終極東京箱根七天之旅---DAY7

第七天  

日期: 4月26日 (星期六)   

行程: 新宿-->成田機場-->香港

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

嘩咁快就係終極東京箱根七天之旅的最後一日喇!心情當然冇前兩日咁起勁，因為錢又用完，假又放哂!

好強烈有一種依依不捨的感覺。因為講得出話終極之旅，都唔知幾時會再黎。我已經去左四次東京，所以下次都要轉下旅遊地方喇!

早上五點幾望出外面日出的景色。當然影完相之後再訓返啦!

早餐於新宿歌舞伎町的餐廳。自助形式買左飛之後就搵個位坐。下面是我叫的親子井和麵豉湯。

豚肉燒定食餐~~~

早餐後返酒店執拾最後行裝check out。最後當然要再望一下外面的東京景色啦!一望無際...

check out後在新宿附近再閒逛一下。經過了很多夾公仔game鋪。我地之前黎東京次次都會夾好多公仔返屋企，因為屋企冇位放，所以今次決心唔夾公仔。

所以影下相去懷緬一下啦!

好可愛的鬆馳熊公仔....其實都唔易夾，因為個隻夾o既腳太鬆喇!

我細妹的至愛post pet熊....

還有可愛小白免...

好多小雞仔呀!

次次看到0101就覺得好有時代感。再見喇!0101

我地再係京王和小田急百貨行了超市部，買左幾個好靚好似好好食o既麵包，諗住搭機場巴士時食。

跟住又去食喇!臨走之前再黎味千拉麵食個拉麵先走。

要了一個元祖熊本復刻版拉麵，每日限定50個，價錢730yen。真實同相係咪好似呢?!

味道偏濃...濃味有濃味好食~~~~

還有期間限定的cheese 拉麵，780yen。

又係同相一樣，不過豬屎味食落去就好溜....

again豬軟骨拉麵。

一點半行過去小田急百貨旁的機場巴士站買兩點飛去成田機場。今次，真係要走喇!

哈哈...搭巴士都要成個鐘。有時間梗係又要食啦!呢個係牛角飽~~~

我買的藍梅酥。好香好脆~~~~正.....270yen。

去到機場，好順利check in左就行下街先~~~新開好大間的uniqlo。

去到m記見到有我的至愛綠茶味產品，所以買了綠茶紅豆麥旋風。真係好好味呀!好濃的綠茶味.....好大杯...抵呀!若果香港有得食就好喇!

14號閘口的NW1 18:20機返香港。名副其實的早去晚返。我搭咁多次NORTH WEST機都只有早起飛，未試過遲o既。

晚餐一....

晚餐二....

係機場買左幾盒royce朱古力薯片，約600yen，雪涷左d薯片好脆，再加表面厚厚的一層朱古力，美味非常。係香港買要70幾蚊......係一個唔錯的手信選擇。

七天之旅完滿結束。