九龍城的「清真牛肉館」

前幾日與同事們放工搭的士去九龍城食平時排長龍的「清真牛肉館」。

每次經過這裡也是很多人。唯有快快放工搭的士去到門口，省卻等車和步行的時間，盡量在七點前到達而又人齊就可以快一點入內。

我地六點九左右到達，一去到因為齊人，所以即刻有得入。

入到去，我地四個人，原來得兩個位。佢地睇黎叫我地入去企係度，迫另外兩位食客走，就可以比到四個位我地。

有個侍應問o個兩位食客仲有乜野未黎。人地話牛肉餅未黎。個侍應就語氣唔係咁好咁話之前都冇落單。食客同侍應大家各執一詞。人地可能一場黎食牛肉餅又食唔到，仲要鬧走左個客。唉...呢d服務態度.....

呢兩位食客不歡咁走左，我地先有位坐。(好心啦!之前冇位就唔好叫我地入去啦!)

我地睇睇個餐牌叫左六樣野。

下面兩個餐牌係「清真推介」。我們叫了三絲拉皮、清真牛肉餅和牛肉水餃。

另外叫了咖喱羊腩。

咖喱羊腩$55

牛肉水餃(8只)

奶油津白...好奶油呀...不過應該好肥....

成台都係野....好飽呀...

麻醬雞冷盤....好味道~~

三絲拉皮($55)，都係上海o既雞絲粉皮好食d...

馳名的清真牛肉餅...$20一份有兩件，入面又真係有豐富的牛肉汁...唔錯...

你睇?!我唔食得牛肉都要試下.....

每人食左$68....食到好飽.....

食物質素都唔錯，只係服務態度唔係咁好...同埋好似催你走咁....你食完都唔駛旨意可以坐係度，因為佢地一定諗方法迫你走。

個度冷氣好涷。未去過一間食店d冷氣可以涷到覺得自己好似入左涷櫃個冰格入面，涷到你唔想再逗留係入面咁....真係一d都唔誇張...呢樣可能係催你走的一種方法。