終極東京箱根七天之旅---DAY5 (PART A)

第五天  

日期: 4月24日 (星期四)   

行程: 築地-->原宿-->表參道-->涉谷-->新宿

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

由於尋日去到築地原來係休日，所以今天再一次早起身來到築地市場食早餐。來到築地已經是八點幾。

看到一魚檔的大魚給切開了一半。

本身想去「壽司大」，因為上次食過好好食。但門外的人龍太長喇!我保守估計若果要等，可能要等個半鐘或以上，所以最後去了隔離的「大和壽司」，不需等位就可以入去。

我們叫了一個set，另散叫其他壽司。下面係海膽、拖羅和魷魚壽司。食落去的質素一定好過香港食個d。但相比起一年前去的「大和壽司」和半年前去的「壽司大」卻明顯差了。

「壽司大」係等客人食完一舊先再放多一舊出黎，而且師傅會同你有傾有講，仲會幫你影合照。但「大和壽司」的作風，一order就即刻將全部壽司放哂出黎，就好似下面咁...

還有卷物....我只係影到咁多相，因為入面serve你個d大嬸話no photos，所以覺得呢間鋪過於商業化，而且沒有人情味。下次唔會再黎幫襯。怪不得「壽司大」條龍咁長啦!宜家終於明白哂~~~

吞拿大王想係平山商店買件衫。但大部份衫都係後面有字而唔係前面，所以冇買到~~~

JR站內有張海報，係咪好似香港個D「祈福黨」提你唔好呃阿婆錢個D海報呢!

我地係築地市場先返酒店JOIN返世伯伯母先。呢張係BEST WESTERN的正面，樓下有間LAWSON。

樓下有間LAWSON。

旁邊的電梯可以上到酒店LOBBY。或者這層乘搭LIFT上LOBBY。

LOBBY唔係太大，但環境幾舒適。

我地係酒店休息一陣就開始出發去原宿。之前去過幾次東京都冇去原宿，今次終於可以遊覽一下。當然要係竹下通大牌前影張相啦!我件MOS BURGER衫係UNIQLO買。返到黎香港都見到有得買。

呢條竹下通兩邊都有D鋪頭行下。

見到LOTTERIA有限定CHEESE BURGER(360YEN)。好似話今日係限定的最後發售日。

呢間鋪完全飾物都係315YEN。我買左幾對耳環和一條頸鍊。

之後去到一個商場的鞋鋪買鞋。3500YEN兩對好抵....大部份係MADE IN CHINA，但款式幾靚。我買左對MADE IN JAPAN的鞋。

係街尾又見返絕品飽，所以就買左黎食。

名副其實的CHEESE BURGER。好豬屎呀....

竹下通街尾....聽杜如風節目介紹話係呢幢野旁邊條路仔入去會有好多名店。例如APC & HEAD PORTER。

好多款的BIRKENSTOCK，有好多款係香港係未見過o家。

(待續)