尖沙咀有一間好出名的德國餐廳。之前有機會去過一次,印象都幾深刻。
氣氛和環境都不錯,還有現場LIVE BAND。很多人在這裡慶祝生日,LIVE BAND姐姐會走到你枱邊帶領全場人士為你獻唱生日歌。
上星期,我又和一班朋友來到這裡舉行生日會。
德國最出名就是啤酒,眼前其他食客面前都有一高杯啤酒,可惜我們都不飲酒。
所以叫了幾款招牌菜~~
首先有農夫包。好多人來這裡都會叫這個包,還有兩款醬(芝士香草和牛仔肝醬)搽麵包。麵包外脆內軟,我發覺自己好鍾意食牛仔肝醬。
芝士白汁蝴蝶粉
薯餅
德國麵包圈$40。本身已經好高脆,但口痕又走去搽牛仔肝醬,結果食完一啖又一啖。
招牌德國咸豬手送到。侍應還先幫我們將它先行解體。
聽住切,已經聽到脆卜卜的聲音。
脆皮燒豬肘配酸菜及薯仔$145
好鍾意那種脆卜卜的感覺,其實分開一件件就不覺得多肉。一口就已經可以慢慢嘴嚼那種既咸又香的味道。聽聞這些豬手是在德國醃製後才運到香港,燒的時候還不斷向豬肘噴啤酒,取其啤酒中的糖份,令外皮烤起來更香脆。怪不得之外皮食落去可以這麼脆。
哈...因為咸,所以要飲返好多水先得。
德國香腸拼盤(三款)。因為每款腸都想食,所以選了一個拼盤。
這是用德國特製的烤焗爐焗製的德國腸。不同腸有不同大細和味道,配以特製醬料真的食完想再食呀!
薯仔沙律
分好了腸腸,大家開動啦!
大家若果有興趣可以打電話去BOOK位。我早一日打去BOOK星期六晚,好彩仲有位。分6:30和8:30,6:30PM就限時兩個鐘,8:30就沒有限時。若果惠顧晚餐,帶來的生日蛋糕就不用切餅費。
這裡的LIVE BAND有幾位SEXY 姐姐主理,若果不怕嘈都可以黎試下!
地址: 尖沙咀梳士巴利道港鐵尖東站地面32號鋪
電話: 2369 8328
有live band我就覺得會好嘈, 唔係咁啱我啫
回覆刪除[版主回覆07/19/2010 23:20:00]係呀..都會有D嘈O家..你可能真係唔太O岩~~
哈!昨天的午餐就在這!可惜只有兩人,只叫了兩道菜已很够了!
回覆刪除[版主回覆07/19/2010 23:19:00]係呀!
我睇你個BLOG,原來係攝影發燒友...我要多多向你學習喇!
喜歡德國啤酒, 一定要去試!!!
回覆刪除[版主回覆07/19/2010 22:59:00]若果你鍾意飲德國BEER就真係要試下!因為我見好多人都飲一大杯啤酒,好似好豪氣咁.....
我就...只係飲水...HAHA