大阪神戶和歌山奈良八日七夜開心自駕遊---DAY 5 (PART C) FISHING 8 釣具店
離開了白濱的TORE TORE市場,我們就要向著大阪門真南市的FISHING 8 釣具店進發。
這是大王期待之久的行程,所以若果他駕車快一點,留在FISHING8的購物時間就可以長一點。
又是一個155KM的車程,所以要找找油站加加油先。
今次選了一個自助入油的油站。YEAH!可以試下自己入油~~~~幸好旁邊沒有其他車輛等入油,所以我們才可以慢慢研究點用。
不過,自助入油是非常簡單。入油當然要入錢和選那一種類的油啦!
有REGULAR、PREMIUM和DIESEL選擇。我們選擇了REGULAR。
雖然叫自助入油,但若果遇到問題,都可以在一間房仔找職員幫手。
我們的戰車在油站。
入完會顯示入了幾多公升和所需金額。
先除手上的靜電,之後才取油槍。
大王入油中。原來好似開槍咁,油就會慢慢流入油缸。
我們選擇入1,500YEN,按照每公升就115YEN,我們可以入到13.04公升。
之後就是漫長的數字遊戲。由TORE TORE市場出發到大阪要155KM。我們會不斷見到路旁的公里牌的數字慢慢減少,就代表目的地快將到達。現在還有111KM。
可能因為朝早起身睇吞拿魚拍賣,而且大王已經駕了一朝早車,再加上剛食完TORE TORE市場的飽飽午餐,所以大王好累呀!
後來去到一個多元化的休息站。大王在路邊的機見到有多種款式的眠眠打破購買。
當時用400yen買了一枝「強強打破」來提神。
這個休息站有手信店、食店和洗手間等...
休息站外的戰車。這裡好多位泊。大家都駕了長途車,在這裡休息一會,有的更閉目養神。
我們要繼續趕路喇!否則,就可能去不到Fishing 8喇!
我們要經過多條的隧道,而這條就是3.85km,好長呀!
沿阪和道去大阪
我們又返到泉佐野喇!記緊前面靠左是去關西空港,右邊就是返去大阪。
往吹田區
見到這架車就知道我們已經成功到達門真南站的Fishing 8釣具店的專用停車場。好型的SHIMANO車。
這裡是Fishing 8的專用駐車場。如發現非客戶以外的車輛停泊在這裡,罰款為30,000yen。
FISHING 8 大型釣具店地址: 大阪府大阪市平野區長吉長原東3丁目
電話: 06-6799-0080
YEAH!好興奮呀!我們終於成功自駕來到FISHING 8喇!
這裡有的釣具牌子有DAIWA、SHIMANO和GAMA和EVERGREEN等。
入口門已經有好多平價釣具。
好多帽呀!機本上好多款式都有齊, 不過我沒有買,因為香港的釣具店已經有比較型的款式,而且我已經有好多頂帽喇!
先行上層。樓梯上都擺放了最新款式釣魚套裝和磯鞋, 就連水鞋都有2,30 款.....好勁!
都幾型喎!不過我是來買平O野架!
大王睇緊釣魚衫。
好多磯鞋呀!COOL~~~~~款式和SIZE都好齊。
係香港真係冇見過咁多款磯鞋~~~可惜,我已經有一對喇!
大王好想買這個冰箱。冰箱對釣魚的大王來說是非常重要的。一來可以在炎夏飲冰涷飲品消暑,二來可以放魚獲。
雖然這冰箱價錢都OK,但若果要上機,體積頗大,所以最後打消念頭。
這些釣魚套裝雖然不算新款,但有50% 折扣,再加上香港的天氣熱多過涷,所以非常適合加入我們的SHOPPING LIST。
最後我和大王各買了一套用作替換。平呀!
救生帶款式很多~~~~若果我未買的話,一定買條香港買唔到O既款~~~
置物袋的款式多到得人驚......粗略計過, 差不多有成40多款.....
見到咁多係香港見唔到O既款真係好著躍。
救生帶屬於貴價物品,但款式好多,有腰帶式,有背心式。
我們對這救生衣很有興趣。
竿袋區,有點一望無盡頭的感覺。
這裡有很多不同牌子的釣魚套裝,有新有舊。著o左釣唔到魚都好型,但都幾貴o家!
電鮫區,重有好多款都駁上了電源, 可以感受一下它們的"力量", 太多款真的是花多眼亂。
釣魚小物區。大王搜尋一些小物。
夾鉛
嘩!好多餌木杆, 見到我支Raycal餌木竿,有折呀!抵呀抵呀!
大量Majorcraft系列的竿。
看不看到大王呀!......在深海船釣區域......緊係要慢慢睇啦!
EVERGREEN和BREDEN餌木袋~~~好型!
好多香港都未見過鐵板
工具盒仔.....好靚, 有d重賣到6~7000yen一個....非常貴呀~~~
3,40款量度釣物長度的尺......
餌木用品區
1134YEN和1260YEN一隻的BREADEN姣蝦。
多到眼花撩亂
其他牌子都有,各具特色。
每個牌子的餌木都做得好靚。
橙汁冰冰姣蝦819YEN, 香港如果有貨都比人好快掃晒啦!
YO-ZURI姣蝦區都做緊特價。
這些是693YEN,大約六十幾蚊港紙一隻 , 始終都係香港平少少, 不過未必夠佢齊款啦!
顏色好靚呀!咁靚點捨得拎落海釣大尾魷呀!
都係BREADEN的姣蝦。
平平的餌木貼紙。我們買了很多回來呀!
高檔少少的餌木貼。
PE布繩區。
餌木回收器.....2百元有找....唔知香港賣幾錢呢?
有些專門釣魷魚的子絲。
小剪刀都有咁多款。
哈哈~~~134YEN的針墨匙扣。
五點幾喇!我地仲唔走就遲還車喇!所以快快比錢閃人~~~
大王滿載而歸~~~在FISHING 8門外影返張相先。今晚先鋪哂所有戰利品出黎睇~~
返到去難波,係附近搵間油站自助入返滿油先。當中遇到蝦碌事,最後兩人只有大笑。
最後,我們發覺原來比多左錢而又入滿了油是可以退回多餘的YEN的票據。只要將票據放入下面這架自動精算機,就會退回金錢。
還車喇!看到陪伴了我們幾日的紅車戰車的背面,有點黯然神傷...
我們要離開你喇!
下回預告: 難波道頓堀蟹道樂晚餐和FISHING 8戰利品篇
我唔想再睇落去啦........睇到一半成枱都係口水啦........
回覆刪除個件救生衣真係好靚....有機會收歸其下!!!!
[版主回覆09/03/2009 23:57:00]係啦~~~~你一定要駕車去呢間鋪,唔係買左咁多野都唔知點返酒店呀!
有無買姣蝦返黎呀? 有就好啦.....5/9我可以搶大王個隻黎用...哈哈
回覆刪除[版主回覆09/03/2009 23:57:00]你咁講..我唯有講冇啦!冇買呀~~HAHA
間舖真係好大, D貨又多又齊, 你地用咗幾多時間來行?
回覆刪除比我會行半日呀, 慢慢睇! HAHAHA
[版主回覆09/03/2009 23:59:00]呢間鋪主要有兩層,但真係每層都好大。每樣野都有好多好多選擇。
我地行左兩個多小時~~~大王都想行耐D。
不過我地用有限的時間睇左最多O既野...HAHA
我想問呢..... 咁你地成個自駕遊用咗幾多錢呀?! 租車....公路錢.....油錢.....etc.... 見你地行咗咁多路都好似入咗兩次油咋喎.....
回覆刪除同埋呢.....自己入油的話..... 點樣睇到入滿油架?!.....
[版主回覆09/07/2009 00:01:00]自己入油的話會有個制係「入滿」的,只需按這個BUTTON就會入滿後便將餘額退款.....
我的自駕支出大約如下:
租車: 12000YEN
油錢: 行左600KM左右-->4000YEN左右
公路費: 9000YEN左右
合共:25,000YEN 乘0.08 (EXCHANGE RATE)== HK$2000/兩個人
對你們喜愛釣魚人仕黎講, 那處簡直係釣友的天堂啦
回覆刪除[版主回覆09/07/2009 00:02:00]係呀!
之前有諗過留低大王係度行,而我就去附近的OUTLET行街。
不過,我又唔係一D興趣都冇O既..所以一齊睇釣具喇!
你好啊! 我3月都去大阪啊! 我男朋友好想去fishing 8 買野啊! 不過我都唔系駕車去架! 只是坐交通工具去,我地會系白浜出發,可以坐JR 或巴士去到嗎???
回覆刪除[版主回覆02/22/2010 12:00:00]你由白濱返到去大阪有JR和地鐵的地方就可以搭「長堀X見綠地線」去到門真南站就搵到FISHING 8
http://www.kippo.or.jp/Travel/support_t/img/01_6_map01_l_t.gif