爸爸上個星期已約好今個星期日去BBQ。天氣咁好，當然我同大王都好支持啦!
地點:當然係老地方啦!呢度多爐之餘，有得泊車，又有洗手間...附近還有水塘可以釣魚(都係我爸爸去釣，我對水塘魚冇乜太大興趣)
你睇大王和爸爸幾落力?!其實真係要讚下大王，次次都係佢透爐，而且還好快唔駛用炭精就攪掂~~~~
今次仲要係唔駛五分鐘已經可以燒喇!
今日的食物簡而精...有鹽燒三文魚頭
今日冇買丸丸、小紅腸和廚師腸...買了日本維也納無皮煙肉腸、五香烤肉腸和黑椒脆皮腸....後者兩樣係非常好味!!!!!
大王準備中....辛苦哂~~~
開工喇!個頭好得意.....
日本維也納五香烤肉腸...外脆內香...好味到呢......
黑椒脆皮腸...一睇就知佢幾脆皮啦!好味....回味中....
我和大王和魚頭....
好巨型的魚頭....爆眼中.....還有左下角的豬頸肉...好味到唔識形容
魚頭背面.....好似燒得幾靚咁喎!
制成品~~~大王LEE HI LEE HI~~~正過係出面餐廳食
仲有呢個羊扒係大王醃製...有黑椒、迷迭香和香草....又係好美味~~~
羊扒和鹽燒大海蝦.....隻蝦大到呢.....好似去左新宿歌舞伎町食的串燒...
仲有...梗係...我地O既魷魷啦!你睇幾新鮮?!又係薄脆到呢....
呢個牛肋骨係全日最好食第一位....好有牛味...咬落去好軟，D汁流哂出黎....真係形容唔到有幾好食
好食第二位就係牛油多士....今次唔搽蜜糖喇!買左雪印牛油...
首先將塊飽烘一烘到外面有層脆，就塗上牛油再烘，等D牛油滲入飽入面....呢D係屋企同茶餐廳都未必食到....所以大家下次試下啦!(當然唔好用生命麵飽啦!)
蜜糖燒新鮮菠蘿....惹味到......下次會再燒...正
鹽燒秋刀魚係大王的拿手小菜....哈哈
當然還有去到邊都食O既JELLY啦!哈哈...去南油又食，去BOAT GAME又食...BBQ當然唔少得...
我地就係可以過黎呢度釣魚...但聽聞今日魚獲不是太豐富，大家都只好專心BBQ~~
同大王BBQ真係好開心O家...因為佢燒D野係特別好食....快D又再諗下幾時再去啦!
開心的一天~~~~
