有睇之前篇BLOG都知大王同女王係結婚一年前的今日去了法國婚紗影婚紗相。
前兩日,FB(FRANCE BRIDAL)已經有我影相當日的化妝師琳琳打電話通知我要帶D乜野。我聽唔到佢電話,佢留左VOICE MAIL。我之後打返去FB,同琳琳傾左一陣,感覺唔錯,好似好乖巧的小女孩聲音。仲問我要唔要BOOK埋睇相。呢D搵錢的時候梗係快啦!12號影,下星期一15號已經有得睇相。
今朝係九龍塘百味閣餐廳食完早餐就行去FB STUIDO 1,準時十點到達。
等了一會,琳琳就將我和大王暫時分開,帶了我去另一邊的化妝台處換衫和化妝。
先換第一件九龍塘室內外景的比較GRAND一點的婚紗,就係以下呢套。
換衫出黎就開始化妝。我比左一些SAMPLE相比琳琳睇。
好彩我做左功課,搵左想要的髮型去咋!我心目中都有諗過九龍塘和外景婚紗的LOOK。
一比張相琳琳睇,佢已經好知道我想點整。THANKS GOD!這時候,我已經對佢充滿信心喇!
琳琳化妝好OK呀!我想要大眼睛,眼神有神一點。她說她會幫我化返出個輪廓。GOOD!就係要大眼睛和突出輪廓咁簡單。EYESHADOW方面,我研究過最好係比較自然和穩陣一點的深啡色。
點解話琳琳細心同手勢好,係因為真係唔靚整到靚為止,但都好樂意去FINE TUNE一D細微位。好似貼假眼睫毛和雙眼皮膠紙都好細心好有耐性。因為我有些大細眼,上次試妝時也給MUA整了好耐,最後整出黎睇返都有D唔太自然。今次琳琳整得我對眼好自然。有得對比下,就覺得琳琳掂喇!
髮型方面,因為琳琳幫我化妝時,另一邊廂她的同事CARRIE就幫我SET我要的髮型。佢好爽快同專業。一睇張相,就知我想點,已經即刻話OK無問題。我最鍾意呢D咁有信心的人喇!
可能CARRIE係SET頭方面的經驗真不少,所以好快就SET完個頭。再加埋我喜歡的皇冠。完全同我想要的髮型一模一樣,所以未開始影相已經好興奮喇!
總之我就對這個妝和髮型都非常滿意,所以要寫評分表時當然TICK哂非常滿意啦!哈哈....佢又好,我又好,又何樂而不為呢?!
此時,我今日個攝影師阿JOE已經間唔中走上黎望下我攪掂未。我在鏡上的反影見到大王的白色西裝LOOK,好型呀!哈哈!大王原來自己醒目地去洗手間偷拍,醒目仔!
化妝SET頭完成都差不多十二點,JOIN返大王,攝影師同助手就出黎喇!
今日的攝影師是阿JOE和助手阿RAY,兩位都是好後生(好似後生過我地兩個)的後生仔。佢地兩個都好有活力好FUNNY。
之後入左去間房仔傾下今日的影相流程。呢個過程已經好開心好興奮~~
原來我揀左影馬灣公園真係好正,有得影園林和沙灘之餘,仲會去埋漁村。正呀!咁就唔駛後悔喇!乜野都影哂,最驚大出血咋!
之後佢問我想點影,乜都唔駛講,我又比份NOTES佢睇。我之前做呢份功課,搵左好多朋友影得靚的相比佢睇,所以佢好清楚我想要D乜野。GOOD!原來做功課係好緊要O家!最驚影唔到自己想要O既野咋!
我想要O既係...
(1)多角度攝影,不要張張都正面影
(2)不要張張STANDARD POSE
(3)SWEET & MOODY都得,但唔要COOL
(4)要影到兩個人都有交流,唔好好似分開影咁
(5)要影到拖尾相(影下睇下乜野效果,靚就多個選擇,唔靚就唔要)
(6)要影幾張著鞋相(影下睇下乜野效果,靚就多個選擇,唔靚就唔要)
(7)影一兩張大頭相(影下睇下乜野效果,靚就多個選擇,唔靚就唔要)
(待續)
e... 你今日o係法國婚妙影相?我今日都o係法國婚紗呀!不過係揀相,嘻嘻!
回覆刪除[版主回覆03/14/2010 13:45:00]我係12號去影相O家!唔係13號~~~
你就好啦..有得揀相..我有排先有得揀呀!
i see, 仲以為我o地同一日o係法國婚紗tim,哈哈!
回覆刪除e... 你幾時去法國婚紗揀相呀?佢應該影完後3日左右有得揀咖喇喎!其實我地遲左先去揀,我2月27號影,3月13號先揀,因為就唔到時間呀!