法國婚紗終極揀相篇

在FB重影完PREWEDDING的之後數天就去九龍塘總店揀相。

我們因為不想再見到之前的黑面神，所以特別REQUEST CLARA與我們揀相。

之前在網上見好多BLOG友都搵CLARA做揀相SALES，我覺得一定有她們的原因。再加上，自我們要求重影的時候，FB剛巧都是派CLARA處理我們的CASE，所以當然要搵她幫手揀相啦!

這個星期天的十點四十五分，我和大王好準時去到FB。因為CLARA還未返工，所以有同事帶我們入房揀相。有個獨立和比較靜的小空間，揀相都特別開心。

我們好專心揀相，今次揀得好開心。因為影了很多相片，比起上次多好多相。

可能攝影師JUN和助手SUNNY經常提點大王條頸伸出一點，叫大王笑得自然一點。又叫大王注意一下隻眼，又幫我們整好件衫，鋪好裙尾，所以影出來的樣子會正常一點。

阿JUN真係影左好多相。每個位都影好多張，而且吸取了我們上次的經驗，構圖方面都幾合我們心意，因為我要的是「多角度」相片。

另外，因為我REQUEST影多一些婚紗相，所以攝影師真的主力幫我影了好多內景和外景婚紗相。GOOD!

我們一邊睇相，一邊有些少驚嘆。我們覺得原來可以影到個樣正常一點和終於CATCH到個FEEL。

九龍塘的婚紗和晚裝相都滿意，起碼唔會好似上次咁，每一個室內景都無一張覺得滿意的。反而，今次在每一個室內景都覺得影得唔錯，應該說是做到基本的要求。

只是九龍塘水池園和正門的相就普通一點，又可能是我這個造型不太適合我，所以覺得唔LIKE，只是勉強選了一張水池景和一張正門相。

其他例如馬灣的外景相影出來顏色豐富，好SHARP，加上有自然的陽光，相片顏色都幾SOFT和自然。有些相片更做一些藍天和黑白映功效果，令人望到會有FEEL一點，所以好容易叫我們選擇這些相。

最後，當然大出血啦!連上次的5張相版，總共選了104張相。我覺得佢地未必一定要我地入返上次個5張相版，因為唔係我提佢加返，佢都好似無諗住加返咁。但因為我同大王都幾鍾意上次拎走的5張相版，所以咪調返轉建議佢今次入埋相簿度。

上次個5張相版擔當一個好重要的角色，因為當中三張相就做了油畫、簽名布和大相簿封面。

其實我可以再捨棄某些相，但大王已經話唔好同唔駛再CUT。因為大家都覺得香港影得靚D，台灣都比左咁多錢，點解一輯反而比較鍾意的PREWEDDING要不斷CUT相呢?!咁都真係幾有道理喎!

所以最後係104張相停止再CUT相喇!宜家總共有一大和兩細相簿入哂D相。

大相簿--->入40張相，有排版、無縫和COATING

細相簿--->一黑一白6X6吋細相簿，一本入33張，一本入31張，有COATING

價錢當然都不便宜啦!始終呢輯都係FINAL，大王唔會再同我影PREWEDDING PHOTOS。兩輯都已經夠哂數，始終...影多一輯又要駛多好多錢喇!

終於知道點解咁多人搵CLARA揀相，同佢傾係有得傾。之前個個SALES簡直係乜都無得傾，又唔比意見你。

宜家我地揀油畫架、簽名布、相架框、油畫框、入乜野相入乜野相簿，佢都比意見專業意見比我地，所以先咁快手。我地都問佢，點解上次無呢種服務O既?!

經過這個揀相日，我們暫時完成了PREWEDDING PHOTOS這個大ITEM，因為正是踏入等待收相簿的日子的來臨。

可能台灣PREWEDDING在影完之後已經有哂SOFTCOPY止渴，所以在等待FB這輯相簿就比較辛苦，因為要等4個月後的11月中先收相簿和相片。要再次重溫就要等4個月喇!好漫長的日子呀~~~

今次終於重影成功，我都覺得好幸運，因為我成日覺得衰左一次都有機會衰第二次。好彩FB派到一個同我地夾得黎的攝影師。這次重影，令我們對法國婚紗重拾信心，而且令我們感受好好的服務質素和態度。

遲少少就POST一些相版給大家看看~~