又繼續介紹下澳門的美食~~~
今次五個女仔去馬交以食為主。其實去澳門唔係賭就係食。本身諗住入賭場提款，最後變成個個比人提哂款，所以最後決定不入賭場，結果就只有食、食同食......
我地兩晚都去了買「勤記甜品」做宵夜。
絕不要睇少街邊檔仔，原來好有水準O家!
白果腐竹薏米水。好好味呀!不太甜，而且薏米好有口感。正!
香滑麻蓉湯丸($10)，皮薄煙煙韌韌....
一口湯丸，SIZE適中。
第一晚就坐係街邊食，果然別有一番風味。
第二晚又買了蓮子百合綠豆沙和紅豆粥返酒店食~~~~外賣各$11.5。
地址: 沙梨頭海邊街(近十月初五街口)
營業時間: 3:30PM-1AM
交通方法: 碼頭乘3號巴士至沙梨頭下車
綠豆沙, 正呀
回覆刪除[版主回覆09/16/2009 09:53:00]係呀!全部甜品都好好食~~所以連續兩晚都去買
(Empty)
回覆刪除[版主回覆09/16/2009 19:23:00]多謝支持
又肥4磅啦!
回覆刪除[版主回覆09/16/2009 13:52:00]大王~~點只四磅呀!
仲有好多美食未介紹呀!
回覆刪除買多碗比大王啦, 出去FIT魷好意頭呀!!
[版主回覆09/16/2009 19:20:00]點少得你個份呢?!
人人有份，永不落空~~~(聽聞你地今個星期去南油喎!)
D糖水好大碗, D湯丸又大粒, 下個月要去澳門食吓先.
回覆刪除[版主回覆09/16/2009 19:22:00]哈....其實唔係好大碗，湯丸都唔算大粒(一碗有十粒)
不過幾好食~~~
近排yahoo blog 內成日都看不到 D 相
回覆刪除[版主回覆09/16/2009 19:23:00]係呀!!我有好多篇都係咁....每次都要再POST過D相....
有篇仲POST左三次先冇事
哈, 每次去賭場好彩都提到款 <fd話我腳頭好喎>...
回覆刪除我唔貪心 win 夠我地食就拉隊走人 ....