等我快快講埋韓國之旅的第一天最後的行程。
話說我地食完美味的石頭飯和冷麵做晚餐之後就逐個商場去行....
呢個商場已經有棵好高的聖誕樹~~~
呢個商場叫APM好似旺角中心的格調....其實我覺得買O既野都差唔多...
款就普通,而且唔係太平囉!同過D阿豬媽按計數機講價,冇一次成功~~~所以就算喇!香港大把靚衫買啦!
跟團一定會帶你去的DOOTA.....我地唔夠十分鐘就出左黎,因為D 衫都唔平...
聖誕裝飾好靚
結果我今晚只係買左一對水晶耳環~~~~大家都覺得冇乜野O岩買,所以就打算買生果同宵夜返酒店食~~~
呢個生果鋪有好多好靚O既生果買....入面D梨好大隻....仲有冧柿都好吸引
同事B手上的大雪梨...好似係3000WON,即HK$15。去到人地的地方就試下當地D生果,而且....哈哈...可以幫助消化同埋......
所以,呢個梨當然會好快成為我地O既宵夜。
見到隻手郁郁知我地都想買冧柿~~~但一買就要買好多,所以今次冇買到。
回酒店的路程中,被這家炸雞店吸引住....大家好似未食飽咁...流哂口水~~~
有以下餐牌顯示的炸雞套餐,我地買左4+8 PIECE的DRUMSTICKS+WING套餐。
即買即返炸.....製作認真.....熱騰騰.....好香呀!
四個傻婆又諗埋D無謂野...就係...回酒店的大直路步行都要需要十至十五分鐘,為免炸雞涷左唔好食,所以四個傻婆鬧快跑返酒店。我地當然跑唔郁啦!唯有派我地認為跑得最快的同事K啦!但....都係太慢。結果四個女仔在黑暗的街上奔跑,場面攪笑。
我地去其中一間房齊集剛買的炸雞、魷魚圈、MR BIG朱古力和飲品。飲品方面有17茶、桃茶和好好飲的蘆薈汁。
呢個時間已經係晚上12:20。
DRUMSTICKS & WINGS...好香呀
有鹽作調味~~
同事M帶NOTEBOOK去旅行,話大家都可以與世界接軌,而且可以追看珠光寶氣。
螢幕正做緊珠光寶氣~~~HAHA
同事B好享受個雪梨心~~~超巨型....HAHA
大家飲飽食醉傾下計,我已經頂唔順係人地張床度訓著左.....
第一天行程完滿結束。
成日到晚都係食;同埋食......臨訓前都係食....
回覆刪除[版主回覆01/16/2009 00:12:00]HAHA....去旅行都唔比食...人生仲有乜意義呢?!
我見到有柚子茶賣添噃
回覆刪除[版主回覆01/16/2009 00:13:00]係呀...咁重梗係唔買啦
快d update第二日啦, 好心急想睇埋你地個行程
回覆刪除[版主回覆01/16/2009 00:13:00]多謝支持~~~~之後行程仲精彩吸引~~~我一得閒會快快UPDATE
個梨成個人頭咁大 又有咁多嘢食,真係睇見都開心!
回覆刪除[版主回覆01/16/2009 00:14:00]HAHA...個梨真係好大O家....四個人食都仲有咁大個心
我想問你地返到去酒店仲可能著短衫短褲?
回覆刪除[版主回覆12/09/2009 14:14:00]係呀...其實係房入面都係有少少涼...著短衫短褲都仲可以o家~
出去就要著羽絨喇!