註冊場地---尖沙咀伊甸園喜來登酒店HALL 10 & HALL 11

再繼續談談註冊地方事宜。之前講到去了尖沙咀緣美傳說睇場，之後就去埋位於尖沙咀喜來登酒店的伊甸園睇。

我之前上伊甸園個網頁見到有中環的戶外場地和碼頭旁的室內場，但由於要過海關係，所以就捨棄了!最後可以考慮的就是新世界中心和喜來登的HALL。

新世界那邊就不用看了!之前有人去完感覺普通，所以只好去看看喜來登這個HALL。

去到面向尖沙咀SOGO的門口。見入面無人，只是掛了個牌說外出片刻。心想...唔通要摸門釘?!見到牌上有電話，所以就致電負責人說想睇場，結果佢叫我等等。我問佢要等幾耐，佢用一D唔係咁好的語氣話:「我咪係你後面囉!」原來佢已經返左黎!

佢D語氣真係極度唔NICE，我同大王都打左個「突」，因為個個女子D語氣好粗魯，好似對人呼呼渴渴咁。勁型!

之後我地跟佢入去望望個場。我地問佢D收費，都好唔親切。無所謂，我都唔會揀呢度，只係望下個場O即!

先是HALL 11，全個場以金色為主題。

COCKTAIL的地方。

雖然寬敞，但裝修好似好無誠意。

金色仲好似好土氣，好似去左酒樓~~~

另外去了隔離的伊甸園的SHERATON HALL 10

若果比我揀，我會鍾意銀色多一點。

但裝修都好似好簡陋普通，我覺得緣美傳說GRAND一點，但這裡的樓底就高一點。

但這裡不能給我們有「叮」一聲的感覺，所以都已經知道不會選擇這裡行禮。

這個HALL還有電子琴租用。

註冊台。

戒指枕和羽毛筆都會有提供。

新娘房仔

可能本身都對伊甸園印象不太好，網上都聽人講過SERVICES唔得，今次去睇場，自己都感受到，所以呢兩個HALL都唔會令我地放入考慮之列。

今日無意中發現原來伊甸園在尖東漆咸道南9號開了一間新的HALL12，以瑰麗粉紅色為主題。從網上的照片看，感覺裝修有誠意一點。若果大家諗緊註冊地方就可以去睇睇。

禮堂 1& Sheraton 禮堂10,11 週一至五 週六,日及公眾假期 禮堂8 週一至五 週六,日及公眾假期 15分鐘見證 (只適用於Hall 8,11) $1,300 $2,200             $1,300    $2,200 30分鐘見證 $2,500 $3,800 $2,200 $3,500 60分鐘結婚註冊+ 雞尾酒會 50人 $8,800 $11,000 $7,200 $9,900 60分鐘結婚註冊+ 雞尾酒會100人 $11,500 $13,700 $9,900 $12,600 禮堂 12  週一至五五           週六、日及公眾假期 30分鐘見證 $3,500         $4,800 60分鐘結婚註冊+ 雞尾酒會 50人 $9,800         $12,000 60分鐘結婚註冊+ 雞尾酒會 100人 $12,500       $14,700

備註： 所有場地於 中午 12 時前與下午 4 時後 需另加 $100( 平日 ) 或 $200( 假日 ) 作監禮人早晚加時費用 需額外支付 $305 予香港特區政府作「擬結婚通知書」辦理手續 經海外遞交擬結婚通知書手績費- $500 關於各禮堂印帖地址及停車場等資料請灠流覽 "下載區"

結婚註冊包括： 1. 註冊當曰一位婚姻監禮人及一位司儀主持儀式 2. 婚前辦理「擬結婚通知書」 3. 借用羽毛簽字筆及戒指枕 4. 伊甸園婚書封套 5. 證婚場地及佈置 6. " 結婚進行曲 " 作進場及儀式背景音樂 7. 自訂誓詞

伊甸園收費: http://www.hkmcs.com.hk/big5/price.php