌備五月去台灣影PREWEDDING的事宜。

香港人做野乜都快過人，所以要快快決定機票和酒店的事情。

機票:

一早已經諗住搭長榮去台北，因為港龍較貴，中華航空又唔敢搭，所以揀長榮就經濟一D。睇過各大旅行社的機票都唔算平，萬福旅行社都要$1,220(另加TAX)。

但見到PRICELINE仲平喎!只需$1,180(加TAX$403)，都算幾平。

第一次上網買機票，真係快、靚、正!即時CONFIRM TICKET，好快就出埋E TICKET NUMBER。原來PRICELINE有時真係會有平少少的機票。

酒店:

現在就煩惱酒店事宜。

應該都會住近台北火車站的旅館，但又想搵一晚住得靚少少。拎住D行李轉酒店又頗麻煩。

台灣的酒店或旅館又FULL得好快，我見有D已經FULL左，所以真係要快快決定先得喇!

2010年3月21日星期日

又去FIT一FIT

昨日三月二十日星期六，三人行組合: 小信師兄、大王和我又出發去FIT魷了!

之前因為怕曬黑，所以暫停了一切的釣魚活動。現在，可以去玩下感受下藍天碧海。

所以在出發之前，心情真的好興奮。

知道最近的水口很差，對FIT魷都沒有太大期望。結果，真的又再一次FIT唔到魷魚。

小信師兄這個大師傅級都只是釣得兩大隻。最近D魷魷去哂邊?可能水太涷，唔知游左去邊喇!

出發喇!大王和小信見最近北水一帶釣況麻麻，所以今次去遠D。我地去左果洲呀!

三人行的架生。

大王新買給我的RADSTEP釣魚帽。粉紅色我好LIKE!我諗以後都會帶呢頂帽去出海!

先去艇家的魚排拎少少野，見到BB肥左好多，卷埋真係成個波咁~~~

好難先捕捉到BB影正面。

艇家話無幫佢剪毛，所以睇落去肥左。

今日的兩隻魷都係小信師兄中。第一隻都真係幾大隻...小信師兄話佢的活躍程度不高，所以收佢返黎都無乜點作反。

梗係要同收獲影返張相啦!(其實呢隻魷魷知道要影相，所以發惡，噴左一大堆墨....)

幾時都話...影相係有代價O家!

果洲的大型六角柱群。

今日不停圍繞果洲轉位。果洲真的蚊患嚴重，去到邊離岸咁遠都好多蚊圍我地。

小信師兄仲要著短褲短衫，後果當然........不堪設想啦!

我同大王都唔係好佢好多，成日係度拍蚊。大王仲鍛鍊到敏捷的拍蚊技巧。

小信師兄的第二隻魷魷~~~收返黎個時已經噴到成個海都係墨。

辛苦艇家了!

我地見水口咁差，轉玩釣魚先。

大王同小信都好攪笑...又JIG魚，又雞魚釣組....好似幻想自己去左南油.......

大王中魚?!

小信師兄都中魚

原來係食用裝石狗

突然，大王有D唔尋常舉動。一邊收，我見佢枝竿已經彎哂。最後仲親眼睇到斷埋。

之後就當手絲咁收....

嘩!大家都好興奮，因為在香港水域釣得斤頭雞魚。

初頭大家仲係度笑話試下呢個迷你版雞魚釣組釣雞魚，點知原來真係掂O家!HAHAHA

呢度就係果洲的火燒排，上年我地三個就上左呢度SHORE GAME FIT魷。宜家睇返真係幾怯，點解我個時可以夠敢上去釣?艇家都話若果呢度吹東風，D浪會淹蓋左呢度。

迷你版雞魚釣組試驗成功，當然可喜可賀啦!HAHA

我們的CROCS~~~

小信師兄在火燒排曾經有一下大野拉蝦，收返黎時甩左。小信師兄再加時作賽，誓要釣返隻巨物上黎，最終都比佢走甩左。

之後大家試多幾個位都無魷魚的形跡，我都轉左去釣魚。反而釣魚仲有D收獲，魷魚就真係唔知去左邊喇!

回程喇!

返艇家魚排再處理收獲。雞魚好攪笑...

魷魷...你D同伴去哂邊呀?!攪到你咁孤獨~~~

李錦聯師傅劏魷真係手扳眼見功夫

呢個時候當然要收工啦!

大王心諗....最近D釣況咁差，睇黎都要休息一下遲D再出擊喇!

雖然釣況不太好，但可以將身心暫時得到RELAX，同陽光玩遊戲，感受一下大自然已經好足夠喇!

2010年3月18日星期四

與兩位南油艇家的飯局

昨晚與大王參加了釣餌師筏會與兩位南油艇家(安仔和肥雞)的飯聚，實在是既難得又開心的機會。

其實我對這兩位艇家都有一定程度的認識，因為大王經常把他的南油之行詳細的匯報給我聽。每次聽他的匯報，我都覺得自己一齊出了去玩。

今晚之飯局原來得我一個女子，起初以為安仔老婆都會去呢!不過不打緊，其實各位男士都可以用他們本身的語言溝通。我不會覺得難聽入耳，還覺得好好笑!

參與今晚飯局有主席、高佬、肥榮、大王和我，地點筲箕灣一食店。這裡環境雖然不太乾淨，但食物真的好食。安仔這地頭虫介紹得去的地方，都唔會差得去邊。

這裡的蠔餅真的好鬆化，我好似未食過呢種味道。GOOD!

等我幫你地影張大合照啦!

之前聽大王講過話上安仔船BBQ，不過我未上過呀!希望之後再有機會去返次啦!

其實我以往兩年，每年都去過一次南油。第一次出南油，就是跟大王上肥雞船。

那一次雖然很大風浪，但我都頂得順!厲害!(自己讚自己~~)經過那次之後，我先發覺原來出南油都可以食到屋企食的好WARM家常小菜，肥雞嫂的手勢真的很不錯呀!

今年的五月，希望天朗氣清，讓我有機會上安仔船同各位去玩啦!真的好期待呀!

今晚大家東南西北都傾，對出南油釣魚了解多了!肥雞同安仔都好風趣，大家少了點隔膜，不是艇家和釣魚佬的關係，而是乜都傾的朋友關係。好似大王出了這麼多次南油，雙方都建立了默契，這樣出南油真的會玩得開心。

點解大王影高佬食雞腳呢?

今晚我都領教到安仔成日都要「計數黎講....」，真係可以將呢個詞語無限次造句。

主席做乜咁cute?哈哈

原來安仔同肥雞好friend。大家o岩channel真係幾難得~~~

肥雞同安仔都係飲得之人，無人夠膽挑戰肥雞。

拍埋去大王度就知安仔有幾瘦。哈哈~~

點解安仔會比$500主席?

原來，大家都咁了解安仔。好攪笑..

高佬同大王，若果你地有時間就copy返d相去寫blog啦!

快d攪個唱K GATHERING比安仔啦!原來佢有潛質參加「超級巨聲」O家!

2010年3月16日星期二

註冊場地---尖沙咀伊甸園喜來登酒店HALL 10 & HALL 11

再繼續談談註冊地方事宜。之前講到去了尖沙咀緣美傳說睇場，之後就去埋位於尖沙咀喜來登酒店的伊甸園睇。

我之前上伊甸園個網頁見到有中環的戶外場地和碼頭旁的室內場，但由於要過海關係，所以就捨棄了!最後可以考慮的就是新世界中心和喜來登的HALL。

新世界那邊就不用看了!之前有人去完感覺普通，所以只好去看看喜來登這個HALL。

去到面向尖沙咀SOGO的門口。見入面無人，只是掛了個牌說外出片刻。心想...唔通要摸門釘?!見到牌上有電話，所以就致電負責人說想睇場，結果佢叫我等等。我問佢要等幾耐，佢用一D唔係咁好的語氣話:「我咪係你後面囉!」原來佢已經返左黎!

佢D語氣真係極度唔NICE，我同大王都打左個「突」，因為個個女子D語氣好粗魯，好似對人呼呼渴渴咁。勁型!

之後我地跟佢入去望望個場。我地問佢D收費，都好唔親切。無所謂，我都唔會揀呢度，只係望下個場O即!

先是HALL 11，全個場以金色為主題。