補記十一月二日大風大湧釣唔到尾魷日

等我補記返十一月二日的一次煲薑日先。點解咁遲寫?!係因為呢日收獲唔多，而且當日狀態不太好，所以沒有心機記錄返落黎。

但突然間諗下，呢個BLOG都係我一個回憶，所以就寫返喇!

 

今日係星期日，尋晚去完DISNEYLAND HALLOWEEN，返到屋企差唔多成點鐘先訓，朝早六點半又要起身。訓得幾個鐘，個人邊度有精神呢?!

八點去到三門仔，食完早餐就等上船。今次冇樹生叔叔就打去水中天BOOK艇。又話出緊黎，等左幾個字都未出現。

等候艇來之時，有好多青斑在交易中....好多好大條呀!

閒影....發記，大甘和大王...長州三寶

還有好NICE的達達大師。我印象中的達達係去南油三日兩夜只係訓覺，連枝竿都未開過出黎，所以幻想唔到佢釣魚O既樣。

我下次唔再擺D好LEARN的POSE喇!!

架艇開得好快。突然間仲落起雨黎....好在我地D衫都防水，吹吹下就乾。

今日天氣唔係好好，而且仲好大風，好大湧....見到D湧就驚....

見到呢度就知去左塔門附近啦!FIT左幾下都冇動靜....

中間的過程已經冇影相喇!因為本人太眼訓，而且咁大湧，邊度都去唔到。

勉強停在一個地方，D流又太勁。放左條絲落去，炒左係另一邊仲要CLICK埋之餘仲斷埋。點釣呀?!

後來更去了一個上次我釣到隻大尾魷的地方。發記一放落去已經中左一隻OK SIZE，達達都好無厘頭咁放落去就有，連佢自己中左都唔知。達達都係第一次釣，乜都唔知，放落去就有。所以話....新手第一次釣通常都會比D野你釣下....因為太大浪，所以好快就離開左呢個位。

之後就去左赤州背，係就係背左風，但成個海好似死左咁...魷就冇喇!魚毛就有幾條...

玩左一排已經去塔門食飯喇!

你睇呢幾位男士有得食幾開心?!

再加埋大王四人大合照....

海膽炒飯...味道一般。

义燒炒米...

朝早釣到的尾魷劏左黎灼....

之後都有去左D背風位。個艇家都唔知帶我地去邊，冇釣點可以提供。唉...唔好講喇!

總之佢O既工作就只係車我地想去O既地方啦!

我地邊有你咁多經驗呀?!

轉位期間，我以為佢慢駛架艇行前少少轉位，所以就坐係船頭。點知佢開得勁快，成架艇飛起左，咁我個PAT就櫈左一櫈，背後最尾個節骨勁痛，坐係度再企返起身都好痛。唯有強忍痛楚繼續餘下的釣魷時間。

總括黎講，我今日只釣到幾隻魷B。另外發記和大王都釣到幾隻。今日發記發威，釣到大尾魷之外，仲釣到針墨先生。勁!

話話下午時間，一向只釣魚的大甘頂我地唔順，所以搵枝頭竿和個唔知乜野攪，大王比左隻姣蝦佢就試下釣大尾魷啦!

一掟出去，覺得自己掟得太近，所以收返黎再掟。第二下一掟出去，本身D絲仲炒哂粉，攪下攪下就咁上左第一隻尾魷。

哈哈...場面攪笑....

四點半就回程喇!唉...算吧啦!以後都唔會再搵水中天BOOK艇就得啦!

阿甘回程時，風太大，吹左個枕頭出黎...

影張正經D先

釣獲...有大有細啦!隻針墨就好大...

下次要再玩過，玩得開心D~~~~