擱置了一排，大王終於再「的起心肝」去睇同埋CONFIRM。今次我們去了ELEMENT的CARTIER，因為聽人講SERVICES好D，SALES NICE一D。
哈...講真...今次入去呢間CARTIER真係無乜壓力。相反，上次去1881個間，好似好多SALES，同埋都唔係個個咁NICE，始終覺得著得頹D入去都比人白鴿眼，所以快快問兩句就走。之後睇BLOG聽人講話銅鑼灣和ELEMENT的CARTIER的SERVICES好D，所以今次就轉去圓方商場個間先。
YEAH!今次我地試上手之後就會CONFIRM。心情好興奮。
我地入去個時，都唔係太多SALES，所以無人拉門，好似少左D壓力。再加上，入到去，呢個櫃睇下，個個櫃又睇下，都無SALES得閒理我地。(反而我地鍾意咁樣...)
掃完一次，心目中都有幾隻想試。玫瑰金就唔駛諗，因為我地都唔係太鍾意。
最後試左...
下面兩隻18K金上面刻著CARTIER的戒指。
還有以下這款...其實我覺得戴上黎幾好睇，因為覺得隻手指幼少少。但買對戒都要睇埋男仔戴得好唔好睇，大王因為戴上去有夾手的感覺，所以最後無揀這款呀!
最後還是選了比較COMMON的LOVE COLLECTION系列款式，因為大家戴上手都幾好睇，最緊要老細大王LIKE呀!(基本上，我覺得我戴乜都好睇...HAHAHAHAHAHAHA)
但原來大王的手指比較粗，要戴到67號圈，所以應該要係訂返黎，要4-6個月的時間。
期待中...唔知幾時先收到對戒指呢?!
YEAH!!!買左啦買左啦!!!我男友個SIZE又係要訂..不過過左一個星期已經打來話可以拎啦...我依家係屋企成日偷偷地拎來戴呢!
回覆刪除[版主回覆05/30/2010 23:46:00]哈..成日偷偷地試戴?
我都未知幾時到手呀!要學你咁記住問佢攞盒先
好靚呀~~不過好貴呀，所以我都唔比自己去睇喇~~哈哈
回覆刪除[版主回覆05/31/2010 17:19:00]你唔要石個D咪得囉~~~HAHA
又真係幾正播隻戒指...
回覆刪除[版主回覆05/31/2010 23:30:00]哈..係呀!雖然好多都揀，但又真係幾靚呀!
最緊要係我男友都LIKE呀!因為另外D款我都鍾意~~~
不如你比你粒石我都得~~
回覆刪除[版主回覆06/02/2010 21:52:00]哈哈..你擺半島點會買唔到石呢~~~HAHA...仲好大粒啦!
哈哈!!YEAH!!!拎左對介指,會不會帶著係手影返幅靚相^^!!!
回覆刪除[版主回覆06/12/2010 11:48:00]哈哈...未咁快....收到個時一定會影相比你睇!HAHAHA
多謝你咁 detail 解釋呀 ! 有石真係貴 double 喎 !
回覆刪除等我呢個 weekend 放假去 Elements 睇吓先 ! 希望我都好似你戴得好睇啦
Anyway ! 唔該哂 !!!
想請問你love collection無石果對要幾錢呀？好靚！！！
回覆刪除[版主回覆06/24/2011 09:26:00]LOVE COLLECTION幼身款，18K金，若果女仔有石要$12,450,男仔無石就$6,450，加埋都萬九。同一樣換做鉑金就二萬九。