2009 泰悠遊~~~三個女人一個墟的泰國曼谷之旅DAY 2 PART C China Town豐富美味海鮮餐

2009 泰悠遊~~~三個女人一個墟的泰國曼谷之旅DAY 2 PART C China Town豐富美味海鮮餐

上回講到我們去了BIG C和CENTRAL WORLD SHOPPING返酒店，影下相休息下就出發到今晚用膳的地方---CHINA TOWN唐人街的T&K SEAFOOD。

我們打算在酒店乘的士去CHINA TOWN。但由於天氣不太好的關係，所以好少見到的士，而且我們間酒店不是在大街旁邊，所以好多的士通通已被位於大街旁的FOUR SEASON HOTEL截住了!

最後好不容易，在這下雨的晚上，在塞車的路上截到的士。

原來截到也不算好彩，我們問的士司機去唐人街T&K幾多錢，好快已經比人斬到人頸血。若果沒有記錯好像是400BAHT，即約HK$100。嘩....這麼短的路程要HK$100。無法...同行的朋友覺得都要比這些錢。

司機叔叔話他自己本身已經塞了兩小時的車。(不知真定假?)

還提議我們去附近的海鮮食店，我們覺得他介紹的一定有古怪，所以最後都係堅持自己本身的決定，就是去CHINA TOWN的T&K。

曼谷的塞車情況真的好壞，我們用了一個多小時才到達。

去到T&K，店員帶我們左穿右插，才找到個樓上位置。

看一看MENU先，好多選擇呀!

影左幾張MENU的相。生燒活蝦150-300 BAHT。

蝦都有咁多做食法。椒膏炒蝦、黑椒炒蝦、鮮奶焗蝦和炸芙蓉蝦。

還有魚露醃蝦、香脆蝦餅和冬蔭酸辣蝦。價錢真的好便宜呀!

蟹類方面有生燒肉蟹、生燒膏蟹和咖哩炒蟹等。

仲有....多到數唔哂的有關蟹的食法(甘太..你一定要去試下喇!)

魚類方面，都係應有盡有。實有一種O岩口味，不如諗下個肚有無位先啦!

150BAHT都係$37.5，食海鮮真的比香港便宜很多呀!

我們叫了泰式煎蠔餅，好多蠔之餘，仲好香蛋味呀!

配以泰式醬汁，真係食完又想再食!

泰式炒通菜。

 

黎到呢度，唔可以唔食翅，又平又足料。一大窩都可以分成三大碗。

還有燒海蝦，大王至愛。

好足料的魚翅，足料過跟團我地去食個D...

團友K陶醉係一台的美食之中

當然不得不吃咖哩炒蟹~~~RECOMMEND!

成日釣魷魚，今次試下人地O既燒魷魚先~~~涷左先食就難咬D~~~

我都係鍾意食椒鹽鮮魷和魷魚刺身多D

坐戶外就熱D...

有時間真係要去下CHINA TOWN，因為周街都有小食檔，一定捧住個肚走。

當然要去埋附近的合記林真香買手信同埋唱錢啦!呢度唱錢平過係機場唱。

再加上呢度買O既手信都可以PACK箱，方便上機呀!

價錢平，百幾BAHT，即廿幾蚊一大包，所以大家都買左好多呀!

買完仲要去埋附近的金手指榴槤王食榴槤。

我個人覺得金手指真係好香好好味，但其他就唔係咁好食喇!

還買了這些健康飲品

由於唔帶得返酒店，所以即開即食。

搭的士返酒店，拎D之前係BIG C買的柚出黎食~~~

唔好食O既~~~香港食個D好食好多呀!

大哂冷~~今日買的NARAYA袋，多是送給親友的手信，因為我好少會用~~~

DAY 2行程順利完滿結束~~~