2008年聖誕節...今日不只我和大王兩個人慶祝，還有一班餌木會的師兄們。
今日我地一早去到黃石再搭船入去南風灣FIT魷，旁晚就返黃石BBQ。
好不容易入到黃石泊好車。大家執齊行裝就出發去搭船。
小信師兄又做埋D 核突動作....
開船喇~~好似一班小學生咁....第一次去旅行咩?!
去到灣仔....呢度當然好多人露營啦!仲有好大棵聖誕樹....我諗昨晚平安夜倒數應該好浪漫~~~~
曬咸魚?!
著磯鞋當然要行礁石過去內灣啦!前面O既朋友行得好快~~~
沿岸有好多海星....第一次係香港見到海星....好得意呀!
小信師兄示範最新款的海星帽.....(唔好笑得咁猥瑣啦!)
即刻諗起首歌「小星星」楊千嬅個首....因為呢首歌令我拾回以前的一段回憶...
SET好竿之後，大王諗諗下都係返碼頭FIT，所以我地行返去碼頭。係碼頭望返去南風灣水清沙幼~~~景色優美...係度露營真係唔錯~~~
我地好欣賞呢間屋...有個大廳...可以打麻雀或打邊爐
好多屋仔，附近又有洗手間，十分方便。趁假日親近大自然都唔錯~~
我地搭兩點鐘船返黃石搵爐BBQ~~~
船上見到小丸子入面的花輪同學。
去到黃石搵到個爐SETTLE DOWN。小銘師傅又走左去FIT幾下...
又比佢中到....真係大師級.....
魷魷唔乖...噴到周地都係....
大王為我地準備左好多野食~~~~辛苦哂
大家的架生~~~仲有四個大冰箱
好型...新的IMPERIAL救生衣
呢個方法唔錯，可以燒到三條腸...
(待續)
燒雞翼, 我鐘意食
回覆刪除[版主回覆01/04/2009 22:29:00]HAHA...我仲鍾意食好多野....豬頸肉啦..牛仔骨啦....鯖魚啦....腸腸...
諗起就想食
實在太吸引.
回覆刪除我都想去BBQ.....
[版主回覆01/05/2009 23:31:00]係呀.....好正呀...快D趁冬天燒多幾次野食啦!
今日病到瞓左成日，脚吾著入來見到自己噤肥，真係要努力減下啦！
回覆刪除[版主回覆01/05/2009 23:32:00]HAHA....你得個肚腩仔O即.....好易減
我鍾意花輪同學~~~哈哈~
回覆刪除[版主回覆01/05/2009 23:32:00]除左花輪同學，我再諗唔到其他名同埋形容詞~~~實在太似喇!
女王，借問聲我地幾時同大王BBQ呢﹖係咪要排期到二月呢﹖請明示~萬謝﹗
回覆刪除[版主回覆01/07/2009 00:04:00]二月可以出黎逗埋利是...HAHA...
仲有男仔介紹你識呀!
就係上面個位花輪同學..有興趣嗎?!