今天是我的LAST SINGLE BIRTHDAY。我特別為自己設計一個BIRTHDAY TRIP，就是到目的到台北拍攝婚照，另外就給我和大王有旅行的機會。
雖然今年不能去日本，下年一定去返夠本。
其實我N年前去過一次台北，大王就獻出他的第一次去台北比我。今次乘搭的是長榮BR852 11:10往台北，大約個幾鐘就到達。這次的機票是在PRICELINE買，真的快靚正呀!
約了大王九點鐘左右到機場。
等我影下我的行李先。
由於一早在網上預辦登機手續，所以好快攪掂CHECK IN手續。
之後去了恒香棧食早餐
我們班機11:10 BR852到台北，18閘口。
YEAH!出發喇!
今次乘搭的EVA AIR長榮航空。
我可唔可以改去沖繩呀!!!好想去OKINAWA呀!
上機後，好多飛機排隊起飛。上升的一刻，望返機場，好壯觀呀!我們香港的機場真係又大又靚。
今次的飛機早餐--->咖哩雞飯，味道不錯呀!未食過這麼熱騰騰的飛機餐!
我當然霸著WINDOW SEAT坐啦!
YEAH!到達喇!這裡有點似降落大阪的關西機場FEEL。若果這裡是OSAKA就好喇!(成日諗多左....)
台灣的入境手續好快完成。我們找國光客運到台北車站，因為今晚的旅館就是位於台北車站館前路的福泰桔子商務旅館。
到達旅館CHECK IN的職員好似前總統陳水扁，基本上有99%似...好驚呀!但佢真的好NICE和好HELPFUL。
好快就有得上房御下行裝，洗個臉休息一下。
對我們兩個龐然大物來說，這房間都不是太大。
但裝修簡單顏色舒服。
磨沙玻璃洗手間和浴室就在左右邊。大王話睇住佢開大好唔自然喎!怕乜呢?得鬼閒睇你咩?!
BATHROOM
電視節目表，我通常第一時間搵MTV台。
可以煲水嘆一下涷頂烏龍茶!正!
洗完個臉就即刻出發....唔係去法國巨星揀衫，而係去附近地方走走。
先到樓下的「歇腳亭」買珍珠奶茶。
特殊服務-->冰度、甜度和溫度。法巨的施經理話要3分甜就最好，因為台灣人落糖好重手。
有好多種類的飲品選擇呀!一杯都不過是$7左右。
後來，經過胡椒餅鋪。本身想買來吃，但又好似好熱氣。聽日要影相，都係忍口唔好食住。
之後大王揀左去洪師父牛肉麵。食後感，以後唔好再黎食!又貴又唔好食~~~
聲稱牛肉麵冠軍，原來後來才發現間間鋪都話自己是冠軍，都唔知點解有咁多冠軍。
我地覺得好一般
NT$260一碗==>HK$65==>好貴呀!
去旅行最鍾意去便利店，因為見到好多不同的地道飲品。
下回預告: 今次真係去揀衫喇!
寫得好仔細呀~~
回覆刪除台灣真係好正架~~
期待你其他的分享^^
係呢~可以ADD埋我做BLOG友嗎
我都係下年3月結婚呀^^
[版主回覆05/14/2010 23:31:00]我ADD左你喇!太好喇!又多一個3月結婚的朋友仔，大家一齊努力加油呀!
我其實都唔算寫得詳細喇!我有另外一個BLOG寫旅行仲詳細...HAHA
我上次住桔子開封館, 個洗手間係開放式無門架, 初時都唔知點去好, 真係勁唔自然呀
回覆刪除[版主回覆05/15/2010 11:39:00]好彩館前館有磨砂門咋!唔係實比大王話我揀D無廁所門的旅館......
有磨砂門真係好過無門好多....
間hotel好企理喎!
回覆刪除HK$65==>真係好好好貴!!
[版主回覆05/15/2010 13:37:00]係呀...間旅館都幾OK~~地理位置GOOD!好近台北車站，附近又多野行....
自從呢次食左HK$65唔好食的牛肉麵，我同左大王講黎台灣係食平野....
要好食，香港大把好好食。去台灣只係食平野~~~
HIHI...可以ADD我嗎?
回覆刪除[版主回覆05/16/2010 21:49:00]我ADD左你喇~~~
$65碗麵.....好彩你話比大家知唔好味o者,慳番幾廿蚊食第二樣呀~~
回覆刪除btw,你個機場早餐同飛機餐都好似好好味咁呀
[版主回覆05/19/2010 11:10:00]哈哈....都係影相效果....係咪睇落乜野都好食呢~~~HAHA
我最中意胡椒餅~ 比我實食左先算~
回覆刪除[版主回覆05/30/2010 12:30:00]嘩...你有排都未去到我個LEVEL啦!你梗係有大量QUOTA食啦!HAHAHA
我上次夜媽媽先去到桔子開封店, 可能full晒, 所以佢upgrade左suite俾我, 所以唔駛咁開揚~好正啊~~~
回覆刪除[版主回覆05/30/2010 12:29:00]哈..你就好啦..有得UPGRADE住SUITE....
不過我住最平個種都好OK呀!下次若果再去台灣可以再考慮