宿霧第二日的行程就是去忘憂島。跟康泰,這個自費活動是HK$300。
其實這個價錢也算OK,因為包出海浮潛、忘憂島上BBQ餐、即食海膽和與海星拍照。總之浮潛浮到你話夠為止啦!
我地一朝早起身係酒店食完早餐後就乘30分鐘車去到大富利渡假村。
再係大富利渡假村的海邊乘船出海。
見到個天咁藍咁靚都好興奮。
下面係大富利渡假村的景色~~~
我地就係度上船。見到個海有幾隻色,海水好清。天的藍和海水幾隻顏色的藍拼在一起,就是一幅好美的圖畫。
說真的,我來宿霧就是想看看這個景色。
當然要影返張相先啦!
好想好似D小朋友落水玩....哈哈..,
我地租完浮潛的潛水鏡就上船向椰子島附近的魚類保護區進發。
船上有好多菲律賓哥哥協助...
例如協助我地準備將麵包一粒粒的放入膠樽入面...用黎浮潛時鍡魚用。一按個樽,麵飽就會流出,方便鍡魚。好叻...咁都諗到。
就好似咁~~
我地就快到目的地喇!
就係呢度喇!旁邊都有同類O既蜘蛛船係度浮潛。大家都急不及待...
好...著返件救生衣先....若果冇救生衣,我諗我已經浸屎左喇!
爸爸第一個搶先試試浮潛的樂趣。好型呀!識游水果然唔同D....佢話呢度好靚好多魚...
英姿....蜘蛛船是意思是船的旁邊有好多木條伸出來,好像蜘蛛網般,用來方便我呢D唔識游水的人浮潛。
我跳左落水潛入海望原來係咁深,就驚到...叔叔就黎幫我....但我都係好驚...
驚到好似窒息咁...一邊手又要拿著防水相機影相。
妹妹請到佢地做GUIDE去玩...好似係200PESO
四個女子已經玩到好攰...哈哈.....
我成日只係識捉住條樓梯....下面係爸爸拯救我...
你睇幾多船浮潛?!因為呢度係魚類保護區,所以水好清,同埋真係好多珊瑚好多魚...令我大開眼界。
十二點多,我地上返水,抺乾身,去忘憂島。
這個島仔好熱鬧,沙灘水清沙幼。
我地就係度游水和食BBQ午餐。
(待續~~~)
景色很美,令人真想一下子跳入水中!
回覆刪除[版主回覆09/05/2008 23:27:00]係呀...我個時都係咁...想即刻跳入水..不過跟團就唔可以,因為要跟返成班團友.....哈哈
E可以請GUIDE一齊玩嫁..
回覆刪除不錯..我想問你係邊到唱錢嫁
[版主回覆09/05/2008 23:30:00]好多賓賓都會自願做GUIDE,因為佢地有錢收,同埋諗住你會再比TIPS...100PESO一次...帶住你游個圈...
我係中環的百年唱錢(BERLIN EXCHANGE)...我唱個時係HK$1=5.6PESO
猛男Guide只收PHP100, 即HK$20
回覆刪除都ok架﹐我唔識游水﹐都可以安心浮潛
[版主回覆09/05/2008 23:31:00]哈哈....我唔識游水...又勁驚水.....佢帶住我,我都驚O家...
真的可以忘憂咁噃
回覆刪除[版主回覆09/05/2008 23:32:00]係呀....去到真係可以忘憂O家
d相好靚呀﹗你有冇影d海底相呢﹖
回覆刪除$300真係好抵,好想試下,d水真係好清﹗
話時話,你有冇晒黑到﹖
[版主回覆09/10/2008 00:29:00]哈哈...我有影海底呀...不過唔敢用防水袋..驚整濕部相機
所以買左部即棄防水相機影....影出黎都唔靚o既...
我冇乜點曬黑呀!d防曬好勁呀!同埋我夜晚返到酒店會做美白mask
好期待你day 3及day4既日記呀...
回覆刪除哈...見到你日記就好想快快去啦
[版主回覆09/10/2008 00:30:00]我太忙喇...仲未有時間update day3 and day4的相...
我好快會update埋佢o家喇!