由於有世伯同伯母係度,係涉谷shopping完就返新宿best western酒店先,因為佢地o既體力已經快將用完。放低今日的戰利品後,就去新宿太子酒店旁邊的「PEPPER LUNCH」食晚餐。
前年去東京都試過涉谷的PEPPER LUNCH,這家平價和牛鐵板餐真的一試難忘。起碼在香港也吃不到幾十蚊的和牛,且捧著肚走的。
今次無意中見到歌舞伎町有PEPPER LUNCH,當然一定要去試下啦!
PEPPER LUNCH其實除左係SELL平價和牛外,還有就是鐵板的熱力讓食客自行調製喜歡的熟度和質感。
若然喜歡吃熟D就可以燙熟一點。你睇下面呢個大餐....有芽菜、飯和麵豉湯,一定飽住出門口。
我比較鍾意食牛肉粒。輕輕把四面的牛肉粒翻過來燙一燙就食,因為我覺得肉質會鮮嫩和保持住肉汁。好正呀!又再一次不得不講おいしい....
熟緊的過程中~~~流緊口水....
店員好親切的幫我們拍合照...
好肥美呀~~~其實個板真係好熱...
我地捧住個肚走出Pepper Lunch又再去搵食。已經係第五日晚,行程都接近尾聲喇!所以食完再食,直至爆肚為止。
我地係歌舞伎町行左好耐,最後吞拿大王都係對磯燒大海老情有獨鍾,所以再以幫襯。我覺得呢間鋪頭的叔叔好有誠意,服務態度好。見佢身水身汗,真係好欣賞佢。
佢都認得我地尋晚幫襯過。係呢個時候,我要幫師傅影返張相先。
吞拿大王和師傅合照。師傅好可愛呀!哈哈...兩個肚腩都咁大...
吞拿大王一副好滿足的樣子...因為又有大海老和生啤,兩樣都係佢O既至愛。今次的海老真的SUPER BIG呀!
今日係涉谷和新宿的上州屋買的戰利品。有電攪、大量姣蝦、鐵皮、毛巾、盒仔、令圈、浮標、腰包、SHIMANO釣魚套裝、誘餌籠、鉗仔、剪刀等等...
又係一樣...
好開心咁同戰利品合照
我今日買的兩對鞋。左邊個對係SHIBUYA 109買的船鞋,3670YEN。右邊係3500YEN兩對的其中一對(即1750YEN一對),兩對都係MADE IN JAPAN,抵呀!
原宿竹下通買的315YEN飾物。
又係100YEN店。有零食、TIMER、備長炭去濕制等等...
表參道買的ANGES B袋(10,000YEN)和三千多YEN的B字閃閃牌....呢個袋係香港未有得買,有紫色、白色和黑色,幾實用O家!
涉谷藥房買的100G裝娥羅納英藥用雪花糕,只需399YEN,即三十多元港紙。香港買要七十幾蚊,所以見到399YEN即買三盒。還有DHC 的保濕。
係東急百貨買的六花亭士多啤莉白朱古力,約三十多元港紙。白朱古力好牛奶味,入面有好JUICY的士多啤莉,食食下有D汁流出黎,好味呀!
仲有兩日旅程就完結,好唔捨得!
吞拿大王, 我老公話: 嘩, 你隻蝦好大隻吖, 睇見都流哂口水
回覆刪除[版主回覆05/24/2008 23:59:00]隻蝦真係好大隻...我見到都嚇左一跳....比我係香港見到的還大一點...
六花亭士多啤梨朱古力真係幾好食,不過如果想喺香港買就會貴少少,約$60左右.......
回覆刪除[版主回覆05/25/2008 22:36:00]係呀....士多啤莉有d汁流出黎...其他牌子個d好乾好硬o家....
係東急百貨買真係幾平....買黎請人食都好呀
哇! 個鐵板牛好好味咁喎! 重有好多戰利品 Tim!! 見到都開心呀!
回覆刪除[版主回覆05/25/2008 22:37:00]係呀...好開心....希望你之後o既日本旅程都開心啦!
個agnes b袋香港宜家有得買,我都幾鍾意呀﹗香港買千幾蚊,幾貴﹗咁你買都幾平。
回覆刪除[版主回覆06/16/2008 23:09:00]係呀..香港買$1,100..唔計個閃閃b字牌...係日本就買10,000yen...都平四百蚊度...
我都係返左黎兩個星期後先見香港有得賣
你好啊~
回覆刪除可以請問你六花亭的朱古力你在哪兒買的?那間東急?在幾樓?
因為我要幫老細買呢~~
請你告訴我啊~~THX
[版主回覆07/03/2008 23:35:00]涉谷o既東急百貨basement買o既...
個時做緊promotion所以好平..