2009 泰悠遊~~~三個女人一個墟的泰國曼谷之旅DAY 2 PART A 水門海南雞飯
是時候UPDATE一下BANGKOK TRIP那邊的旅程分享,再不UPDATE又比大王催迫我喇!
今日是DAY2的行程。
一早起身,當然是試下連續三個早上都會食的酒店(GRANDE CENTRE POINT)早餐BUFFET啦!
其實一早都知道這BUFFET不會太吸引,若果要食正BUFFET就應該要去FOUR SEASONS HOTEL。
原來每天的早餐都會有些不同。
以下是蛋糕麥皮部。
自助飲品有鮮奶、西柚汁和橙汁。
主要食物就放於這橢圓型的桌,所以食物區的範圍不是太大。
第一次的早餐!基本的食物都會有~~
特別ORDER一份炒蛋,有配料可以選。我比較喜歡這即場製的熱騰騰食物。
當然離不開我必吃的沙律
暫時介紹住咁多先,因為聽日會再介紹~~~
我們定了每天早餐之後返房休息一下,換衫後就落泳池游水,唔係...應該係玩水先啱!
哈哈~~先去健身中心借一人一條的大毛巾。一來可以鋪在沙灘椅上,二來可以用來抺身。
這裡就一個大泳池,旁邊還有兩個按摩池。
見不見到遠處的按摩池?!有好多強勁的水柱噴出來按摩身體每一部位。
由於我們三個都好怕曬,所以人地黎曬太陽,我地就不斷塗太陽油。
我們在房間望落黎,見到少D香港人先落黎~~因為怕羞~~
當中玩水的經過就不在這裡公開喇!但真的十分開心~~~我唔識游水,所以長期在浸按摩池。好舒服!我幻想大王一齊係度玩水,若果大王一齊黎玩水就開心喇!不過佢一定唔會同我黎BANGKOK。
玩水都玩左成個鐘。返到房,三個人輪住沖涼。呢個時候,好在有大王借我的NETBOOK,令到我地可以上網與世界接軌,同香港的朋友傾下計。
大家沖完涼又吹頭,幾個女子去旅行,就係花費左好多時間係妝身上面。
我地差唔多中午十二點先出動去行街街。我覺得去泰國,行程唔駛咁緊湊,因為係去RELAX! BANKOK真係可以帶比人身心休息的感覺。
行行下經過CENTRAL WORLD。
街邊的消暑椰青和椰皇,你夠唔夠膽飲?
這個區叫RATCHAPRASONG,我當然係唔識讀啦!HAHA
好大座CENTRAL WORLD,呢個叮噹外牆都係CENTRAL WORLD的一部份。
今次自由行比起之前跟團去的感覺係,條街好似乾淨左~~
篤篤車,連胡慧沖都唔係咁建議遊客坐。
CENTRAL WORLD與日式百貨伊勢丹相連。呢一張相令我有D感覺去左東京新宿。
我地去邊?!想去食水門出名的平靚正海南雞飯。
在CENTRAL WORLD對面馬路的BIG C,向ISETAN方向一直行就會見到有條橋。橋上有這個巨型海鮮店的招牌。
再過埋這條橋
行前少少轉右就會見到惹味炭爐串燒店,前面白色招牌那間就是....
這間水門老字號
水門老字號,正宗海南雞飯。大家到曼谷必食,平價之選!
對我們幾個女子來說,份量剛剛好。其實係香港,我好少食海南雞飯,因為覺得好似冇乜特色。我覺得同食白切雞飯好似無乜分別。
來到曼谷梗係要試下聞名的海南雞飯。一試之後,無聲出,宜家先知道原來海南雞飯係咁....
唔駛講咁多,睇樣就知!
雞去皮,好滑。飯,原來係命脈。
聽聞海南雞飯的海南雞,會以食鹽、香料和雞湯烹煮至九成熟,以保持肉質嫩滑,再將其冷卻,使雞皮和雞肉之間有一層透明的膠質。飯則以之前使用的雞湯烹煮出來的,成為雞油香飯。
配以黑醬油、薑茸及辣椒醬混出的汁,滑雞和飯都突然變得美味多了!
由於我地已經熱大汗叠細汗,所以叫了COLA。有鐵杯盛載,我們還要了點冰。
這就成為一杯超冰涼COLA,清涼得立即大大降溫。
這一刻覺得呢個世界好美好,有平靚正的食物,也有冰涷COLA為炎夏消暑。
這裡沒有華麗的裝修,但卻是一間很有人情味道的鋪頭。
唔知價錢牌寫乜,總之海南雞飯係HK$8,COLA係$2,所以呢餐每人只係HK$10。
原來十蚊雞就買到的幸福和滿足喇!
去BANGKOK的BLOG友們,有機會真係要去試下!
你夠膽飲個d冰??
回覆刪除[版主回覆01/10/2010 14:56:00]哈...甘太..其實我唔會好似大王咁鍾意食冰..所以我無食D冰呀!
這裡D雞睇到都好滑, 有無試食D串燒, 好似好好味?
回覆刪除其實這處是不是大排擋?
[版主回覆01/10/2010 14:57:00]我地已經好飽,無食呢度D串燒...
呢度唔係大排檔,串燒係街邊檔,海南雞飯個間就係鋪頭黎O家!
10蚊? 我又要食呀!!!!!!
回覆刪除[版主回覆01/10/2010 14:57:00]你可以將呢個行程加入你未來曼谷行程入面~~~
係呀, 所以希望你可以寫快D, 等我可以參考吓嘛......
回覆刪除[版主回覆01/13/2010 22:47:00]我都有機會再去呀!HAHA
多謝你的分享呀 ,好有用~ ... 我黎緊都自由行去bankok. 由於太太太耐無去, 都有d 緊張~~
回覆刪除[版主回覆01/13/2010 22:47:00]唔駛緊張~~~我去完一次,已經想再去第二次。一D都唔駛驚!
海南雞飯係HK$8,COLA係$2,所以呢餐每人只係HK$10。<--- wow! 超抵食喎~
回覆刪除[版主回覆01/27/2010 12:15:00]係呀....海南雞飯仲要好好食呀!
香港真係未曾食過的味道