大阪神戶和歌山奈良八日七夜開心自駕遊---DAY 3 (PART E) 溫泉酒店豐富晚餐
離開了白濱的超級市場和100YEN店後,我們就要回酒店食晚餐。
我們的車就是從這條路上山。白濱溫泉公園都在我們的溫泉酒店附近。
將車泊在招牌下。
預約好了七點的晚餐,所以六點幾回到房間就先沖涼換浴衣。
七點,我們就去到用餐的地方,有獨立個室。正!大王好歎的等食~~~
職員已經準備好了部份器具和前菜。台上還有一卷粉紅色的東西。
是今晚的菜單~~~好豐富呀!還有紀洲特產---梅酒。我平時好怕飲酒,覺得好苦。但一飲,覺得好好飲。飲完人都精神一點,怪不得日本人喜愛每天也飲梅酒。
食前酒,紀州梅酒~~~
先付,三種盛。
三款都好精緻~~平時很少見這些前菜,所以我覺得這裡的食物很有FUSION味道~~
好精緻~~~味道還不錯。
這是「溫物」鱧小鍋,鍋野菜。將下面這些鱧魚肉、豆腐和野菜放入鍋煮熟。有點像我們的打邊爐。
魚肉片切得好薄。熟了還很有口感~~~~
好好味呀!豆腐和魚都好滑。湯底鮮甜無比~~~
主菜到!伊勢海老海鮮刺身船。一口的伊勢海老刺身,發覺師傅的刀法不錯,而且終於知道為甚麼這刺身會那麼貴。現在終於明白。好難忘的味道,還覺得「唔夠喉」。
其他厚切的吞拿魚生都好正呀!
御飯--鷄斧飯。嬸嬸幫我們點了爐火,待二十分鐘至半小時後就有飯食。
大王和部份食物~~~若果所有食物同一時間放出來就會一枱都是食物。
這樣更加好。食得好舒服,一樣一樣來食。好好味的鍋物~~~
茶碗蒸~~
從未如此滑過~~而且用料新鮮,蟹柳充滿蟹味
誠意邀請一位好似「朱咪咪」的嬸嬸幫我影相~~~
這個是好特別的卷~~~
好清新的醬汁~~~好味呀!
好喇!我們準備就緒食石燒牛~~~還安排了牛油~~~
等我拍片教你們整石燒牛~~~HAHA....
好新鮮呀!開始熟喇!牛肉好軟身~~
好快就可以調轉面~~~我想要七成熟,所以就快可以食喇!YEAH~~~
咬一口....無話再講喇!只想快點吃下一口~~~
當然少不得油物---海老、茄子和小倉天婦羅~~~外表鬆化,但裡面保持著應有的新鮮味道。海老好彈牙!
一人份量都有好多~~
這叫香之物,三種。非一般漬物味道...器皿都幾有特色
I LOVE IT!巨峰提子果涷~~~好好味呀!!!!!!!!
鷄斧飯可以食得喇!嘩...都不知食那一樣先?!
本身以為飯應該是普通味道,但看賣相已經不得不吃。雖然我們已經飽到捧著肚,但這個飯用料豐富,而且香氣四溢,我們不得不把它食完。
好清好鮮甜的蜆湯,絕無加其他調味,因為真的好有蜆味~~~
飽飽喇!好滿足~~~同房門影張相先,有我個名~~~
都話好有賓至如歸的感覺啦!
返到房~~嚇了一跳。見到床舖已被鋪好~~~好體貼~~~
大王就急不及待大字型躺在軟軟的床鋪上~~~真識歎!
我們試下可否在房內上網。哈哈..原來要在LOBBY WIRELESS才可以上網。
GOOD!WIRELESS的速度還比預期中快~~~抵讚...
又是宵夜的時候。食得飽飽都要食蜜瓜。這是昨天在神戶買的蜜瓜。我們CHECK IN酒店之後就將它放在雪櫃內。晚上,當然要食生果健康一下啦!
大王好體貼的將蜜瓜切開~~~
噢~~好多汁呀!!!!!!!!!!!!!!!哈哈....
又再一次「滿足」起來。我覺得自己好像飲了一大杯蜜瓜汁~~~哈哈!
哈哈~~懷念大王昨天早上食的蕎麥麵,所以今日在便利店買了一個做宵夜。
但原來晚餐可以令我那麼飽飽,可惜蕎麥麵不能放得太久,所以....我又食了這個宵夜餐~~~哈哈....正呀!一日到黑都是食、食和食,今次果真是美食團。
食飽飽也是時候睡覺喇!希望聽日不要下雨啦!
下回預告: 酒店豐富早餐和白濱白勝三段壁
有乜野開心得過同自己鐘意的人一齊呀, 羨慕中
回覆刪除[版主回覆08/11/2009 19:56:00]哈哈..你呢句又幾「簡而精」喎~~
同自己鍾意O既人一齊,就好似...即使D野唔好食都會覺得好食~~
甘太你唔駛羡慕,你自己鍾意O既人已經日日同你一齊喇!
你安排D行程, 酒店和餐食都咁好, 不如計劃一團"自駕遊釣魚團",
回覆刪除有得睇風景, 有得食, 有溫泉, 有魚釣! 簡直是完美! ^.^
真的....一於咁話, 我第一個參加!
[版主回覆08/11/2009 20:00:00]哈..我都有諗過今次同大王去和歌山沿海釣魚。不過,我地今次行程緊迫,原意唔係釣魚,所以先冇帶魚竿。我之前都有SEARCH過,其實有好多艇家有船租出海釣魚O家!
我有諗過下次去沖繩自駕遊加釣大尾魷O家~~~HAHA
多謝你捧場做團友一號~~HAHA
啲嘢好似好好食喎.....每一樣嘢都好精緻
回覆刪除[版主回覆08/11/2009 20:01:00]係呀!呢間溫泉酒店D野食唔「頹」~~好有特色~~~
每一樣都好有心思~~~所以覺得好WARM~~~~
我完全同意甘太的講法...我都羨慕中...
回覆刪除看到你們滿足的樣子, 真係開心!
[版主回覆08/11/2009 20:02:00]哈~~你都剛剛去完旅行返黎~~~我都羡慕你呀!!
無錯,我地兩個宜家諗返去旅行的片段都仲好滿足緊~~~
你好呀,見到你地玩得咁開心,真係即刻想去啊!!! 你搞團,我第二個參加..... 我知你地買過jigging mater 救生衣, 請問你知唔知邊到有氣樽呢?? 我揾左好耐都揾唔到啊!!!! THX !!!
回覆刪除[版主回覆08/11/2009 20:03:00]哈...你快D去啦!我最鍾意見到人去日本~~~都多謝你成為團友二號呀!
JIGGING MASTER救生衣係台灣訂返黎,所以氣樽都要訂O家~~
笑我架, YEAH
回覆刪除[版主回覆08/11/2009 23:16:00]哈哈...邊有笑你呢~~~~
我件救生衣上幾個月洗既時侯....
回覆刪除澎脹左, 而家又揾唔到氣樽...
你可唔可以俾臺灣個地址我呀...
唔該你呀!!!!!
[版主回覆08/11/2009 23:21:00]我個時都係搵人幫我訂,我都冇地址呀!
不如你SEND EMAIL比佢地問下
http://www.jiggingmaster-ag.com/chinese/product_3.asp
真係唔該哂!!!!!
回覆刪除早知唔賣呢隻牌子....好難揾....
日本其實去過五次了....
但都想再去....
希望有機會...能夠大家一齊去就好了...
[版主回覆08/13/2009 00:00:00]呢隻牌子聽大王講都幾重O家..
佢SUGGEST你買過第二個牌子~~
我都去過東京四次,大阪兩次....要儲下錢先可以再次踏足日本~~日本仲有好多地方未去O家
唔該哂你地......
回覆刪除等到佢寫到第五日的下旬時,你遲d可以睇下我地去全大阪最大的釣具店,o個度d救生衣多到嚇死人,有d重平到 10,000yen....八舊水好鬼正~~~~
回覆刪除晚餐好豐富啊
回覆刪除[版主回覆09/10/2009 17:08:00]係呀!仲好好食....可以睇得出佢地好有心機整每一樣食物....
妳好,
回覆刪除已經看過妳的BLOG很多遍, 寫得好好, 今年12月會去和歌山, 有好多問想請教...
1. 白良浜海灘 = 白良浜海水浴場?? 煙花可以在那裡買?海灘會關門嗎?有位置停車嗎?
2. 白滨超市及100店在那裡?
3. 在什麼位置拍圓月島日落最好呢?
[版主回覆10/28/2009 23:27:00]多謝你支持我的BLOG呀!
(1)無錯..白良濱沙灘即是白良濱海水浴場。煙花可以係沙灘旁邊的小店鋪或者商鋪(例如我去個間100YEN)都有得買。海灘唔會關事...泊車位就要泊係第二度行返去沙灘
(2)我去個間100YEN店係...以下條LINK入面A個個位度..
http://maps.google.com.hk/maps?f=d&source=embed&saddr=33.684184,135.345511&daddr=&geocode=&hl=zh-TW&mra=ls&date=09%2F10%2F16&time=%E4%B8%8B%E5%8D%8810:52&ttype=dep&noexp=0&noal=0&sort=time&tline=&sll=33.684345,135.347368&sspn=0.003964,0.009624&ie=UTF8&start=0&ll=33.684443,135.344487&spn=0.001562,0.00228&z=18
(3)其實你沿住白濱的主要道路駕車,就好容易搵到我有利位置。我起初都唔知係邊度影...最後原來清楚見到圓月島O既地方已經OK...你可以睇返我去圓月島個篇BLOG
好多謝妳詳細解釋!!!
回覆刪除想借問你呢間溫泉酒店叫乜名, 我4/4/2010會去大阪,但我時間太倉卒,沒有時間plan, 因我2/4結婚, 而家攪結婚嘢, 無時間plan, 所以冇咁詳盡睇你的blog, sorry, so can u tell me呢間溫泉酒店叫乜名, 是否上網booking, 價錢大約多少, 是否已包溫泉&晚餐, 我見你的晚餐很豐富很正, and溫泉是否在開房內, 唔該幫幫我, Many many thanks!!!!!!!!!!!
回覆刪除