哈哈...我的宿霧之旅實在UPDATE得太慢。唔緊要,已經接近尾聲喇!
之前講到我地係保和島去遊船河和土人村。接住,我地就搭五分鐘車去到睇全世界最細的眼鏡猴。
聽導遊講話呢種眼鏡猴好細膽,好容易被嚇親,所以我地唔可以用閃光燈。
同埋,呢種眼鏡猴係森林住。菲律賓旅遊局係森林捉左三十隻出黎分別放係保和島幾個地方被遊客睇。我就係去左其中一個地方。
一去到,工作人員就係D樹上面捉佢地落黎放落我地手或者膞頭度。我妹好好勇敢做第一個示範。佢話猴子的腳好膠,好似玩具,仲同我講話唔駛驚,佢地唔郁O家...
不過我真係好驚。若果佢跳,我仲驚過佢。同埋,我覺得呢隻動物一D都唔得意,仲好肉酸。若果放隻得意O既係我手,我都仲可以驚都照放,但又核突又驚,又何必呢?!
兩隻眼鏡猴好攪笑的在團友手上和膞頭上。
我和其中一個妹妹都比較細膽,唯有在旁影相。
有個妹妹懶CUTE....
爸爸都好勇敢...我估當時的眼鏡猴應該真係驚到唔識郁...
當然有紀念品買啦!不過導遊話呢度貴,唔好係度買。
佢地就係爬係呢D樹上....我都係冒住生命危險影呢張相。
獨照....佢D手指好核突。我不得不再重覆一次,我覺得一D都唔得意。
導遊介紹的花生糖,形狀好似朱古力山。
乘搭約四十五分鐘車程,終於來到我期待的朱古力山。
要行214級樓梯,所以又叫情人梯。我行左廿級已經暈陀陀,仲唔小心刮到腳。
但上到去真係好靚,因為我個人好鍾意大自然的景色,我覺得大自然好AMAZING,好感嘆有咁O既創造,所以呢個景點係我CEBU之旅繼忘憂島浮潛之外,另一個我好想去的地方。
我地全家人在朱古力山留影,我好鍾意呢張相。
後面有好多個小山丘。在夏天,草比較乾,太陽曬下來,像在上面塗了層啡色,就好像朱古力一樣,朱古力山由此得來。
一望無際的小山丘,像望不到盡頭。
看到爸爸擲錢祈求平安的一刻嗎?!
好鍾意呢個景。我們剛去到這裡下著毛毛細雨,行完樓梯上去已經出太陽,還有藍天,所以話CEBU的天氣真係好唔穩定,但通常都係好天O家...
始終都係旅遊區,所以有D哥哥會叫你影代表性的相留念。呢張騎掃把在朱古力山跳起的相就是其中一款,100PESO一張,約HK$20一張。佢地仲好有耐心同我地影,因為要捕捉到六個人同一時間跳起,都幾有難度的。
好開心的一張...細佬好似一D都唔驚咁...
一張冇掃把....哈哈
媽咪好攪笑.....好難忘的一刻...
紀念品店...主要買衫...
再見喇!朱古力山...
(待續)
咦, E個朱古力山我鐘意, 好靚
回覆刪除