剛過去的2月28日渣打馬拉松完滿結束。這是我第三年參加。
我不是運動健兒，但鍾意參加這些有正面能量的大型活動，再加上公司SPONSOR我們參加，又有鞋和衫送，所以當然會支持一下這個一年一度的盛事啦!
今次公司幫我們參加了十公里一組，起跑時間為5:40。當知道跑這麼早，真的很驚自己會賴床，因為三點幾就要起床了!
我約好了幾位同事搭的士，所以最後好快，又好便宜的到達天后。GOOD!
無意中發覺大家原來號碼牌的號碼是連著的，所以當然要影張難得的合照。
出發前信心十足!
今年公司的參加人數較往年少，不過都在出發前影個大合照先。
大家有留意新聞都知今年的天氣相當濕熱，所以真的幾辛苦。
我未行到去起跑地點已經成身汗!起初幹勁十足，但後來可能早餐食得太少東西，所以一跑就胃抽筋。
在整個過程中，我見到好多好溫馨的場面。例如有些盲的人也好有毅力，一步步由領跑員帶著向著終點直跑。
又見到好多男士已經跑得好辛苦，滿頭大汗，呼吸急促，但仍不讓自己停下來。
還見到沿途好多人支持參加者，叫大家撐住，終點就快到喇!好WARM!
看到9KM的牌，我自己都有點感動。平時少運動的我，行到腳痛，又胃抽筋。有一刻真的想停下腳步休息下，但有股正面能量叫我不要停下來，所以就堅持到終點。
最後，我用了一個半小時行行跑跑的完成這個10K。
哈哈...不如下年釣餌師筏會一齊去參加10K啦!拎個BANNER出來影相，對宣傳釣魚活動有正面的作用。HAHA~~
女王...我地跑完真係大叫"釣餌師筏"
回覆刪除佢地同我跑,我唔想等佢地.......全部無氣無力!
[版主回覆03/03/2010 17:12:00]大叫"釣餌師筏"咁衝向起點都得O家!跟住就各自跑.....
主席話佢唔跑10K喎...佢話跑半馬...你得唔得呀?
２２２
回覆刪除[版主回覆03/03/2010 17:12:00]哈哈.....你係今次輸左O即...次次你都係NUMBER 1
樓下的安東尼, 你做乜咁大口氣呀, 因住比人聲討你呀 無氣無力, 你都夠膽講, 呢D係男人大忌黎嘛
回覆刪除[版主回覆03/03/2010 17:13:00]哈哈....甘太真係太多聯想喇!
我從未參加過這類活動呢 你有得喎, 跑畢10K全程
回覆刪除[版主回覆03/03/2010 17:13:00]其實係「行」畢全程呀!HAHA
好, 我下年都跑返先得, 不過我下年一跑就要跑半馬! 應該無人陪到我架啦!
回覆刪除[版主回覆03/03/2010 17:14:00]咁型?半馬?!
點都好，我會支持你~~~不過你真係要諗清楚~~~HAHA
回覆刪除人強馬壯!
[版主回覆03/03/2010 17:14:00]哈哈..舊年仲多人呀!今年少左好多喇!
“哈哈...不如下年釣餌師筏會一齊去參加10K啦! ”你的建意幾好喎!
回覆刪除不過你之前練左幾耐呢!
[版主回覆03/03/2010 17:19:00]哈...我無練呀!只係自己有兩晚去跑左5K咋!
今次行行跑跑，但以行為主。HAHA
你好勁呀~~ 果日咁悶熱同焗真係好辛苦架!
回覆刪除[版主回覆03/03/2010 17:19:00]係呀~~PANDA媽...我行去起點個時已經成身汗!
真係比之前兩年辛苦好多~~之前好涼快O家!
Good Morning!
回覆刪除其實十K我都想試下,但心中不知由邊度到邊度才十K,
你可以解釋嗎?謝謝!
[版主回覆03/04/2010 11:33:00]http://www.hkmarathon.com/marathon/chi/event/info/route/routemap_fullM.jsp
你可以去以上條LINK睇睇就知路線圖...
其實我覺得10K唔係太遠，若果唔迫住自己一定要跑，其實行下跑下都幾舒服O家!
不過當然係堅持咁跑會好D啦!
另你們的同事又有無人参加全馬呢?
回覆刪除[版主回覆03/04/2010 11:34:00]全馬就無乜聽講過，但半馬都有人參加。
我就....頂唔順喇!
睇過"馬拉松"的page,真有點心旭旭,事關路線是東廊的來回,回想百萬行都行過,只是未用跑的方法,好喇!等我
回覆刪除