我們的結婚公仔---砂糖兔LE SUCRE

為了影PREWEDDING，其實除了買了兩個自己好喜愛的絲花球之外，我還買了屬於我們的結婚公仔---LE SUCRE日本砂糖兔。

本身有諗過將代表我們的大獅子公仔拎去做衫，但實在貴得唔係咁值得。

我又有諗過去旺角瓊華中心上一層電梯的毛冷鋪買冷自己編織一對人樣的毛冷結婚公仔，但由於又是挑戰我的藝術天份，而且買冷都要四至五百蚊，實在太貴，所以又放棄了這個方案。

之後去到MYGIFT SHOP第一眼望到砂糖兔都已經好鍾意。我比左一系列的結婚公仔相大王揀，有中式和西式，最後那些FOREVER FRIENDS、MIFFY、HELLO KITTY、花師奶、鬆馳熊、牛奶妹牛奶仔、無名和大口仔等公仔都被OUT出局。大王話因為太常見。

落訂後才訂貨，所以同兩個花球一齊攞。

一見到....覺得呢對兔仔有種好WARM的感覺，可能因為毛色關係。

等我將大王隻手撓入我度先~~~係咪好SWEET SWEET呢!

兩口子與兩個花球!希望影相會幾靚啦!

一年後的大日子會成為結婚主婚車的車頭公仔。

遲D搵時間要同「女王兔」打扮一下先。

這就是我倆的結婚公仔喇!

如無意外，應該會在未來兩輯PREWEDDING PHOTOS中出現。