2009年的10月尾的一個星期六，與大王向大PROJECT踏出第一步，就是去親身看看一些場地。
今日主要是去九龍灣區睇場。其實九龍灣德福廣場都有幾間酒樓，交通都幾方便。但德福商場入面個D酒樓，好多都比大王REJECT左。哈...所以又可以將範圍縮窄。
於是，我們第一個目的地就是...
(1) 九龍灣德福花園平台P13-14的「德藝會」
今晚都有人係度擺酒，只係人地未到，所以我地就入去參觀下個場。
嘩!好靚好GRAND。人地話EATON HOTEL賣點係有樓梯比新人行落黎，呢度都有呀!
仲要宜家眼前睇到O既場地佈置全部唔需要加錢，可以慳返好多場地佈置的錢。
一眼望落去已經覺得好舒服，地方好寬闊，唔會有壓迫感。
已經幻想企係台上影相會幾靚~~
右上角有好大的PROJECTOR，場內的燈有唔同顏色轉~~
場內無柱遮擋，全場賓客都可以望到台上面做乜野!
每圍都有台花
還有鋼琴，不過若果用好似要錢。我聽講過可以FREE得到
新人由升降台升到樓梯頂部行出來MARCH IN
台又高，佈置都好高貴優雅。
主家席。還有南瓜車可供拍照。
好舒服的感覺~~
因為當晚擺了18圍，所以好寬敞。
台上的佈置都好靚呀!
RECEPTION望入去。
RECEPTION後的休息地方。
德藝會贈送的囍帖。
RECEPTION都已經佈置好，唔駛再加錢佈置。
我們初步問了價錢和優惠。平日和星期五六日的最低消費都不同。平日的MIN PAY就真係好吸引。基本上有O既野都送，餐飲都即時有優惠。DETAILS我就唔方便講喇!
本身想要的3月5日都已經比人BOOK了!所以用其他日子暫時HOLD了個場。姐姐話若果有人要我地個日子，就會問左我地會唔會落訂先比人。
門口~~
門口。由於係會所關係，所以會有好多一家大細係度出現，可能會比較嘈D。
不過我覺得個場靚，就可以唔駛介意呢個問題。
大王好鍾意呢度，但佢PREFER揀星期四。
可惜，我唔想揀WEEKDAYS呀!不過呢間已經入左我地考慮之列喇!
原來佢張帖有紅色架? 不過我覺得金色靚d !
回覆刪除[版主回覆01/12/2010 23:22:00]哈....紅色金色都一樣靚~~
個埸真係好靚wow ~
回覆刪除我一直都好鍾意有長樓梯架, 不過有親既地方都好貴呢 ~
點解你未來老公又會prefer星期4都有既??
我地都係weekday黎架, 不過就星期五lol
[版主回覆01/12/2010 23:24:00]我未來老公覺得平日結婚都OK....佢話唔駛驚冇人黎，因為請得O既都係好朋友同親戚
星期五都好D...WEEKDAYS就..若果人地請我飲，我都要諗下去唔去....
我問過德藝會話只有金色帖喎? 點解你會見到紅色帖o既!!!
回覆刪除[版主回覆01/12/2010 23:22:00]我係十月尾去參觀德藝會，會唔會個時佢只得紅色?
我都好想擺呢度呀~~ 不過去到佢話我BD已經比人BOOK咗~~~~ HAHA
回覆刪除[版主回覆01/16/2010 22:28:00]哈...好快比人BOOK左O家!
因為太多人鍾意年尾擺酒，所以要好早好早BOOK。
生活係香港，乜野都要同人鬥快!
呢間我朋友book 左下年三月，個場真係好靚
回覆刪除[版主回覆01/16/2010 22:27:00]哈...我都係下年三月結婚。上年十月尾去睇場個時已經見到有幾PAIR人BOOK左德藝會喇!真係好搶手~~~
個場真係好大好得體，影相會幾靚
原來妳都係三月，妳三月幾多號呀
回覆刪除[版主回覆01/20/2010 21:48:00]你都係三月?
我係三月十二號呀!
呢個場比我之前睇…靚左好多喎！
回覆刪除[版主回覆01/20/2010 21:51:00]佢個佈置可能唔同左..佢話佢地剛剛換左新佈置..
真係好靚...
我今天才打去HOLD了出年2011年年尾的日子，好彩HOLD到咋！我上星期問，10-12月的好日子，一早俾人BOOK哂D星期日了！
回覆刪除[版主回覆01/21/2010 21:59:00]YEAH!你BOOK到就太好喇!可以揀到自己心水場地之餘，又可以煩少一樣~~~
呢個場真係幾得體~~~不過我最後揀左第二個地方呀!