大阪神戶和歌山奈良八日七夜開心自駕遊---DAY 3 (PART A) 向白濱TORE TORE市場出發
今日,DAY3,我地終於向和歌山白濱出發喇!
心情好緊張,因為這是我們第一次自駕遊。第一次,之前會有好多憂慮。
擔心唔識搵租車公司啦!擔心比租車公司話我地整花架車啦!擔心中間唔識路唔知去左邊啦!
再加上,我都好擔心大王會辛苦,因為今次行程只有我們兩個人。雖然我有車牌,但大王都不太放心我做司機,所以這麼長途的旅程只有大王一個頂硬上咋~~~
點解會決定有三日租車自駕遊?主要是因為我想去白濱,而大王又想去勝蒲吞拿魚港。兩個地方同樣位於和歌山,而在這近郊地方,駕車就是最方便的。若果要等巴士和火車,我相信過了一班車會等很久。
更何況,平時在香港見大王駕車經驗都好豐富,臨危不亂,所以我對他是充滿信心的。結果就積極籌備為我們第一次自駕遊作好準備。幸好,三天的自駕遊也好順利完滿的結束。大王還有了駕車的癮想再繼續在市區續租車,不過我還是覺得兩個人在市區的話,自己乘搭公共交通工具會比較節省金錢和時間,所以就唯有期待下次的自駕旅行吧!哈哈...
我是在TOCOO租車的。其實JALAN NET的租車資料和TOCOO的也很相似。
只要選擇租車的地區和分店,就會見到有不同車牌子的租車價錢。有些更會做SPEICAL PLAN,會有更多的折扣。按不同需要,有些是按CALENDAR SYSTEM計錢,有些是按TIME SYSTEM去計。
我今次租了一個MAZDA SPECIAL PLAN,兩日一夜只需8000YEN,加多一日就4000YEN,所以今次三日兩夜的租車費用只需12000YEN(即HK$960)。現在卻要15000YEN。原來我們的價錢已經是好便宜了!
因為我地住難波,所以選了一間附近的MAZDA租車鋪。之前一早PRINT定地圖出來問鐵路站INFORMATION CENTRE的姐姐如何從我們所住的酒店行過去。幸好,行了十五至二十分鐘就到。不過我們已經滿頭大汗喇!
Osaka Namba | |
〒556-0022 因為我們想把握時間在這鋪開門時就取車,預了一些時間要搵路,所以七點幾就 離開酒店去搵鋪喇! YEAH!成功到達喇! |
租車COUNTER在側邊入....
有個叔叔迎接我們。為免雞同鴨講,所以一早PRINT定好租車CONFIRMATION的EMAIL,入面列明了我們租車的日期和預約編號。
起初以為CHECK車都有排CHECK,但原來都好快咋!日本人好信得過租車的人,他們都好清楚本身架車有那個位置花了!香港人就成日屈人弄花這裡,弄花那裡,所以我們起初都很怕會被屈。但原來再一次引證「乜野人諗乜野」,原來日本人好NICE呀!
好喇!我們正式開動架車喇!因為未食早餐,所以返去後面一間便利店買早餐。
大王買了一個305YEN的蕎麥麵。我就買了一件燒鮭壽司。平平的早餐!因為要留肚在TORE TORE市場的大食會。
我們將車泊在便利店門外食早餐!車廂內位置好寬敞。
305YEN蕎麥麵,有齊所有配料和醬料。味道還.....非常非常好味!おいしい~~~
大王好滿足的樣子。我好後悔沒有買來吃~~~
我的早餐,只需126YEN,要自己包。味道也不錯呀!
OUR CAR。點解要租MAZDA?因為事前問過大王想駕NISSAN、TOYATA還是MAZDA。大王話MAZDA~~~GOOD~~~~架車好舒服呀!
型爆的大王~~~~大王話好鍾意「紅色的跑車是帶著神秘......」哈哈...
租車公司一早已經入滿油,所以我們在還車之前也要將油缸打滿。HAHA
第一次用GPRS,大鬧笑話。開始行的時候不懂如何看....
我們在不懂用GPRS的情況下,在附近兜了很多個圈。最後更上了高速的路。在收費亭前,架車突然「挫」了一「挫」,真被它嚇倒。
收費亭叔叔叫我們付錢。但我們又不知是否行錯路才上了高速,心想若果行錯路也要向前走,沒有其他辦法。此時,我又取出白濱的旅遊資料,想給叔叔知道我們的目的地是白濱,問一下他我們所行的高速是否正確。
叔叔示意我們將車子駛前去避車處,用全日文教我們怎樣去白濱。
我甚麼也聽不懂(心想平時又不好好練習日文),但大王就不斷點頭。我好驚,點解大王會明呢?!
原來大王話聽到叔叔不斷重覆一個地方名,後來得知原來是「泉佐野」的日文。大王就記住這個生字,覺得跟著這個有這個地方名的指示牌走應該可以順路去到目的地。
我們就懷著戰戰兢兢,衝著看的心情向前走。
心情既緊張又興奮。
一路向前走。我就不斷打醒十二分精神看路牌和GPRS。原來架車一邊走,GRPS的指示也會改變,從而開始摸索到這GPRS怎樣用。
我去了後座~~~車廂都幾闊呀!
有分岔路,左邊是阪和道,右邊是關西空港。一定要選左邊線,否則就搭飛機返香港喇!
之後有一個多小時都是阪和道的高速公路。中途有休息站,可以將車駛至休息站去去洗手間或買點食物。
由租車公司到白濱要155.4KM,約為2 HR 36 MINS,是非常長途的車程。辛苦大王了!
見到WAKAYAMA和歌山的指示牌喇!YEAH
經過了一條又一條的隧道,我估應該有十幾條。
入洞喇!
路經一個綠悠悠的田園....好靚呀!
繼續往前走
見到Shirahama白濱的牌牌喇!目的地就在前面。
之前在泉佐野取了這張高速道路通行劵,視乎在那個出口就收多少錢。
突然間GPRS失去聯絡,可能是因為接引不到或附近有干擾。我又再次驚起來!但沒有辦法,路只有一條,唯有向前繼續走。最後去到南紀田邊出口,付了高速公路費就在出口旁的休息處歇息一下,伸一伸懶腰。
I LOVE THIS CAR。
之後我們就繼續向前走。隨便找一個路口就進口,讓車停下來,而且要重新輸入目的地電話。幸好,現在GPRS終於有感應,我們又找回往TORE TORE市場的路。
還有幾公里就到。
沿路不斷見到有TORE TORE市場的指示牌。YEAH!成功到達自駕遊第一個目的地。好開心呀!!!我和大王成功了!還比預定時間早了到達。辛苦大王~~~~我們成功了!剎那間好有滿足感。
我們到達了之前在旅遊書或網友的BLOG看到的とれとれ市場!
白濱是很多日本人的渡假和浸溫泉地方,而且近郊比較寧靜,所以要找地方泊位都比較容易。
你看,停車場好大呀!見到我們的紅色戰車嗎?哈哈
(待續)
好快就有黑毛和牛啦~~~~~~~~~快d寫
回覆刪除[版主回覆08/05/2009 22:54:00]太多相...有排寫呀!大王~~~~
不過我見到D相都好懷念個餐...
租車, 兼唔係咁識日本話, 你地真係好勇呀 , 比著禾實嚇餐屎架啦
回覆刪除[版主回覆08/05/2009 22:55:00]甘太...唔駛驚O家...初初唔熟識先咁,後來好順利,乜野事都冇喇!
有驚冇險 .... 話咁快到目的點....
回覆刪除[版主回覆08/05/2009 22:55:00]係呀!哈哈.....我地醒目O既~~~~HAHAHA
紅色跑車勁型呀﹗﹗
回覆刪除[版主回覆08/05/2009 22:56:00]係呀!好型好醒神~~~
噢!!紅色車好少見喎,通常出租車都係銀色.
回覆刪除[版主回覆08/13/2009 23:00:00]係呀~~本身都諗住係銀色或銀藍色...有紅色真係好醒神呀!
好鍾意呀~~~~
Hi!我是路過的!你介紹得好詳細呀!我就快去和歌山自駕遊,既興奮又緊張!謝謝你的資料!
回覆刪除[版主回覆08/25/2009 00:25:00]多謝支持!希望幫助到你吖!
若果有問題,睇下我可唔可以幫到你解決....HAHA
你好~ 你令我諗起我第一次響日本自駕~ 真係好緊張~ 我遲都打算遲 d 去一次大阪~ 多謝你既資料~ 日本人真係好好 ... 我都試過高速出左路口佢都可以俾我行番入去唔使再俾錢~ 嘻嘻~
回覆刪除hihi,請問呢去白滨係咪一定要經泉佐野市裏面家??
回覆刪除因為我有個地方都想順便去, 見你個blog講話要入泉佐野?
[版主回覆12/22/2009 17:42:00]我去駕車去白濱的途中係經過高速公路。我地由大阪去,要行往「泉佐野」的方向。
因為行高速,所以冇行入去泉佐野裡面。若果你想去,個GPRS會顯示你係其中一個出口出O家!
hi唔該我想問下從大板去白濱,所有高速連隧道要幾錢呀thx
回覆刪除[版主回覆01/04/2010 23:42:00]我去白濱個程比左三段錢,好似TOTAL大約4000YEN左右
唔知如果租間7人van , 3日兩晚大約要幾多錢? 我地4大2小. 入到website, 唔識日文..請問你可以幫我嗎? 如果坐光明巴士6個人都要Y32400..+白濱local 巴士2日pass Y2000x6=Y12000, total is Y44,400...
回覆刪除[版主回覆01/21/2010 00:16:00]租架7人車都幾貴,3日2夜大概45,000-50,000YEN租費,還有高速公路費和油費等等...價錢一定貴過搭明光巴士,但自駕遊真係RELAX好多,唔駛咁多限制~~
Hi!我又是路過的!謝謝你介紹得好詳細的資料, 我30/3去和歌山自駕遊,緊張!
回覆刪除[版主回覆03/09/2010 16:28:00]唔駛緊張....因為你當你上到高速得一條直路行.....到時就係享受..一D都唔緊張喇!
和歌山自駕遊好開心O家
妳好啊,女王!我想問如果吾行高速可以節省多少呢?我20天後就出發,又是自駕遊,但關西機場開始,先到和歌山然後白濱!跟你們的行程極似,住的也是一樣,但現在很煩,原因是第一次自駕遊,想省錢,但又驚吾識用GPS,好似話GPS只會教行高速公路,其實大王知道高速與低速的價錢與時間分別嗎?,請賜教,謝謝!
回覆刪除[版主回覆06/25/2013 16:05:50]你好呀!自駕遊可以參考我這篇的介紹..
http://blog.yahoo.com/_KHF3NBVFH65UAXT6TCELKFST2E/articles/55951/category/%E6%97%85%E8%A1%8C%E5%9B%9E%E6%86%B6%40%E6%97%A5%E6%9C%AC
有一個WEBSITE http://www.navitime.co.jp/,可以輸入出發和目的地地址或電話去查一下所需幾多公里和時間是多少。入面可以選「有料道路」或不選會有不同的距離和時間參考。
我入去再查,若果你由梅田去白濱,不走高速要差不多六個多小時呀!行高速就兩個多小時,HIGHWAY費約三千多YEN。時間就是金錢呀!哈哈...行高速去到可以食多兩件拖羅呀!
女王,謝謝妳的回复!我也知道這個網址,可能是心情問題,總覺好煩,又擔心吾識路!去旅行應該好開心才對的但好似好多野還未能決定下來,所以想直接問妳和大王,懶得去該網址左搵右搵,總之就多謝妳意見。
回覆刪除[版主回覆07/04/2013 14:03:59]去旅行要ENJOY呀!
唔駛擔心唔識路,唔識咪揾地方就停落黎冷靜下,再輸入過電話再行過。這就是自遊行的樂趣。
你有問題直接問,我地會盡最大能力幫手的....
多謝妳啊,女王
回覆刪除女王,妳好啊,又系我啊,我希望妳能夠系9號前睇到复我啦!我想問妳地那智勝浦的浦島酒店的停車場是否好難搵的?我見大王話一定要先搵到個停車場先又話浪費佐好多時間去找這個停車場,請提供有用資料,謝謝!因為我都系住這酒店我又系想第二朝早去睇漁市場交易。想問清楚是否在停車場內就有酒店接駁巴士去碼頭再坐船過酒店呢?
回覆刪除[版主回覆07/14/2013 11:35:40]我未覆得切你,好彩大王HERBEE覆左你,唔知你睇唔睇到呢?!
希望你行程順利啦!
Man sang: 老實講,泊車的位置是很難在地圖上顯示比你睇,因為呢個停車場本身只係一個大型車的停車場,勝浦是一個鄉下的地方,并唔似一些大城市,要自己直接揸過去,我是唔太建議,因為由碼頭揸過去要穿`幾條街,重有一些是單行線,所以我覺得你最好將車停近在碼頭,然後問一些勝浦溫泉的工作人員,如果你不懂日文,基本上你揸住條車匙同酒店的入住的資料,佢都會明白你地係想泊車,因為泊好車後,佢地會安排你地上另一架車去番碼頭,之後去check-in,夜少少就可以自己坐shuttle-boat返回食晚飯及買手信,要注意這裡所有鋪頭,包括食店都不會開得太夜,因為呢度真係好鬼偏僻....如有問題,記得嘅盡量問你...大王
回覆刪除你好, 你們的資料很有用, 我都打算8月尾同老公和女女自駕遊, 同樣從大阪租車去白濱, 我有幾個問題:
回覆刪除1) 由大阪駕車到白濱, 確實車程是否約2個半小時?
2) 高速公路收費多少?
3) 如何找入油站? 是否全部都是要自己親自入油?
[版主回覆07/20/2013 14:04:06]FRANCIS你好...
(1) 若果以每條路的適當車速計算是需要2.5小時。若果駕駛得快一點就不用2.5小時了!哈哈..
(2) 我記得我當時去是三千多YEN。
我嘗試再將出發地和目的地輸入在NAVITIME網頁,可以看到高速大概要3,700YEN,但若果用ETC CARD和不同時段可以會有割引的,所以高速公路費會在3,700YEN以內。
http://www.navitime.co.jp/?orv=487792598.124915398.00005602.%E5%A4%A7%E9%98%AA&dnv=487404699.121222797.00007475.%E7%99%BD%E6%B5%9C&orvAdd=.......&dnvAdd=.......&ctl=0650&tollroad=1&smic=0&prty=0&vics=0&parkingKeyword=&ldmk1=&ldmkAdd1=
(3) 有時在GPS上都有顯示附近的入油站,但由於好多時都見到在附近,所以我覺得不用刻意去找呢.....不是全部都自己親自入油的,所以不用擔心呀!
大王,您好!又係我呢個街坊,因為過兩日就會去大阪自駕遊,你寫得好詳細!先和你打個招呼!
回覆刪除[版主回覆08/27/2013 17:31:26]我係女王,篇BLOG係我寫,哈哈~~~~
你地玩得開心D呀!