九流服務的觀塘「椰林閣」

好耐冇寫過鬧爆你環節，原因係要一氣呵成寫埋日本之旅的blog先。

今次鬧爆你的對像係觀塘的「椰林閣」。

其實每次去不同區域的椰林閣都有不好的經歷，但今次的經歷我相信是大部份人也曾經遇過，而且是令人氣憤的。

話說早於一個月前，同事們提議去對面觀塘裕民中心的「椰林閣」食lunch。

好快我地四個就有位入去坐。我們已經心知呢間椰林閣的服務有返咁上下，所以嗌餐o既時候已經嗌埋餐茶，等佢一次過上完餐就上餐茶。點知...

大家o既餐黎左，食緊o既時候餐茶都仲未黎。我地好自然就係叫人跟進。點知，每一次揮手叫侍應，每個侍應都有同一個特質就係突然又盲又聾，突然變成有滿有缺陷的人，對我們視而不見，充耳不聞。

呢個情況唔只發生一次，而係有差唔多十幾廿次。

試過有一兩個有理我地o既侍應話會幫我地跟進，口就話同你跟，真係跟你條命。

冇一個跟進過。最嬲就係佢地個個扮盲扮聾，有問題就唔好出黎做侍應啦!

著黑衫懶係叫做高級d個d都係廢o家!應該話係仲廢!

呢d咁o既服務態度真係好唔得!

我地足足重覆揮手叫人呢個動作已經十幾次。我地已經忍無可忍...最後有個侍應應該係廚房搵唔到我地張單，所以再黎落過單。頂...跟本佢地一早已經混亂到唔見左張單，浪費我地咁多時間。

最後我們在食完個餐之後的半個鐘之後先見到杯餐飲的出現。

佢地漏單可以原諒，但每個侍應都好似未訓醒，又好似唔想做的態度真係唔鬧爆你唔得。

仲有就係食左$119，我比左$120，我唔明點解連$1都唔找。我點解要比$1，我覺得佢地咁o既態度，冇可能有人會願意比services charge囉!再加上，邊度有話$1就唔駛找呀!若果你間咁o既餐廳有咁o既規矩咪寫張紙貼出黎囉!

總括黎講，請大家不要去觀塘的「椰林閣」.....我以後也不會再踏足「椰林閣」這些九流餐廳一步!