2008年11月16日 CAR GAME大尾魷 PART B

繼續講返CAR GAME大尾魷先.....

我地之後試下轉位，去了龍蝦灣。其實我同大王上年十二月都黎過呢度，不斷CLICK石同淨係釣到D草返黎，今次....原來都一樣。

企係呢個位，間唔中D浪大到可以雙腳全濕，磯鞋都冇用...

係呢度已經陣亡左好多隻蝦...

所以就走喇!係度搵到筍野.....點解呢度會有咁O既野?!真係解釋唔到...

小信仲用枝竿挑起....枝竿若果之後行衰運釣唔到就知點解啦!

仲有小銘濕透的臭鞋襪..

後來去到石刻那邊...風景優美...但望落去都幾驚....

能與以下三位俊男同行FIT魷，的確更加心曠神怡

 

 

我同大王行樓梯落....幫大王影返張靚相先...

你睇幾斜?!企都驚啦...更何況我要爬落去....

落到去，好大浪。我冇開竿釣，佢地話釣唔到....D流帶到隻蝦返埋黎....

你睇小信師傅幾型?!我鍾意呢張相，好有FEEL

我一陣又要爬返上去喇!

後來見呢度冇乜魷釣就去返朝早個度.....

我隻腳指公好痛，D姣蝦又用哂....再用就要用貴蝦....拎落去就50蚊....一CLICK岸邊D石，一抽連動作都未做就斷哂.....再加上今日釣況唔係太好，我覺得無謂放D貴蝦去摶喇~~~

見到有D狗狗散步...我最鍾意呢隻好似棉花又似棉羊的狗狗....

毛茸茸的....

小銘又去玩狗狗....

獨照先....CUTIE CUTIE~~~佢地腳仔好得意...

阿信與「狗狗」...你終於搵到至愛喇!CONGRATULATIONS~~~你睇狗狗幾乖呢~~~合乎你條件~~~

呢隻狗狗一睇佢知佢「起哂鋼」~~~一臉兇神惡煞

你咁唔乖，我唔鍾意你!

最後一個釣點就係....科大喇!小信幾型呢?!果然係餌木會第一型男~~~hahahahahaha

肚餓喇!返去馬鞍山食飯同小信提早慶祝生日....開心D啦!

唔好扁嘴啦!生日快樂喇!

哈哈...要快D去入多D平蝦我先可以再出去玩喇~~~~

雖然今日釣唔到，但同大家一齊出去玩，講下笑，傾下計，學下野都已經夠開心~~

下次再玩過~~~