大阪神戶和歌山奈良八日七夜開心自駕遊---DAY 6 (PART B) 大阪城天守閣 & NHK電視台

大阪神戶和歌山奈良八日七夜開心自駕遊---DAY 6 (PART B) 大阪城天守閣 & NHK電視台

上回講到本身諗住一黎就去大阪城天守閣，但由於天氣太熱，再加上一出車站就見到大阪歷史博物館，所以就即刻入去行下。

用PASS慳回600YEN之後，我們就把握時間趕快去大阪城天守閣。行過對面馬路，我們已經開始進入公園範圍。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

交通方法

大阪城公園地圖: http://www.osakacastle.net/hantai/park/map-hantai-l.pdf

大阪城公園ROAD TRAIN(出發前可以睇下火車班次): http://www.road-train.info/

大阪城天守閣歷史背景:

人們眼中豐臣秀吉時代繁榮的象徵，大阪的象徵—大阪城。1583年秀吉開始在本願寺的舊址上建造城樓，不久這座被譽為“三國無雙”的宏偉城郭建成完工。秀吉以大坂城為根據地完成統一天下的大業，100多年持續的戰國時代宣告結束。
秀吉去世後，秀吉的重臣德川家康成為將軍，在江戶（東京）建立幕府政府，並於1615年攻陷大坂城，導致豐臣家族滅亡（大坂夏季之戰）。後來德川幕府重建大坂城，一直到1868年的幕府滅亡、城池陷落的瞬間前，把大坂城作為將軍直轄的城郭管理。
1931年，在當時陸軍擁有的大阪城中心部，天守閣重建了。其費用均來自於大阪市民的捐贈。這天守閣是接著因戰火燒失的豐臣時代天守閣，和因遇上落雷燒失的德川時代天守閣的第三代天守閣。
大阪城自築城以來，好幾次成為日本歷史上重要的戰爭舞臺。大阪城作為將歷史傳承至今的歷史遺跡，不僅日本國內遊客，而且受到很多國外遊客的喜愛。

輯錄自官方網頁

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

公園好大，不過指示好清晰，所以唔駛驚迷路。

途經市立博物館

嘩!不一會，眼前就是一幢雄偉的歷史古蹟--天守閣。

豐臣秀吉十分喜愛黃金，不僅他的傢俱日用器具、武器、盔甲，就連大阪城天守閣的表面也都使用了黃金。

熱到呆左O既大王

有一班小朋友正在戶外寫生。哈~~畫出來的天守閣都別有一番風味。

好細緻呀!

外牆的背後有一段段歷史故事

在門外用周遊PASS換取入場卷(價值600YEN)，可以入內上最頂層的三樓欣賞360度大阪市美景。

這邊遠處有摩天輪，應該是大阪港天保山那邊吧!

可以望到好遠呀!一望無際~~~~

好靚~~天守閣被護城河包圍著

古蹟和現代的分別

以金雕出來的，好有氣勢

這裡景色怡人，而且好涼快~~~~

i love this picture

i love this picture too

有些小學生來這裡旅行，還租了豐臣秀吉的戰衣來影相留念。大王都影埋一份~~~哈哈

我已經成塊面紅卜卜。在這裡的汽水機買些涷飲解解喝~~~~

哈哈...當然選了中間的FANTA ZERO CIDER來飲啦!它的粉藍色外型彷彿已經話左比我知佢好冰涼，而且係香港都好似未見過。

120YEN的FANTA ZERO~~~~雖然沒有甚麼味道，但飲完又真係成個人降哂溫~~~~

見到呢度有得買大富翁的大阪版(4500YEN)。哈哈..好想買.....因為可以一嚐買「天守閣」的願望。

這裡還有記念金幣作手信。

再見喇!我希望下次可以再重臨可以見到漫天櫻花的天守閣啦!

之後返回歷史博物館那邊，諗住入返去「谷町四丁目」站搭車去下一個目的地。但，唔覺意見到歷史博物館的隔離有NHK電視台。

行入去....嘩!!!!!!!!!!見到我和大王都好鍾意的公仔，就是下面這隻~~~~其實我都唔知佢叫乜野名，但之前有個MSN ICON係呢隻公仔，覺得呢隻公仔好似大王~~~

YEAH!可以同呢隻公仔合照呀!好開心呀!

好得意呀!仲好大隻呀!好想攬住佢呀!

冇諗過可以同佢影左咁多相!

地板都有佢O既踪影~~~~好CUTE呀!

原來呢度仲有好多O野玩!例如親身體驗電視台拍攝天氣報告、新聞和兒童節目的情況。我，當然好投入咁玩左啦!不過片段當然唔能夠出街啦!

我似唔似新聞報導員呢?!本身諗住坐埋佢，誰不知突然間有個姐姐走埋黎問我試唔試下，之後仲問我份新聞要中文、英文定日文。當然揀中文啦!

之後就會係中間部黑色機度顯示左讀稿出黎。我就望住黎讀~~~好攪笑，因為係毫無準備之下讀左一D自己都唔知乜野O既東西出黎~~~

係呢個同時，我就被錄影左(睇下上面報機~~~)哈哈...完成左之後，姐姐仲重播一次比我睇。不過就唔係太方便公開段片~~~

之後，當然要買返D人氣精品啦!鎖匙扣好得意，不過都幾貴，要920YEN。

還有其他款式的電話繩

似唔似呢?

NHK電視台係一個我地沒有計劃在行程內的景點，但卻意料之外見到我地好鍾意O既公仔，而且換來好多開心的回憶。

大王每逢諗返起我報導天氣的片就會大笑...不過片段不宜出街~~~

 

下回預告: 乘坐聖瑪利亞號遊覽大阪港景色