大阪神戶和歌山奈良八日七夜開心自駕遊---DAY 6 (PART C) 大阪港海遊館紀念品店
近來真的很忙~~早前工作量突然增多。最後連曼谷四日三夜之旅都沒有時間籌備便出發。
這次的四日三夜曼谷之旅,的確波折重重。可能覺得去曼谷應該是悠閒一下,想去邊就去邊,交通也不是太複雜,所以差不多到最後關頭才拿著本天書看一看。
本想在曼谷之旅前寫完大阪之旅的BLOG,但由於工作也非常繁忙,所以看來還是慢慢寫好了! 完成大阪之旅就要開始寫曼谷之旅喇!大家密切期待呀!
YAHOO最近有常常出現LOAD不到相片問題。在同一篇BLOG,竟然POST了三四次相片都出現死圖的問題。大家去信YAHOO BLOG小編輯問個究竟都得不到回覆。我們也只得無奈和...無奈。
上回講到用大阪周遊1DAY PASS去了大阪歷史博物館和大阪城天守閣。下午時份,我們正式向大阪港進發,目的為要乘搭「聖瑪利亞號船」輕鬆地遊覽一下大阪港。(始終天氣這麼熱,還是讓大王去一些有冷氣的地方好了!)
我們由谷町四丁目--->大阪港站,只需七個站。
到達大阪港~~~(當然也是用大阪周遊1DAY PASS 乘搭啦!)
列車到站了!
大阪港區有好多旅遊景點。例如觀光船、大摩天輪、天保山商業廣場和駐名的水族館「海遊館」啦!
出口1-4號就是去海遊館。
大阪周遊咭1DAY PASS(2,000YEN)
向著海旁方向行就會見到天保山摩天輪。
天保山大觀覽車,聽聞是世界最大的覽車。700YEN入場費~~
哈哈~~~本身都想同大王去坐下...不過每人HK$50-60都幾貴,不如把握時間去其他地方啦!
覽車站旁有條樓梯一上就是SERIA 100YEN生活良品店。我覺得這家100YEN都幾好行,賣的貨款式都幾靚。
我們當然不會放過買平野O既機會啦!
你睇呢間100YEN店都幾大~~~環境都唔錯,出面落地玻璃望大阪港。
好得意的食物餐盒。
還有好多款的餐具。
唧唧樽都有好多款~~有些款都幾時尚O家~~~
100YEN SOCKS~~~質地都幾OK O家!
還有好多珠串材料,即是在深水埗珠仔街見到的珠珠,可以買些針和珠來串飾物。
靚靚環保袋~~~這個時候,我已經有戰利品喇!
順道買了一枝伊藤園的茶,還是地道的綠茶較好飲。
途經商場的一間鋪見到一隻可愛的小山羊~~~咩~~~咩~~~
外面的景色~~~好舒服!一陣就會出去乘搭「聖瑪利亞號」船遊大阪港。
商場內都有好多值得行的商店。大家可以買下面這個大阪燒和八爪魚丸味煎餅做手信。
就是這個專賣大阪紀念品的店~~~
DOUBLE CHEESE HAMBURGER~~~~
海遊館~~~~
海遊館的對面。宜家望摩天輪就真係覺得好大~~~
海遊館的外表都好特別。
我們沒有入場,因為覺得海洋公園和之前去過的串本海中公園已經見過各式各樣的海洋生物,所以今次就遊覽一下海遊館的紀念品店。
一入到去~~嘩!好多顏色繽紛的紀念品,而且設計精美,實用性高。
我想要企鵝仔毛巾~~~不過最後都冇買,因為屋企有好多手巾都未用。下面還有T SHIRT,買黎去釣魚都幾好喎!
好多肥嘟嘟的斑點鯨魚仔~~~2,300YEN一隻。(中間個條識對住鏡頭微笑~~)
忍唔住要攬住佢~~
還有肥企鵝~~~我真係好想要...但....屋企真係太多公仔喇!
CUTIE鯊魚仔
仲高過BB O既企鵝~~~感覺好似去左北極。
大王見到魷魚就好興奮~~~
哈哈~~~動物道具~~
排住隊的企鵝和小海獅~~~~I LOVE THEM ALL
還有散紙包和紮頭髮頭飾。
鯨魚和白雪雪海獅袋仔
還有生日電話繩~~~見到我的生日日子嗎?!哈哈
去海遊館的紀念品店都已經咁開心.....影左咁多相~~~~
所以話唔入海遊館,佢O既紀念品店都值得一遊O家!
下回預告: 聖瑪利亞號遊大阪港
終於等到啦.........
回覆刪除日本係做零售真係咩都齊過人!!!
d公仔好得意呀!!!有無買呀???
[版主回覆09/30/2009 23:06:00]D公仔真係好得意..但冇買呀!
因為屋企太多公仔喇!買返黎又冇位擺
好野....卒之等到你開始寫番啦~~~~哈哈!
回覆刪除[版主回覆09/30/2009 23:06:00]經過你多番的鞭策下.....唔敢唔寫啦!大王!
佢O既紀念品店好特別好靚, 最Q係D鯨魚和白雪雪海獅袋仔,
回覆刪除香港無D咁Q袋仔買.
[版主回覆09/30/2009 23:07:00]係呀~~~鯨魚、海獅和企鵝都好可愛~~~
我鐘意隻海獅呀
回覆刪除[版主回覆09/30/2009 23:07:00]總之買隻比你啦!
你有去過曼谷黎咩????唔聽見你講ge??
回覆刪除[版主回覆09/30/2009 23:10:00]係呀!其實真係冇乜人知~~
本身諗住十月尾去,但冇哂機位。結果,最後改左九月尾去~~
而我都係係臨出發前一日先出到機票,都唔知自己去唔去得成...所以自己都唔知去唔去得成...
再加上返工好忙,冇乜點編行程.....所以咪低調D去囉~~~HAHA
寫遊記真係幾花精神架... 加上你又寫得咁詳細~
回覆刪除加油努力等睇你既遊記啊~
[版主回覆09/30/2009 23:12:00]係呀!若果隨便加幾張相寫幾隻字就容易...但要提供埋D旅行資料比讀者就要寫得詳細少少喇!
寫完日本遊記,我會寫曼谷遊O家喇!
我過黎踩場...hehe
回覆刪除高佬仔預祝你中秋節快樂!!!
[版主回覆09/30/2009 23:12:00]多謝高佬仔~~~
我都祝你人月兩團圓..中秋節快樂~~~
我都PLAN緊日本行程. 未來三個月公幹加旅遊我至少飛三次, 當然係不同地方啦
回覆刪除[版主回覆09/30/2009 23:13:00]好呀!去日本啦~~~~我去完冇耐...但真係無時無刻都好掛住日本.....
我覺得自己患左「思鄉病」~~~
你就好啦!我都唔知幾時可以再去日本喇!
甩左期既日本遊終於出新一期啦.....yeah!! 靚女作者請加油呀! 期待下一集出場....
回覆刪除你的fan屎上
(Empty)
回覆刪除