日期:六月九日 星期一端午節補假
今天跟吞拿大王出海遊船河。我想坐遊艇出海好耐喇!終於可以去得成。
今次係跟埋「魚釣人」的人一齊出去。咁多幾好吖!呢d活動係要一大班人先可以成行，咁樣參加先至去得成!
幸好，連日來的大雨終於為我們而停下來。
六點九起身(返工都冇咁早...)，七點多去到馬鞍山和吞拿大王在老地方食過早餐後就乘299入西貢。
九點多就上船喇!心情好興奮...我一早食左日本買返黎倒轉個人廿四個小時都唔會暈o既暈浪丸，所以唔駛驚會暈船浪。
出發喇!離開西貢碼頭...
遊艇後面有架駁艇，方便接載我們到沙灘、玩水上活動或去釣點。
吞拿大王、南油水佬和wyman
我幫吞拿大王拍了一張好型o既相....碧海藍天吹著海風，人生一大樂事。
船頭合照....好舒服呀!
真係心曠神怡呀!拋開一切煩惱，身心都得到relax~~~
旁邊有架遊艇行過。船上的人也很興奮呢!
藍藍的天....
藍天碧海連於一起...
經過了差不多兩小時的船程，我們到達了浪茄灣。好靚呀!呢度好似仲未受到污染...沙灘那邊水清沙幼...我們在船上釣魚和吃午餐....
食物味道都唔錯。有蟹粥、炒烏冬、丸丸、腸腸和三文治等等...
我們乘駁艇去了近島邊fit魷，因為係船上無收獲。
哈哈....我竟然係第一個中魷的人。釣到兩條魷仔....因為要留比吞拿大王下星期出南油做餌，唔係我已經放走佢地喇!
後來遊艇轉位，轉去之前係駁艇魷到魷的位置附近。呢度應該係好多魷魚的棲身地。我今日又好好手氣，釣到好多條。多次feel到大尾魷攬姣蝦的感覺，我當然靜觀奇變先攪佢上黎啦!有幾條係就快上水的一剎那走甩左!有幾條就太細條，所以放生左!
今次的經歷好開心好難忘，同埋未諗過可以在我這個對fit魷一無所知的女子身上釣到咁多大尾魷。
累透了!差不多四點就回程了!返到去西貢碼頭都已經六點。
爆釣大尾魷日就這樣完結了~~~~~
回覆刪除俾個皇牌你。
開心吓！！
請你看看我站及 留下 回應。
睇完，請訂閱噃！
又可把我站加入你的Blog友裹。
hello~~謝謝來訪呢！
回覆刪除請問你手上的那條是什麼東東？
[版主回覆06/28/2008 09:47:00]個條叫「大尾魷」係魷會o既一種...
刺身或者灼熟黎食都好好味
都係妳好d,無學到果個衰人咁,放左人地張(貓)相上來
回覆刪除[版主回覆07/05/2008 01:02:00]哈哈....衰野梗係留比第二個做啦
真的是你釣嗎
回覆刪除好小好似你啲咁得意嘅女仔仲意fishing
你是魚釣人嘅member？
[版主回覆12/18/2008 00:45:00]哈哈....真係我釣O家....不過係D大尾魷行衰運咋....
當你第一次釣到，你就會愛上左呢個活動...
我不是魚釣人會員，不過參加佢地D活動出去玩下...因為我鍾意遊艇遊船河
大尾魷易釣
回覆刪除我淨係識釣魚咋
聽你咁講有啲想轉行添
你唔驚啲墨Dirty
[版主回覆12/18/2008 21:26:00]哈.....嘖墨係增加釣大尾魷o既樂趣...
見到人噴同自己避唔到d墨被噴都好好笑o家
啲墨洗唔洗到
回覆刪除可唔可以用黎點墨寫習字嫁