上回講到一落到機，在福泰桔子商旅放下行李就到樓下逛一下街，熟習附近的環境，還買了珍珠奶茶和牛肉麵醫肚。
食飽飽之後都大約五點鐘喇!我們拎埋試衫用品前往今次在台北影PREWEDDING PHOTOS的法國巨星。
試衫用品有:
(1) NU BRA
(2) 防走光束褲
(3) 男士恤衫
(4) 報名的單據等等...
我們乘搭捷運往「中正紀念堂」4號出口直行，再轉右沿愛國東路向前走就會找到。
初時，我們行錯方向，走了很多冤枉路。去到法巨已經筋疲力盡。
一入到去，一個姐姐就問我是不是X小姐。睇黎，佢地都一早已經等候我們來試衫呢!
之後，姐姐帶我們入一間房。入面有些晚裝可以選。我和大王就件件去睇。睇O岩就拉出來示意姐姐拎出黎一陣比我試。其實我都唔係揀左好多.....因為...真係揀唔落手。
我總共可以揀五套衫。我已經一早諗左會揀兩套婚紗和三套晚裝。三套晚裝的顏色都是鮮豔一點的。心目中想揀藍色、深紫色和粉紅色。
首先在其中一間房揀晚裝。我和大王逐件揭來看。不是顏色不鍾意，就是覺得太簡單。不是太簡單，就是LEARN味十足。完全揀不到自己想要的顏色。好失望呀!
這間房揀了幾件去試下，有些可以考慮(不考慮就沒有衫著)，有些可以即刻OUT。
因為，我不太滿意，所以問姐姐還有沒有其他選擇。她帶了我去另一間房(正在有人試衫)找晚裝。本身我沒打算穿紅色晚裝(因為香港FB已經選了深紅色)，但因為無衫揀都要試下。
我問姐姐有沒有深紫或藍色，她說已經放在這裡，又沒有意慾幫我去搵。說真的，我其實不太滿意這位試衫姐姐的態度。她比較懶，好似想收工，沒有MOOD似的。
試衫的過程中沒有甚麼意見比到我，我問她也沒有甚麼回應。
現在返到香港，看到BLOG友最近在法巨的相片，才知原來有這麼多顏色，點解我個時會無?!
三件晚裝入面，最後選了一件灰色、一件直身寶藍色和一件上身黑色下身粉紅色的水母裙。
婚紗方面，姐姐拎了幾條比我揀。我諗住一條就長拖尾，另一條就輕鬆簡單點。婚紗方面都幾靚，都算滿意。
等我揀完衫和度SIZE之後就初步講講明天影相要注意的地方。最後就帶我和大王到附近的一間禮服鋪幫大王度身。
去邊度影PREWEDDING PHOTOS，男士都不太被重視，度完身就算。最後選了一黑一白，背心法巨會提供。
這樣，個半兩個鐘就完成揀衫過程。
來台北之前都已經知道法巨唔係太多衫揀，衫都不是太靚。結果，真的如此。想揀鮮艷少少的衫都揀不到。
夜晚返到酒店係度諗，我揀的晚裝好像不太鮮艷。唔通聽日去農場影相著件灰色晚裝影花?愈想就愈擔心.....
最後我決定要將一件晚裝改為粉紅色，因為之前見過有BLOG友到法巨影相有著過一條全身粉紅色的晚裝，所以DOWNLOAD了張相落DESKTOP。明天去到法巨問問職員可否幫我找那件衫出來，等我將其中一件沉色少少的晚裝改為粉紅色。
幸好，明天，她們真的能為我找出那條裙，好讓我輯相有返少少鮮艷的色彩。
沒有留言:
張貼留言