同攝影師阿JOE和助手RAY傾完個流程之後,我們便ACTION喇!
先到門口影幾張相,主要是看看開口定合口笑好一點,而且我想看看兩個花球那一個會比較搶一點。
結果,我是開口笑好一點。至於兩個花球,我覺得兩個都應該出下場,所以就交替的換來影。
第一張相就是戴頸巾影扮雪景,哈哈...大王話: 「好..我地上阿爾卑斯山喇!」笑死我...因為其實我們只是行兩步去了對出的公園企高扮影。
原來那些頸巾和冷手套都好頹O家咋!大王話:「嘩!冷手套中間穿左個洞o既...怕唔怕O家!」真係未影已經笑到好攰。
大家第一次影結婚相,當然唔知點擺POSE啦!我地兩個又一把年紀,骨頭硬,所以經常硬哂呔。
基本上,通常影完合照就留低我一個影單人。我覺得都影左好多單人相,大王就經常係側邊笑我硬哂呔。
佢話佢見到攝影師點樣就角度去避開影我的肥肉,佢話好厲害!我都唔知好嬲定好笑!哈哈!
去到影月亮個度,本身我想大王訓係月亮個度,但原來個月亮都唔係好大。我地兩個坐左上去都好窄。哈哈...坐左上去都好驚佢承受唔到我地兩個O既重量。我好驚就咁樣,以後D人都無得再影月亮喇!因為比我地坐爛左!
我今次醒目喇!叫左佢幫我影大拖尾,影得唔好揀唔到就無法喇!
可能我睇得太多BLOG友的法國婚紗相,所以好多景同POSE都入左腦。有時係我主動叫攝影師幫我影,咁就唔駛後悔喇!
所以話,原來JM放D婚紗相出黎分享一下真係幫助好大。
之後去到試衫的STUDIO 2影水池景。
又要我地兩個大份人坐鞦韆,大獲,真係驚斷。不過大王睇過話係WIRE線,唔駛驚先放心咋!
天氣好涷,十幾度,浸對腳著水好涷呀!影潑水好好玩,佢扮返我地影出黎衰左個樣好好笑。
好彩我記得無影鴨仔相咋!所以佢地即刻搵返兩隻鴨仔出黎影。點知一隻鴨仔浮唔起,要塞D紙巾落去。不過一濕水就沈,所以唔知攝影師捕唔捕捉到兩隻鴨仔一齊浮呢!哈哈.....
這時候,天已經黑黑,好密雲。天文台預報又話多雲,幾陣雨O既?!點解會落得咁密O家?
一睇個天就知呢D係長命雨。有D樹遮住都唔係咁覺,一離開棵樹就真係會滴濕個頭同妝。
剛好影完九龍塘室外景的婚紗LOOK。
攝影師幫我地問下去唔去到馬灣影外景.........
沒有留言:
張貼留言