大王與女王的照相記事: 1月 2011

2011年1月31日星期一

預訂過大禮物品@觀塘瑞和街街市輝記(維記)

等我介紹返我們女家的過大禮套裝係邊度買啦!

其實之前都有睇過網上都有地方買過大禮套裝。但經媽媽詢問了親友後，有位親友十多年前嫁女的糕餅都係度買，所以就介紹我媽媽過黎觀塘瑞和街街市入面的輝記(維記)買。

1月9日那天的星期天，我們叫爸爸駕車車我們來這裡看看。

好快就搵到呢間鋪，因為係菜檔隔離，街市入面得一間有得賣過大禮用品，所以唔會認錯呢!

真係見到好多傳統過大禮物品買呢~~~男女家過大禮套裝都有...

哈哈~~~我們專程來訂這個發餅/鬆餅/煎堆的...好大盤呀!你見到就會覺得幾多錢都要比佢...HAHA

好開心的大「囍」字...

子孫桶同禮金盒都有..

女家過大禮套裝還有芋頭呢!包得靚靚....

男家過大禮套裝都有個籃裝住，有椰子和對聯等...

就係呢間「輝記」喇!老闆話叫「維記」都一樣......好多大囍椰子呀!

大王後來都來到這裡買籃球般大的椰子..

女家過大禮套裝的意頭物品...

街市的一角...

籃球椰子...

大家有興趣都可以過去觀塘瑞和街街市睇睇和預訂喇!HAHA.....

過大禮後，未來奶奶都話好耐無見過咁大盤糕餅，佢見到都好開心咁影相。老闆話若果男女家一齊買會平少少呢!

「不簡單而隆重」的過大禮儀式完成!

YEAH!我們的過大禮儀式已經在昨天1月30日成功完成。

聽過好多BLOG友都話過大禮是「簡單而隆重」，但我想講，真的「不簡單和非常隆重」呢!哈哈….

本身我和媽媽都不太懂得過大禮的儀式和要準備些甚麼。但，時間愈緊迫，我和媽媽就周圍問人要準備些甚麼。

大家都突然間緊張起來。

女家要準備的東西不多，但我們都堅持要一一準備，因為要好好睇睇，令大家之後開開心心向親友宣佈婚事。

這是我們女家準備的東西….

早一晚，已經將部份禮品放於枱面。有....捉大王去買的女婿鞋-->黑色皮帶BIG DAY著。

LAMBORGHINI的皮帶，BIG DAY+平時用。

還有10蚊店買的散紙包加勁多銀....超脹的銀包。

部份的女婿禮品

還有在筍崗買的兩打賀帷巾，加了精美袋袋入住。

好靚呀!雙面都有紅色大囍字....男家親友見到應該好開心。

有兩打咁多....好勁呀!

過大禮正日早上，我和爸媽去了之前預訂女家過大禮的地方取貨。

拎到返屋企，加埋昨晚準備的禮品來個大合照。嘩......

好大堆頭呀!我見到都開心，何況未來老爺奶奶呢!

鬆餅、發餅和煎堆大發餅~~~勁大盤!

脹卜卜的包~~~

由於趕唔切買褲，所以特備「褲金」利是一封，同時間將其他女婿禮品用紅繩束起。

兩打賀帷巾

預訂的過大禮套裝還有芋頭、四季桔、添丁薑和蓮耦等意頭物品。

包得好靚好有囍慶感覺~~~

還有包到好似乳豬的蓮耦.....好攪笑..

個袋都好似呢!其實係蓮耦....

我們準備的物品就有咁多......

大王致電給我他和大妗姐就在樓下，突然間我也緊張起來呢!

由於過大禮儀式期間，我不能在場，所以匿在房間裡面偷聽出面的情況。

大王與大妗姐拿了很多東西過來…..好重呢!

這是事後出來再同禮品影個相先。哈哈...回返一半都有咁多，唔知大王佢地點拎上黎呢?好高興呀!

兩個巨型椰子-->有爺有子~~~

龍鳯對餅、扁柏和紅頭繩上頭用...

紅酒兩枝、西餅和唐餅~~~

大果籃...

還拎了兩套唐餅來，媽媽用這些唐餅立即拜神通知觀音娘娘我家喜訊。

還有海味......上頭套裝和對聯...

果然係見到實物開心過利是~~~

見到一蚊做對比嗎?

不如用我隻手做對比啦!成個籃球咁大的椰子真係第一次見...

還有唐餅咭~~~

大量西餅~~

金緣喜嫁喜餅，果然有中式嫁喜餅感覺都傳統D~~~

事前令我好緊張的「不簡單而隆重」的過大禮儀式完成，雖然可以暫時鬆口氣。

但....好似又開始再度緊張，因為派帖喇!婚事公告天下喇~~~~~~~

哈....大王會唔會係呢個時候後悔呢?!我成日諗埋D無聊問題~~~HAHA

2011年1月27日星期四

值得推介的FREE WEDDING WEBSITE-->MYWEDDING.COM

我的其中一樣DIY就是整一個簡單的WEDDING WEBSITE。

其實以前，我見到朋友們的結婚網頁時已經幻想第日自己結婚都要整一個好互動，好多靚相分享自己的喜悅的一個網頁。

但到自己即將結婚才發覺原來搵人整一個FLASH的網頁都要起碼千幾二千蚊，身為師奶仔的我當然又要搵替代品啦!

睇過好多外國網頁都有FREE WEDDING WEBSITE，之前都申請過幾個。但原來最好用的是….MYWEDDING.COM

http://www.mywedding.com/main/wedding_websites.html

我鍾意佢有好多THEME揀，又可以在ALBUM放相，又USER FRIENDLY，又可以SET BACKGROUND MUSIC，真的不錯呀!

我最近都在放少少資料去個WEBSITE度，主要放少少PREWEDDING PHOTOS，一些有關我們的相，主要是話比賓客聽註冊和擺酒的地方和地圖。

大家有時間都可以考慮整一下!這是一個值得推介的FREE WEDDING WEBSITE!

2011年1月26日星期三

好想停下來休息一下~~

離婚期只剩四十多天，心情真的愈來愈緊張，因為好多東西想做都要趕起。

現在才發覺自己是一個可以HANDLE MULTI TASK的人，相信很多新娘子也一樣。

同一時間，每一樣對我來說都好似好急的，樣樣都等著我去做。

又要…

DIY WELCOME BOARD

DIY MAP咭

搵相和影相做成長片段

試印帖封，試印成功就要大規模生產

DIY花球式花車佈置

安排過大禮物品.

寫婚宴賓客表

DIY花車佈置

HONEYMOON編行程

陪DADDY試禮服

整WEDDING WEBSITE

DIY婚宴MENU

DIY婚宴TABLE NO CARD

寫BIG DAY RUNDOWN….仲有好多好多濕碎東西……..

真的，好想快點完成讓我鬆一大口氣，我想停下來休息一下呢!

我想快點去沖繩HONEYMOON呀!

2011年1月24日星期一

成長片段攪掂~~

剛過去的一個星期十分艱辛。有幾晚放工返屋企做O既就係搵相做婚宴當晚播的成長片段。

JOSEPH PHOTOS建議每段成長片段有約28張相...

NO.1 婚照

NO.2-8 新娘成長相

NO.9-15 新郎成長相

NO. 16-22 拍拖甜蜜相

NO. 23-28 結婚相

基本上，只有結婚相是最易搵，要搵出七張做成長片段不難。

但其他相的像素都不高，JOSEPH PHOTOS又建議我們用2000 X 3000 PIXELS，所以要將童年照轉成高像素真的有點難度。

首先要將那麼多相捨棄，只選出七張入圍已經很難。選了出來還要做一輪功夫....

我試過SCAN出來的像素也不夠，質素也不太好。

最後，我唯有對住張相用單反機影幾次，再放入電腦看看效果才OK，所以這成長片段相真的用了不少時間呢!

選歌方面，我自己就較喜歡輕快一點的歌曲，但有些歌曲好聽，歌詞又好像不太適合。最後，大王選了一首英文歌，雖然是慢歌，最後我也決定讚成大王的提議。

因為，其實我每次在IPOD聽這首歌都覺得好TOUCHING。

今晚與大王上去JOSEPH PHOTOS交成長片段相和即日SLIDESHOW的歌。好彩，姐姐見我的相的像素都高，所以話無問題。最怕有手尾要跟咋!

之後我們用IPAD從八款成長片段TEMPLATE選一款喜愛的。最後，我和大王意見都一致的選了一款我們認為新款少少的TEMPLATE。現在要等婚前一個星期左右去拎片，希望效果GOOD啦!

YEAH!成功攪掂一樣就減輕一點壓力。但，還有好多DIY等住我去做呢!

哈...給大家分享一張女王兒時的照片...又肥又矮，成個阿呆咁~~~仲有兩隻雞係旁邊呢!

2011年1月23日星期日

DIY 婚照年曆咭

估不到以我這樣的藝術天份都可以為自己大日子的帖出少少綿力。

事緣是因為法國巨星贈送了三款各一百張的PREWEDDING PHOTOS咭仔，我本身諗住放埋入帖送比賓客。但大王就不太滿意法巨的婚照，所以就不想將那些照片給賓客。

我上星期有一晚就突然心血來潮想找一張法國婚紗的相搵PRINTING公司PRINT出來送比人。

看了一看印刷公司的價錢，原來印彩色啞膠咭片都幾平。

200張和300張同一價錢，單面雙面都同一價錢。以我師奶仔的性格梗係要最平的價錢整最多O既野啦!

於是就整左張有我們婚照的2011年日曆咭…哈哈…

今次找了E-PRINT第一次試印咭片。經過公司的網上平台，用網上信用咭付款，佢地就立即製作喇!LOGIN左網頁就睇到佢地的製作STATUS，真係快靚正和清楚。

可惜我唔識ILLUSTRATOR和PHOTOSHOP，所以都係亂咁撞下咋!我知道細妹識少少ILLUSTRATOR，所以就叫佢幫我改少少顏色和畫個心心HIGHLIGHT係我地BIG DAY個日係張日厝咭度。

大家睇下我O既製成品....HAHA...我自己就好鍾意喇!由於我唔識整個SIZE (我們的咭片係54MM X 90MM)，所以兩邊有少少白邊，不過都可以接受呀!