早幾天的六週年慶祝活動,本身打算去食酒店DINNER BUFFET,最後揀返去食日式放題。大王成日都想去「松屋」,但我又想試下其他店,所以最後選了一直都想去,而在OPEN RICE又有很多好評的「金田日式放題」。
其實之前和朋友的GATHERING也想去金田,但每次也是很遲才約食飯,所以每次都已經FULL了。今次,在下午時間打去,可能剛剛有人CANCEL BOOKING,所以終於有位喇!
我們選擇了位於尖沙咀寶勒巷3-7A萬事昌廣場3樓302室的店鋪。
準時七點半到達。店員見我拎住一大袋東西,還另外給我一張櫈放東西。
好多不同顏色的ORDER FORM,有鐵板燒類、沙律冷盤類、一品料理、刺身、鍋物類等等。
等我比大家睇清楚有甚麼食啦!首先是鐵板燒類和沙律冷盤類。款式都頗多。
一品料理都有好多選擇。有咖喱餃子、枝豆、櫻蝦白汁天使麵、鴨胸鵝肝卷、醬汁豬軟骨和關東煮等等。
刺身類有海螺片、吞拿魚背、三文魚、鱆紅魚、甜蝦和赤貝等等。
還有壽司類、炸物類和燒物類。
好吸引呀!我都鍾意食天婦羅....
刺身出場。我鍾意食海螺和三文魚。
赤貝、烏貝和海螺片都好食,因為好爽口呀!
煙肉青口
牛舌
燒七味墨魚仔
蒜片牛柳粒
魷魚鬚...送酒一流!
薄燒牛肉
燒秋刀魚...有點似BBQ的味道。
炭燒牛肉串
我最愛的串燒---雞軟骨串。自己加了點七味粉就更惹味。
燒多春魚
燒羊鞍~~食一件已經好飽。
炒雜菜
壽司類有松葉蟹柳、魷魚下足、鰻魚、蟹籽、板壓燒三文魚、炸蝦反卷、吉列豬扒反卷、蔥三文魚手卷和加州反卷等等,比其他鋪頭多選擇。
由於已經飽飽,所以叫了最想食的三種,有板壓燒三文魚,咬一口,魚油香味溢出。正...
還有炸蝦反卷和鰻魚壽司。
小女子魚乾又是送酒佳品,可惜我不飲酒。
豆腐沙律,滑滑豆腐。
日本水雲醋物,酸味味開胃非常。
芝士焗蠔
又是我自己食的天婦羅,必食炸蝦天婦羅,另外我也喜歡南瓜和茄子。
鴨胸鵝肝卷...好香呀!
沙律米紙卷
若果大家有睇清楚食物ORDER FORM就知道我們還有很多東西未試,但已經捧著肚走喇!
價錢為$198加一,恒生咭有九五折,約二百元一個人。我們就可以由七點半食到十點半LAST ORDER。
總括來說,店員的SERVICE和環境都不錯。侍應體貼,經常斟水、收碟和收ORDER紙,不用叫也會自動過來。環境方面,坐位尚算寬敞舒服,只是有少少漏單的情況出現。
食物味道方面,不是每種東西也好食,但優點在於食物款式多。
大王還是對「松屋」情有獨鍾。「松屋」有任飲,又有菠蘿雪糕,真的不錯呀!
大家有機會可以去試下呀!
好介紹,幾時介紹埋“松屋”?
回覆刪除[版主回覆07/19/2010 22:56:00]係呀..其實我地之前都去過好多次松屋...
某程度上,我地鍾意松屋多D..HAHA
我試過荃灣悅來酒店果間金田, 點解無咁多嘢食, 價錢一樣......
回覆刪除大家都是金田, 無鵝肝, 無焗蠔, 無羊鞍?
[版主回覆07/19/2010 22:57:00]哈...聽聞最本身係有荃灣個間鋪頭先有其他分店...
咁睇黎你最好都係試下尖沙咀個間鋪喇!若果講食物種類,又真係幾多O家
其實之前有介紹過架.....
回覆刪除http://hk.myblog.yahoo.com/mandykiki0505/article?mid=6837
其實4間我地都去過,不過都係以尖沙咀個間比較好少少呢!
我這間同貓友都去過. 一般啦, 上次叫魷魚, 同牛肉粒, 一d味都冇. 但至在大班貓友傾貓經, 都唔理得咁多囉
回覆刪除[版主回覆07/19/2010 23:23:00]唔係喎~~我覺得我地今次食的燒物都OK呀!又未至於一D味都無~~HAHA
不過好似你咁講,一大班人活動,都唔會太CARE食物的質素喇!
你地食左好多野呀!!!
回覆刪除好耐之前我食過~間係中環的叫 "碗屋", 都係任食放題, 都OK唔錯架
[版主回覆07/19/2010 23:22:00]哈..因為我覺得試唔哂都起碼試多D款...所以大王唔食就我自己嗌黎食...
等我下次試下你講個間先,因為之前都聽人講過話中環有一D好正的日本放題....
多謝PANDA媽介紹!
Mandy, 你又叫佢做〝大王〞架?!
回覆刪除[版主回覆07/20/2010 00:14:00]係呀...佢個釣魚名叫「吞拿大王」..人地就叫我做女王喇!HAHA