著拖鞋去釣大尾魷(PART1)

哈哈...大王又去搵師傅老銘和飛蟲師兄一齊去FIT魷。今次去邊呢?!我都係由幾位男士話事啦!

大家八點幾係馬鞍山食完早餐後就出發到早和坑碼頭上艇去狗碼頭。

早和坑碼頭...今日天清氣朗，心情特別好。

三位男士...哈...大王又攞竿、又拎冰箱...仲攞埋我件衫....真唔好意思...辛苦哂!

天色好好~~~唔熱...但...好似好大風....

兩位男士好型呀~~~~~

好想上遊艇玩

黎張神氣D O既相先....挺胸收腹...好MAN呀!(背景音樂:好多女子尖叫中~~)哈哈

<<各位女士，若對此男子有興趣，請聯絡我，本人會代為轉介!>>

出發喇!心情好興奮呀!

大王與早和坑碼頭外....都幾靜水喎...

不斷係度影景

到達狗碼頭。超強風~~~吹得起個人~~~兩位師兄SET緊竿...有個呢D袋又幾方便喎!

大王都SET緊竿~~

太大風釣唔到大尾魷~~~無聊中就影下相。呢張相係想比大家知道呢度好大風。睇下件衫同條褲吹到脹卜卜.....(等緊走...)

呢張相係想睇下枝撈簊棍有幾長....

到現時為止都係未開齋...

(待續...)