前兩日,與大王去搵食,不經意的去了深水埗。
到達深水埗範圍之後就到處搵車位,最後在劉森記門外搵到位。大王話劉森記出名和好食,理所當然走入去試試啦!
大王要了牛筋腩水餃麵,水餃另上。
好吸引....大王好快已經食完!
我當然要試下出名的蝦子撈麵啦!麵的質地爽口彈牙,好味!我覺得不用去澳門食喇!
我要了蝦子雲吞麵,雲吞另上。嘩..一台都是美食。還有要試這裡的醃蘿蔔,開胃之餘還很爽口。
水餃好食到不得了!醃得味道剛好,有爽脆的雲耳,而且蝦彈牙,內裡也有蝦籽。我們還買了一盒一打的生水餃拎走,平時煮麵食或用來打邊爐都好正!必試呀!
雲吞另上....都好好味呀!
連生水餃一盒拎走TOTAL都只是$102,又食又拎~~~抵!
第日又多一個地方食到平靚正O既野~~
地點: 深水埗桂林街48號地下
我都係經常去食, 最喜歡食水餃,
回覆刪除每次都會再買 2 盒回家.
[版主回覆06/05/2010 12:55:00]我好少去深水埗,都係第一次食咋!
食完覺得駛乜去到澳門食呀!
呢間就梗係正過澳門啦, 不過我食親都一定要加底, 如果唔係就兩碟先夠皮!
回覆刪除[版主回覆06/05/2010 12:58:00]哈..兩碟?好飽喎...不過價錢都唔貴..
間唔中要去食下先..
呢間唔錯,午餐一個月都有5-6次!!
回覆刪除最誇張有次兩個食左3百幾錢!!
[版主回覆06/05/2010 13:05:00]嘩...安東尼好少講正面O既野...你都覺得好食就真係好食喇!
食三百幾?十個人食呀?!傻左呀!
我真'背' 未試過添. 樓下安東尼, 你簡直係上等人黎啦. 食個午飯都3舊幾水, 邊個夠你威呀
回覆刪除[版主回覆06/05/2010 13:09:00]你得閒叫大甘同你去下啦!味道真係唔錯...