第二次釣火箭魷又爆釣

話說上星期，我去了釣人生第一次的火箭魷，即是人家說的鋤墨魚。之前都是跟大王去FIT大尾魷。

成日聽人講去鋤墨魚都鋤唔到，成船人都鋤唔到，可能係睇月份和季節啦!聽聞最近西貢有好多魷仔，周圍都係遊艇鋤魷仔。大家當然把握機遇去玩啦!

上星期去了一次，果然D魷多到跳上艇。我就無寫BLOG喇!大家想睇可以去返安東尼個BLOG回味一下。

http://hk.myblog.yahoo.com/anthonyhung2005/article?mid=4806&prev=4875&next=4731

昨晚，我們見到風細了和雨停了，所以大師兄即興叫我地一齊去玩。

今次參與者有大王、我、 高佬、大師兄和南油艇家安仔。

在早禾坑碼頭出發，真係很喜歡在平日人少少的時候出發在海邊，很少人...好舒服!

 
有個FISHERMAN即將去FISHING~~~

宜家先發現海邊有救生水泡

艇家好準時，戰艇駕到!

 剛剛有師兄在惠東釣得多條大斑返來....

 YEAH!未出發先興奮....心曠神怡。

艇家今次準備好了大量鋤魷魚釣組。

 真係估唔到安仔會同我地一齊去...因為見唔到真人都唔當佢去。好似安東尼話齋，安仔平時玩的係80磅手絲，宜家?!哈哈...真係估佢唔到。

 
大王今次帶左兩次竿去，諗住又用小巨X試下加螢光棒試釣，睇下會唔會釣得多D同埋方便D....結果係.....

個個係我側邊都已經釣到魷上黎，而我釣極都釣唔到，所以我都係用返最傳統個D。

天未黑就開餐先啦!今餐好豐富呀!有大量燒味和滷水食品，再加埋罐啤酒，海風輕輕吹過來，真係人生一大樂事呀!

嘩!辛苦大師兄的安排喇!下次有埋PIZZA真係更加正~~HAHAHA

好豐富..乜都有得食!好過跟遊艇去個D無啖好食啦!HAHA

四位男士等開飯。

YEAH!開餐喇!

雞翼正呀!

加埋罐啤...真係好享受~~

食飽後就要做野喇!我地之前SET的TARGET都好高，所以要比心機釣多D...

安仔的第一魷.....要影張相記低佢先..

大師兄比我用的釣組，我成晚都係咁釣咋!原來最傳統已經最好...

起初在第一個釣點，收獲真係唔係咁滿意，魷仔都唔大隻。之後梗係轉位啦!

安仔問我地有無索帶，所以我地幫佢隻魷魷綁返索帶。哈....好似去南油咁.....大家好似太投入，諗多左好多呀!

安仔的魷魷，一睇就知係你啦!

好攪笑的魷魷~~

安仔研究將釣組加螢光棒。其實我地研究過，魷魷見到螢光棒反而調頭走。

堂堂南油艇佬返回初初入行時做的魚童角色?!此場面真係難得一見，再次知道魚童工作辛苦...

大王隻魷肥嘟嘟，同佢有一脈相成的地方...

魷魷真係唔惹少，好大隻呀!要釣佢上黎，免得佢走甩，真係要快手D先得呀!

睇大師兄個樣就知佢玩得幾投入幾開心啦!乜你唔係會暈船浪咩?!訓練你多兩次就去得南油喇!HAHA

睇佢地件衫就知D魷魷都幾惡O家!釣佢地上黎噴勁多墨...

部份釣獲...有D個筒真係好長。

高柴都密密上魷。

唔夠位放魷魷，連穫蓋都要用到...

安仔釣得單鬚魷仔

艇家幫我地整返味蒜茸炒鮮魷....好香呀!

暫時的釣獲...

我地都拎左好多去炒魷

後來仲整左D白焯鮮魷比安仔試下...

總收獲...正呀!好似仲多過上次咁....

個膠盆都好高身O家!好多呀!膽固醇超標~~~

大家見到咁多收獲都好開心。大師兄釣得好多呀!最開心係佢喇!

分魷都分到手軟~~~

呢兩次釣魷行真係好開心滿足~~~

真的...人生應該要如此享受一下。