終極東京箱根七天之旅---DAY2 (PART A)

第二天

日期: 4月21日 (星期一)   

行程: 新宿-->箱根湯本-->元箱根町-->桃源台港-->大涌谷-->早雲山-->強羅-->仙石原品之木一之湯

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第二天約七點幾起來，梳洗完就到酒店餐廳食早餐buffet。雖然食物款式不多，但最基本的腸仔、嫩蛋、太陽蛋、煙肉、牛角飽、煎魚鮮奶和西柚汁等等。味道也不錯呀~~~

這個朱古力酥餅睇個樣都知好酥喇!原來仲好香同埋好脆...

當然唔少得當時得令o既生果...好鮮甜....尤其是蜜瓜~~~

食完早餐返房攞返d行李落黎checkout，再寄存行李係酒店，因為我們聽晚會返黎連住三晚executive room。輕便行裝便出發了!

下面是新宿東口附近的百果園，尋晚係度買左士多啤莉返酒店食。不過，我覺得這裡的生果也不是太好食....

星期一的早上，路邊有人大派免費飲品。後來係便利店睇返原來都要120yen。

不如講講箱根的周遊票的用途啦!若果是兩日的pass，就可在箱根地區使用的七種交通工具如下:

箱根登山電車

箱根登山纜車

箱根空中纜車

箱根海賊觀光船

箱根登山巴士
(指定區間)

箱根登山巴士
(指定區間)

小田急箱根高速巴士
(指定區間)

沼津登山東海巴士
(指定區間)

詳細資料可參考這裡: http://www.odakyu.jp/chinese/freepass/hakone_01.html

詳細交通地圖可以參考這裡，非常有用:

http://www.hakonenavi.jp/tanbou/map/pdf/hakone_map.pdf

 

到達了小田急車站等候十點的列車來到。下面是一架回廠的車，是浪漫號列車中較舊型號的車。

 

顯示牌寫出2號月台十點開出往箱根湯本的十卡車已經滿座。

我們就是乘搭這種比較新款的romance car。第一排是展望席，即是180度無遮擋的風景會一覽無遺。這展望席是可以預早send e-mail去小田急服務中心reserve定。不過都要預早一兩個月。

下面是浪漫號列車時刻表。不同時間的班次有不同車的類型。我們坐的是VSE(50000型)有挑望席和大廳的車廂。

http://www.odakyu.jp/chinese/rc/rc_timetable_a01.html

車廂內....有洗手間和小食店。

前排有一個好可愛的日本小女孩。佢好乖好有童真，係香港好少見到喇!我地覺得佢好似後生版郭藹明。

這就是第一排展場席的座位。列車快將到箱根湯本總站。

列車頭頂就是車長坐的位置。

箱根湯本駅。一出站可以係呢度o既旅客服務中心問下交通問題。服務員好快會解答到你o既問題。

站的旁邊有兩條街行下，買下手信。我地當然唔買啦!咁早就攞住咁重o既野，好快會好累的。

下面係一大條的日本懷舊小食。

好多草餅~~~~

間鋪出面有好大條魚~~~

塗了醬汁正在吹乾中的魷魚干。

工事中牌....呢位人兄扮得維肖維妙。

行左一陣就去搵食....。其實站旁的食店也不太吸引，價錢也頗貴。選了一間食拉麵定食的鋪頭食個午餐先。

拉麵...味道一般。

滑蛋豬扒定食...豬扒都幾滑....不過呢個餐要成1200yen。

海老天婦羅そば麵。

吃完午餐就趕搭12:45的3號往箱根町途經元箱根町的巴士。我們發現有人力車坐，旁邊條河好靚。

好乾淨o既河...仲有人釣魚呀!唔知呢度有乜野魚釣呢?!

(待續)